Sarpanch Ji

14. Shararat

For next update:
150vote
20 comments.

Aditya

Subah jab meri aankhein khuli toh maine khud ko bistar par akela paya.
Par uski khusboo abhi mere irdh-girdh thi.

Main utha aur ghadi dekhi. Subah ke saat baj rahe the. Aaj kitne dino ke baad maine ek achhi neend li thi. Bas Kami thi to uske masoom se chehre ki jo main har subah apni aankhein khulte hi dekhna chahta tha.

Main naha dho kar neeche gaya to dekha ki meri biwi mandir me Puja kar rahi hai.
Main jaa kar chup-chap hath jor kar khada ho gaya.

Puja khatam hone ke baad wo sabko aarti dene ke liye mudi. Jaise hi uski ankhen mujhse takrayi usne sharm se apni aankhein jhuka li.

Usne sabko aarti dene lagi aur ashirwad bhi liye.

"Dudho nahao puto phalo." Meri maa ne usse ashirwad diya.

Sab aarti lekar aur usse ashirwad dete huye puja ghar se bahar jaane lage.

Jab wo mere paas aayi tab puja ghar me koi nhi tha.

Usne mujhe aarti di aur mere maathe par tilak lagane ke liye apna hath aage badhaya. Maine uski aankhon me dekhte huye apna shir niche kiya.

Wo aarti ki thali rakh kar mere paas aayi aur mere pair chhuye.

Maine apna hath uske shir par rakh kar usse ashirwad diya, "Khush raho!"

"Aap dinning room me bathiye main nasta laati hun." Yeh keh kar wo kitchen ki taraf jaane lagi.

Main jaa kar apni chair par baith gaya. Thodi der me wo nasta lekar aa gyi.

"Maa kahan hain? Dikh nhi Rahi?" Maine usse puchha.

"Ji wo bas aati hi hongi?" Usne maa ke kamre ki or dekhte huye kaha.

Thodi der me maa aayi. Damini ne unke liye bhi nasta nikala aur unhe parosa.

Waise Aaj naste me puri, kheer aur aaloo parwal ki sabzi thi.

"Aaj naste me puri-kheer koi khas wajah?" Maine puchha.

"Haa, aaj bahu ki chulha pujai(pehli rasoi) hai na, issiliye usne yeh pakwan banaye hain. Chakh kar bata kaisa hai." Maa ne bataya.

Maine unki taraf dekha wo mujhe muskurate huye dekh rahi thi.
Maine ek niwala liya. Aur jo swad tha kya batau.
Ummm.... Maza hi aa gya. Agar maa yahan nhi hoti to main uske hothon ko chum leta. Par koi na, iska waqt bhi aayega bedroom me, hehehe.

"Arey, kuchh bolega bhi ya aankhen band kar ke so gya hai?" Maa ne frustrated hokar puchha.

Madharjhat, main to bhul hi gya tha ki maa hai bagal me.

"Ji...ji bohut swadisht hai." Maine khud ko man me thapad maarte huye kaha.

"Chalo ab hum bhi khate hain phir." Maa ne kehte huye khana shuru kiya aur main Damini ki taraf dekh raha tha.

"Hmmm.... Khana to wakai bohut achha hai. Yeh daliya kha ke to humare muh ka swad ki chala gaya tha." Maa ne uski tareef karte huye kaha.

"Ji.. dhanyawad." Usne dheere se sharmate huye kaha

Damini mere chair ke bagal me khadi muskura rahi thi. Par wo meri taraf nhi dekh rahi thi. Pata nhi kyun mujhe iss baat par gussa aa raha tha ki mere kareeb hokar bhi usse yeh tiles mujhse jyada sundar dikh rahe the.

Meri nazar uske kamar par padi. Ahh... Iski chikni kamar.

Tabhi maine maa ki tarf dekha wo khane me bayasth thi. Main bhi khane laga aur apne dusre hath se uski chikni kamar pe chukoti kati.
Haye iska badan kitna mulayam hai, bilkul phool jaisi.