لو تحبك الدنيا بأهلها ....مايحبّك احد كثري

لو تحبك الدنيا واهلها...مايحبك احد كثري

بعد صلاة المغرب الكل متجمع عند أبو محمد في المشب والحريم جالسين بالصالة يسولفون يطقطقون جابت وسن وترف القهوه وضيفو ضيوفهم وعند مهند اخذ القهوه وضيف ضيوفهم
وسن:شرايكم نطلع فوق السطح الجو يهبل
البنات وافقو وطلعو ترف اخذت فرشة حمرا تفرشها و تالا جابت الحلا والشاهي ومرام ومي جابو لعبة جاكارو علشان يلعبون ويستانسون
جلسو يلعبون وفازت مي
مي بحماس:فزتتتت فزتتت
وسن:كذابه انتي وترف بس تغشون مااحد فاز عيدوها
مرام بضحكه:اي اي كلكم غشاشات
ترف:مابي اعيد تخيلي اتعب وفالاخير اعيد ولله مااعيد
وتهاوشو على اللعبه بعدين جلسو يضحكون ويطقطقون على وسن لانها تقول انهم غشاشين
وسن:اسمعو بنات بنزل اجيب مويه من تجي معي؟!
تالا:انا بجي
نزلت وسن بسرعه وهي تجري وتغني ماكانت تدري ان قدامها حجر فجأة حست بدوخه خفيفه الا وتطيح على الحجر الي كان قدامها وضرب راسها ضربه قويه
تالا ب صرخة هزت اركان البيت:وسسسسنننن
سمعو البنات الصرخه ونزلو يشوفون شفيه الا يشوفون وسن طايحه بالارض والمكان كله دم
ترف ب خوف:وسن شفيكك
وسن بدون اي ردة فعل بدت تغمض عينها بشويش نزلت مي تنادي اهلها
مي ب صوت عالي:عمتييي....امييي وينكممم
ام محمد والحريم قامو ب خوف يشوفون وش صاير
ام محمد:مي شفيك تصارخين
مي وهي تبكي:وسن...وسن
ام محمد بخوف:شفيها وسنن تكلمي
مي:وسن...دم...وسن طاحت علينا وهي كلها دم
ام محمد بشهقه:وينهااا بنتي وسن!
مي:عند الدرج حق السطوح
الحريم راحو بسرعه جهة الدرج ومي دقت على اخوها
مي ببكاء:س سلمان وينكم
سلمان:شفيك يا مي تبكين
مي:وسن وسن طاحت علينا علم عمي ومحمد والي معاك
سلمان:دقيقه دقيقه من الي طاحت وكيف طاحت!!!
محمد فز قلبه وقال:شفيك ياسلمان من الي طاحت
سلمان وهو متوتر:مي تقول ان وسن طاحت عليهم وان في دم مافهمت مادري شفيها
محمد صارخ ب عصبيه: وسن...وسن
قام مهند:شفيك وشفيها وسن
محمد:مدري مدري بدخل اشوف
دق محمد الباب على مجلس الحريم وام مرام شافته وقالت للبنات يلبسون عباياتهم دخل محمد ولقى وسن طايحه بالارض وكلها دم صارخ ب عصبيه:من سوا فيها كذا
ام محمد:مدري يايمه جينا لقيناها كذا
شالها محمد وغطاها ب شماغه وطلعت ام محمد ومهند ومحمد بالسياره
وابو محمد راح معى اخوه ابو سعد
واتوجهو للمستشفى دخل محمد المستشفى وهو شايل وسن وكل تفكيره ان مايصير لها شي جو الممرضات واخذوها ل غرفة العنايه المركزه طلعت الممرضه وهي تصارخ وين دكتور الجراحه سألها محمد:شفيها وسن شفيهااا!!
ردت الممرضه:شوي يااخوي خلني اشتغل شغلي
مسك مهند محمد وجلس يهدي محمد
محمد:يارب طلعها لنا سالمه
مهند قام وضحك:ليكون حبيتها يارجال شذا الخوف كله
قام محمد:مو وقت مزحك ترا
محمد جلس يناظر امه وعمته المنهاريين وبناتهم الكل منهار وسن كانت محبوبه عند الكل
لفت انتباه سلمان عيون ترف العسليه وشعرها الي طالع من ورا
سلمان ب همس:يابنيه غطي شعرك تراه طالع
ناظرته ترف وقالت:اوه معليش الله يسعدك لانك نبهتني
سلمان:انتبهي المره الجايه يابنيه