أمــارلـــس

تنبيه

مرحبا حبايبي حبيت احجي وياكم بموضوع مهم قبل شويه دخلت ع السوشل ميديا طلعلي بوست بالصدفه يخص الروايات فـ صار عندي فضول أقره الي مكتوب بالبوست

صراحه حيل ضجت من البوست انو معقوله اكو كاتبات يكتبن هيج اشياء

الي اعرفه الكاتبة تكون واعية ومثقفة وتكون حذرة بكتابة المشاهد واختيار الرواية يلي تريد تكتبها اني من كتبت رواية امارلس

اتاخرت بكتابتها لمده سنة كاملة وفضلت اكتبها ورقياً علمود التدقيق اللغوي صراحة الي خلاني أتاخر بالرواية التدقيق عشرات المرات دققتها ودققت المشاهد

خفت انو تكون مشاهد غير لائقة لأنو اعرف نصف منصة الواتباد بيها مراهقات ميتجاوز عمرهن ال13 سنة أو ال14

اكو مشهد بالرواية مشهد بالرواية مشهد عادي ورفضت انشره حته ميأثر ع عقليه القارئه صراحه ما جنت متوقعه اكو هيج روايات بالواتباد لانو أني ما أقره روايات لانو وقتي محدود

وهسه يلا اكتشفت انو اكو روايات بيهم مشاهد غير لائقه ابدا

مو شغلة اتفلسف برأسكم بس اني الي اعرفه الكاتبة تكون واعية وتكون حذرة بكتابه مشهد نص او حته بارت

تدرون اول ما تواصلت ويه دجلة شرطت عليها قبل كتابتي لرواية انو ما أضيف اي مشهد غير لائق حته لو كان واحد

الكاتبة من تفكر تكتب رواية لازم تشوف سلبيات الرواية قبل إيجابياتها لانو اكو هوايه منتقدين يدورون الزلة حته يأخذونها محتوى

اتمنى متقرون هيج روايات لانو راح اتاثر عليكم هواي ومن كل النواحي راح تأخذكم لغير عالم

انتو تخيلو الواتباد بكبره وشكد بي روايات اعداد هائلة من الروايات اكو منهن تختلف جذريا عن الي دا احجي عليهن حاليا

لهذا السبب الأهل رفضو يكون عند بعض البنات واتباد والسبب الكاتبة الي وافقت تكتب هيج شي وتنشرة

ولو هنه لا وحده ولا اثنين الواتباد مليئ بالكاتبات المفروض هنه يكونن المعنى الحقيقي للوعي والثقافه  اني متاكده لو ما هذن الروايات السلبيات جان هسه الواتباد من افضل البرامج