أمــارلـــس

البـات 38

كُنت اصمُت طوال الوقت تقريباً
كُنت أُريد في كَثير من الأحيان أن أتكَلم
ولكنني لا أجد في الواقع شيئاً أقوله ، إن خير مايفعلهُ المرء أحياناً هو أن يَصمُت .

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

رجاءا لتنسون التعليق بين الأسطر

٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

نزلت جان البيت فارغ دورت بالمطبخ بالصالة ماكو صعدت بسرعه دخلت لغرفته ضليت ادور بالغرفة دورت بالكنتور بالمجرات ماكو مفتاح

فتحت المجرات مال الميز مالكيت المفتاح زفرت نفس بحيره ونزلت دموعي نزلت جوا دخلت للمطبخ اكو شباك كبير وعريض حاولت افتحه مقفول

اخذت السجينة وكسرت القفل فتحته وطلعت من الشباك صفنت ع المكان عباره عن بستان وبعده غابه كبيرة صرت اركض بكل سرعة ما هامني شي

طلعت من البستان صارت بوجهي الغابة نزلت دموعي خايفة ومتردده

دجلة :- يا فضة فضيها و يـ ام الحسن حليها
بجاه التاج والمعراج بجاه ضجيج الحجاج
اقضي حاجتي وحاجه كل محتاج

دخلت للغابة صرت امشي واتلفت مر وقت طويل واني امشي بالغابة صار صوت خنازير قريبه مني صرخت وصرت اركض وابجي

ابتعد الصوت توقفت صفنت بكل أرجاء الغابة اجتني لحظه إدراك انو خلاص ضعت حضنت وجهي بكفوف أدية وصرت ابجي بحركه عاجزة اسوي شي

دجلة :- ياربي ساعدني ياربي دخيلك

صار المغرب واني افتر بالغابة لكيت نهر جاري بقرب الأشجار تقربت من النهر وغسلت وجهي و ادية ضليت كاعده صفنت بالنهر

صار الليل واني كاعده يم النهر صارت صوت الذئاب وكل شوية تزيد نكثت ملابسي وصرت اركض وابجي خايفة واصوات الذئاب تزيد

بقيت اركض توقفت تعبانة ضليت اشهك وابجي سمعت صوته ينادي باسمي التفتت صوته يتقرب مني ضليت اركض ماريده يلكاني

استوقفني خنزير صغير واكف مقابيلي كمزت وصرت اركض باتجاه صوته بس اريد اشوفه

سرمد :- دجلةةةةةةة

اثناء مدا اركض حسيت بشي انغرس برجلي صرخت بالم وكعت بالكاع اريد اكوم ما اكدر تقربت اشوف رجلي خشبة مغروسة برجلي وصارت تنزف

سرمد :- دجلةة تسمعينيي

دجلة :- سرمد هناا اني

الكلمة كوه تطلع مني حسيت بخطواته غمضت عيوني تعبانه

سرمد :- دجلة

فتحت عيوني بتعب مديت ايدي ركض باتجاهي اتمسك بيدي

سرمد :- كومي دجلة كوميي

غمضت عيوني ماكدر احجي ولا اتحرك

جرني لحضنه وضل يمسد ع خدي