الكاتبة: رسل خالد
»»»»»»»»»»»»»»»»»»»»» عازف الدخان
هَلا يَاكُلشي وبعد كُلشي،
ومَا بين الضوه ورُمشي♡.
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
شفنه بيبي خديجه مدده بالكاع ركضو شالوها زيد و همام اخذوها للصاله ارجوان جابت مي ضلو يرشون على وجها و روز و بيبي صبيحه يفركون رجلها ماكو دقايق صحت الحمدلله ربي
صبيحه : يا يمه خايبه شجاج
خديجه : ضغطي ما شربت حب الضغط
تذكرت امي تطيها الدوه يوميه واليوم امي التهت ومحد انطاها علاج خرب رحت جبت علاجها انطيته الها وكتلها تنام ترتاح طلعنه من الاستقبال كعدنه بصاله اجو عمر و ترف
اليانن : هااا بشرو ما اجو وياكم
ترف : باجر الصبح يطلعونه
اليان : امي ما اجت
ترف : لا هي و لا وتر رضن يرجعن بقو يمهم فاطمه و يوسف
اليان : اها خوش يلا حبيبي روحي الغرفتج بدلي ارتاحي لما اني و البنات نحضر العشى
ارجوان : انت كعدي او صعدي الغرفتج ارتاحي اني و ليلي نحضر العشى و روز دير بالها على سيسي
اليان : بس
روز : روحي عيوني ......
ليليان
صعدن كل وحده الغرفتها الشباب طلعو للحديقه يدخنون لان مو زين على سيسي المهم رحنه اني و ارجوان بدينه نحضر اشياء عشوائيه اني سويت معكرونه و كليت بتيته و ارجوان كلت بركر و سوت تبسي بصينيه دزينه همام يجيب صمون وسوينه جاي وزلايط فرشنه السفره و حولنه الاكل رحنه نصيح البنات
ترف
دخلت للغرفه تعبانه بس ما اريد انام دخل وراي عمر سد الباب
عمر : شبيها ترفي ضايجه
ترف : تعبانه
عمر : جعله بيه التعب ولا بيج
ترف : اكلك
عمر : كولي يماي عيوني
ترف : تالي تبقه تتغزل وتخليني انسه الي اريد اكوله
عمر : كدامك عسل طبيعي وتعال لا تمدحه
ترف : واي واي فدوه
