_________
﴿بسم الله الرحمن الرحيم ﴾
_________
صوت خلف الفتيات:•﴿ماجد مين يا بنت انت وهي)
ترتيل:•﴿بقول جامد يا نعمه مش ماجد ليه هو انت بتكرشي على حد يا نعومه﴾
نعمه:•﴿انا ما عنديش الكلام بتاعكم قليل الادب ده انا امي معلمين الاحترام والادب كويس﴾
ترتيل:•﴿معلمك الادب برده يا نعمتي ولا معلماكي ازاي تكوني خطفت رجاله زيها﴾
نعمه:•﴿احسن ما اكون بيقولوا عليا يا بنات الخاينه﴾
تالين:•﴿اخرسي يا نعمه لغايه دلوقتي مستحمله القرف اللي انا فيه ده بسببك وبسبب امك خربت البيوت بس اقسم بالله لو سيره امي جات على لسانك او على لسان الزفته دي انا مش هسمي عليكم وانسوا بقى تالين ﴾
نعمه:•﴿انا امي مش خربت البيوت فهمه يا حبيبتي وكمان ماما منعانا اللي احنا ندخل لك وعمي طه منعك يا ترتيل انك تدخلي لتالين ممكن اعرف انت كنت بتعملي ايه هنا﴾
ترتيل:•﴿ما لكيش دعوه انا كنت بعمل ايه في اوضه اختي خليكي في حالك تمام وما تنسيش اللي انا اختك الكبيره برده وانا الكبيره هنا كفايه قوي عامله لك رعب انت وامك وابويا اولكم ﴾
نعمه:•﴿تعرفوا اللي انا شمتانه فيكم قوي واحده ابوها مش طايقها والثانيه ابوها عايز يتجوز على الراجل قده لا وكمان الراجل ده هيتبسط معايا يومين وهيبيعها في سوق العبيد والراجل الكبير ابنه خلص عليه بدم بارد اب يشرف بصحيح اكثر حد شايفه بيحن عليه في البيت ده عليا انا وماما علشان احنا ملايكه مش ثلاث عقارب من واحده خاينه ﴾
تالين:•﴿هيجي اليوم اللي احنا هنشمت برده فيك انت وامك فيه اما جوازي انا مش هتجوز الراجل ده تمام﴾
ترتيل:•﴿بصي يا نعمه اخرجي بدل ما اقسم بالله اخرجك بكفنك الابيض وانا بصراحه نفسي البس الاسود يعني اخرجي دلوقتي بدل محقق رغبتي فيك تمام يلا تفضلي بره﴾
بعد ما خرجت نعمه قربت ترتيل من تالين
ترتيل:•﴿وعد مني والشعر ده مش هيبقى على واحده ست غير لما تهربي من هنا حتى لو الموقف وقف اللي انا هتجوز الراجل ده بدالك اعملها عادي﴾
تالين:•﴿انا عايزه اخرج سليمه انا وانت من هنا مش عايزين حاجه تحصل لنا ممكن وعد﴾
ترتيل:•﴿للاسف انت حظك اللي انت اتولدتي بيضه وعيونك عسليه وشعرك مدي للون الاصفر شويه عكس انا واخوكي بشرتنا قمحاويه وعيوننا سوداء وشعرنا اسود انت واخده من ملامح ماما قوي حتى عيونها وشعرها وبشرتها وللاسف الناس طمعانين فيكي انتي بس وعد مني اخليكي تنزلي مصر﴾
__________
تميم وهو نازل من على السلم بتاع الفيلا:•﴿ تارا انت ايه اللي جابك دلوقتي انت المفروض مع تولاي ﴾
تارا:•﴿ ايوه بس انا جايه اخد اللاب توب بتاعي وهرجع تاني﴾
تميم:•﴿تمام يلا انا هوصلك عند الفيلا بتاعتهم هو انت وهي تخرجوا تمام لو عايزين اي حاجه قولوا للحراس﴾
تارا:•﴿ربنا يخليك ليا يا ابيه بجد انت بعد بابا وماما ربنا يرحمهم يا رب انا بجد نفسي اخد حقهم﴾
تميم:•﴿ادعي لي بس المهمه دي لان دي المهمه بتاعه ماما وبابا نفسها اللي بابا وماما ماتوا بسبب وعد مني اجيب لك راس طه لغايه عندك ده وعد مني﴾
تارا:•﴿بس اوعدني لو قلبك يتعلق بحد هناك تجيبها وتعالى انا استحملها علشانك والله﴾
تميم:•﴿قصدك ايه مش فاهم يا تارا﴾
تارا:•﴿تعرف لما تروح﴾
تميم:•﴿طيب عايزه اي حاجه اجيبها لك قبل ما اروح﴾
تارا:•﴿عايزه سلامتك تروح وترجع بالف سلامه﴾
تميم:•﴿ماشي يا حبيبتي يلا تعالي اوصلك﴾
_________
مركز المخابرات مصريه
اللواء:•﴿لازم نزرع يا حضره الرائد تقي حد هناك في بيت طه نفسه﴾
تقي:•﴿تمام يا باشا علي صاحب عمري وده مخلص للبلد وهو برده ماسك القضيه دي هو وصحابي التانيين ممكن نزرع هناك حد﴾
اللواء:•﴿بس ده ابوك يا تقي ﴾
تقي:•﴿ابويا لو احترم العلاقه اللي ما بينه وبين ماما ما كانش شك فيها لما خلفت اختي الصغيره برده كان احترامها لما للاسف جاب لي رجاله وخليهم يعتدوا عليها ده بذمتك يا حضره اللواء اب او جوز او اصلا يقرب للنسل البشريه بحاجه ده ممنوع عنه حاجه اسمها الرجوليه﴾
اللواء:•﴿خلاص﴾
تقي:•﴿لا مش خلاص انت او انتم بعد ما تستلموا البضاعه طه يخصني انا واصحابي علشان هنعمل معاه احلى شغل ﴾
اللواء:•﴿خلاص اهدى يا ابني انا اسف سامحني ان انا قلبت عليك المواجع وعد مني بعد ما البضاعه احنا هناخدها هنسيب لكم طه تشوفوا اللي انتم عايزين تعملوا فيه ايه اعملوه تمام وكمان مايا بنتي عايزه اتشوفك ﴾
تقي:•﴿مايا اه خلاص انا ممكن هتكلم معاها بكره او بعد ما ارجع من الماموريه مش فاضي دلوقتي معلش يا حضره اللواء ﴾
اللواء:•﴿يا ابني هم اصلا عذرنا وعارفين اللي احنا مشغولين عنهم فعلشان كده بعد الماموريه هتحددوا كتب الكتاب تمام وكمان انا عايزه اشوف اخواتك البنات﴾
تقي:•﴿حاضر يا حضره اللواء﴾
_________
✨الكاتبه/ ﴿🤍 جنه جمال 🤍﴾✨
التوقعات
