أمــارلـــس

البـارت 23

التضحية باللذة في سبيل تجنب الألم مكسب واضح .

٠٠٠٠٠٠٠٠٠٠٠٠٠

دجلة

اجة مسج من ايهم لخاله روى فتحته داز فيديوهات وصور فتحتهم وشفت الصور والفيديوهات كاعدين يحتفلون بعيد ميلاده هو وياها ورجع دز مسج

المسج :- لتنتظريني يوم راح ابقة اليوم يم مريم

شمرت الموبايل شبعت بجي طلعت للحديقه ذبيت الكيكه بالثلاجه ولميت الزينه ورتبت الحديقه مثل ما جانت صعدت للغرفه نزعت الفستان

سبحت وطلعت مشطت شعري ونزلت طلعت الاكل وحطيته ع الميز كعدت اكل لزمت الخاشوكه اريد اكل نزلت دموعي

:- غبيه غبيه تهتمين بي وهو ما مطيج ذره اهميه غبيه تحبين شخص ميحبج تغارين ع شخص ميهتم لمشاعرج

شمرت الخاشوكه ورجعت الاكل وصعدت للغرفه لميت نفسي بالفراش وضليت اشهك وابجي بقيت ساعات ابجي واناشغ بحركه

صار الفجر واني ما نايمه اذن الفجر كمت توضيت صليت كملت نزعت العباءة ولميت السجاده تمددت اول ما حطيت راسي ع المخده نزلن دموعي

ضليت ابجي واشهك مرت ساعه وساعتين واني ع كعدتي مهضومه من الصار اريد انسى ماكدر وكفت ع المرايه عيوني منفوخه وصايرات حمر

:- ثوله غبيه والله الا اندمك يا ايهم فلا يطلع اسمي دجلة اني أعلمك

رجعت لفراشي تغطيت ونمت

٠٠٠٠٠٠٠٠٠٠٠

فزيت ع ايد تتلمس بخدي

:- اسم الله الرحمان
:- خالة
:- ليش هيج حرارتج مرتفعه بنيتي
:- مابيه شي
:- زين عيونج شبيهن باجيه
:- مابيه شي والله بس نمت هواي وماخذه برد
:- الساعه ب4 العصر
:- ايهم وين
:- يم صديقه
:- مريم
:- فوتي غسلي وتعالي جوا اروح اسويلج لكمه تأكلين
:- خاله ايهم يم مريم ترا ادري من البارحه بقوه يحتفلون

طلعت خاله من الغرفه كمت من الفراش دخلت للحمام سبحت وطلعت راسي موتني بدلت ملابسي
مشطت شعري ونزلت

محد بالبيت بس خاله روى و فرات

:- تعاي اكلي بنيتي ما اتغدينه انتضرناج

ابتسمت بوجهه وكعدت كعد فرات اكلت شويه وكمت اريد اصعد دخل ايهم بأس خاله روى عفته وصعدت توضيت وكعدت اصلي دخل اثناء الصلاه

كملت شلتهن وكمت

:- قبل الله

ما جاوبته ضل صافن عليه

:- دجلة

باوعت عليه بطرف عيني

:- شكو
:- شبيهن عيونج
:- ميخصك
:- دجلة بدينه
:- ايييييي بدينهههه بدينههه