انت عيونك احلى من البدايات ولان خزرني فد حبيت روحي صحيح انه طموحي عيوني كبار بس عيونك اكبر من طموحي ♡.
...........................................
وصلنه نزلت من السياره اركض رحت على ابوي
وتر : يابه يابه
طه : ها عيني
وتر : حيدررر مضوج فاطمه ومن طلعنه بل سياره يكول سمراء ومزه
بهل أثناء دخل حيدر للغرفه ابوي كاله
طه : ولك انت ما تستحي شكبرك بعد تصير
حيدر : ممسوي شي غلط
طه : لا خطيه وهذا الي كالته وتر الي
باوعلي صفح وكال
حيدر : جنت اشاقيها وهي صدكت
طه : شقه مو شقه هذا الكلام ما اريده ينعاد
حيدر : صار
طه : يا ابني تره هاي الدنيا مو أمان وقانونها كما تدين تدان وانت عندك بس هل اخت خاف الله بيها وقبل لا تحجي بسيره اي بنيه خلي وتر بين عيونك
حيدر : صار يابه
وتر : يابه شنو معنى كما تدين تدان
حيدر : يعني شسوي للعالم يصير بيك
وتر : هاااااا حيدر بعد اذا باوعت على بنيه يا ويلك يعني من وره حضره جنابك الولد بياوعون عليه عييععع
حيدر : دنجبي انجبي انت شايفه شكلج
درت على ابويه وكتله
وتر : يابه شبي شكلي
طه: كمر تخبلين
درت على حيدر
وتر : ننننننننن بعنادك
كمت طلعت من الغرفه واسمع صوت ضحك ابوي وحيدر هزيت ايدي ومشيت
(ترف)
طلعت وي احمد حته نرجع للبيت صعدت بل سياره
ترف : احمد شبيك وي وتر
احمد : مابيه
ترف : لعد ليش تكول عليك غثه
احمد : هي السانها طويل وتحجي عل عالم
ترف : ليش شسوتلك
احمد : ما سوت شي
ترف : لعد ليش تكول السانها طويل
فرك وجهة بأديه وكال
احمد : منين اجيبك يصبر ايوب
ترف : منو ايوب
احمد : لا إله إلا الله
ترف : محمد رسول الله
