لو تحبك الدنيا بأهلها ....مايحبّك احد كثري

في بيت كبير دخل الولد على امه بالمطبخ
مهند:يمه ريحة الطبخ يهبل وش تسوين
ام محمد:هلا ياعيون امك جالسه اسوي الاكله الي تحبها
مهند:اللههه مسويه جريش!؟
ام محمد:اي
قطع كلامهم ابو محمد الي دخل وهو معصب مهنددد
مهند:لبيه يبه شفيك؟!
ابو محمد:اخوك محمد جاي من السفر وانت هنا تتغزل ف اكل امك مجنون
مهند:يبه شسوي هو جاي خله يجي
ابو محمد ضرب مهند ب عصاه
مهند:خلاص خلاص بروح اجهز القهوه وكل شي لاتعصب
ام محمد:شفيك على مهند ماسوا شي جا يشوف وش انا طابخه
ابو محمد:خله يخلص بعدين يجيك
طلع ابو محمد يشرف على شغل مهند

~وفي مكان ثاني ولد جالس يجهز شناطه وهو متوتر معقوله بيشوف اهله بعد 4سنوات وهو بعيد عنهم خرج من هواجيسه بعد ماسمع الباب يدق قال:مين؟!
شفيك يامحمد افتح الباب....محمد فتح الباب قال سعود شفيك تكلم من اول
سعود:محمد اخلص ماباقي شي على الطياره
بعطيكم تعريف بسيط عن سعود
~خويي محمد عمره24 نفس عمر محمد وهم اعز الاخوييا لبعض"
محمد:هههههه..وش جايب معك خلني اشوف
سعود:يوهههه ملقوف انت اغراض تخصني!
محمد:من متى وانت تخبي عني؟!
سعود:كل تراب ماخبيت جبت بس اكل لنا
محمد بضحك:لا بالله وين الاغراض الخاصه
سعود :بتسكت ولا ماراح تاكل
محمد:خلاص خلاص تعال ناكل
سعود:الطياره بكره ترا!!
محمد:ادري بس لازم نجهز

~ف بيت ابو محمد
طلعت بنت حلوه تنادي ام محمد عمه ياعمه
ردت ام محمد:هلا؟
وسن:عمه بكره بيجي محمد وهو مايدري اني هنا شسوي؟!
ام محمد:عادي ياوسن اهم شي حجابك على راسك
وسن:تم
~وسن بنت اخت ام محمد مات ابوها وامها بعد ماراح محمد ب أسبوع واخذتها ام محمد تعيش عندها

"اليوم الثاني وتحديدا الساعه7ص
سعود:محمد يالله قوم الساعه 9
محمد وهو مفجوع:وشو الساعه9 بسرعه بسرعه وين الشناط
سعود:امزح معك ياشيخ الساعه7
محمد:ياويلي عليك فجعتني
سعود:ههههه بسم الله عليك
محمد:يالله باخذ شور ونروح
سعود:تمام

~ف بيت ابو محمد
الكل جالس يجهز ل قدوم محمد والفرحه عامه فكل البيت الا على وجه وسن الي كانت خايفه وهي تدري ان محمد ماهو من الناس المتفهميين خايفه يطردها وف راسها مليون شي
جات ام محمد:شفيك ياوسن
وسن بعدم انتباه:مافي شي
ام محمد:وسن محمد جاي
وسن:ايشش بيجي الحين؟؟
ام محمد:اي اي قومي تجهزي!
وسن بربكه:طيب ياعمه

~بعد وقت
مهند:يمه متى يوصل محمد
ام محمد:ماتشوفني مشغوله شوي ويجي
مهند:يمه اساعدك طيب تراني فاضي
وسن:لا لا خلاص يامهند انا جالسه اساعدها بس انت اطلع فوق وجيب البخور من غرفة خالتي
مهند:يالله يالله الحين اجيبه
ابو محمد:وسن!
وسن:لبيه خالي شبغيت
ابو محمد:سويتم القهوه والشاهي وكل شي
ام محمد:اي اي سويناها كلها
وسن:اي ياخالي وسويت حلا بعد
ابو محمد:ترا بيجونا ضيوف نظفو المشب وبخروه وحطو القهوه وكل شي على الطاوله
وسن:تمام الحين اروح انظفه

~عند محمد فالمطار
سعود:محمد وش شعورك وانت رايح لأهلك
محمد:شعور ماينوصف احس بتوتر واحس بفرحه احس ودي اسافر الحينن علشان اوصل بدري واضم امي وابوي ومهند الصدق مشتاق ل مهند اشتقت ل أيامي انا وياه وهواشنا وكمان امي الي تصحيني كل شوي واذا ماصحيت نادت ابوي اهخخخ كمية شوق لهم كلهم....
سعود وهو يقاطع محمد:انا قلت وش شعورك ماقلت اوصف قصة حياتك
بعد ساعتين وانتظار طلعو الطياره ومحمد كله خوف من الجاي

~ف بيت ثاني
يمه وينك؟!
ذا كان صوت ترف وهي تنادي امها الي ماتعرف وينها
ام سعد:نعم يايمه شفيني بالمطبخ
ترف:يمه تبيني اساعدك ب شي
تقدمت تالا وهي تقول:مايحتاج جهزنا انا وامي كل شي
ترف بضحك:شفيك طيب منفسه؟!
تالا:احس مابي اروح معكم عند عمي وربي تعب من الصباح وانا اكرف
ترف:ماتبين تشوفين وسن تراها مره مشتاقه لنا بعدين تراها دقت علي قالت لو ماجينا بتزعل علينا
تالا:يوههه وربي مره اشتقت لها اجل بروح اتكشخ
طلعت غرفتها ولبست بنطلون اسود و تيشرت ابيض علاقي وحطت ميكب خفيف وفردت شعرها الطويل
ونزلت تحت
ترف:الله شذا الجمال وين كنتي مخبيته!
تالا:اوف اوف من متى وانتي تمدحين كذا!
ترف:لا بس علشان تعطيني الروج حقك
طلع سعد وهو معصب ويهاوش سلمان
سعد بعصبيه:هات عقالي
سلمان:ذا عقالي شف عقالك وين حطيته
سعد:اقولللل ذا عقالي خلصني
ابو سعد:شفيه شصاير هنا
سعد ب عصبيه:يبه شوف سلمان ماخذ عقالي ويقول انه عقاله
سلمان:وربي كذاب يبه
ابوسعد ب عصبيه:خلاص انت وياه
سعد طلع فوق وهو معصب وسلمان بعد طلع
ترف بضحك:مايتوبون ذولا كل وقتهم هواش هواش
ضحكت تالا وقالت:ماعندهم سالفه
نزل سعد وسلمان وهم متكشخين
سعد:يالله خلصتم علشان اوديكم
ترف وتالا بنفس الوقت:اي خلصنا
ام سعد :اي ياسعد خلصنا تعال شيل الاغراض وديها السياره
ابو سعد:انا بسبقكم ل بيت بدر
ام سعد:تمام
البنات لبسو عباياتهم وكذالك الام لبست عبايتها وطلعو معى سعد وسلمان وانطلقو ل بيت ابو محمد والكل متحمس بقدوم محمد