لو تحبك الدنيا بأهلها ....مايحبّك احد كثري

لو تحبك الدنيا واهلها...مايحبك احد كثري

دخلت وسن على خالتها والبنات ف يدها القهوه وهي متوتره من الي صار معها سألتها ترف:شفيك ياوسن كانك متوتره
ام محمد:ايوه ياوسن شفيك عسى ماشر
وسن بخوف وتوتر:لا ياخالتي مافي شي بس احس نفسي تعبانه شوي وابي انام
ترف وهي حاسه ان في شي:طيب اطلعي ارتاحي شوي
وسن:تمام
طلعت وسن وهي تهوجس بالي صار معها وتفكر كيف صار كذا وكيف هي غبيه ليه هي اصلا دخلت الغرفه ترتبها وجلست تلوم نفسها دخلت غرفتها وجلست فوق السرير طلعت ترف لها
ترف:وسن انا عارفه ان صاير لك شي
وسن قالت لها كل الي صار وهي محرجه من نفسها
ضحكت ترف:ايوهههه الحين تبدا قصة حبكم يشوفك وتشوفينه بالغلط ويعجب فيك وبعد ايام يصير الزواج
وسن: مجنونه انتي مستحيل يصير كذا مستحيل بعدين انا اعرف محمد مايحب احد ولا عمره حب احد ومتعلق ف دينه  يوم شافني حسيته يبي يموتني بس لأنه شاف شعري
ترف:مافي احد مايحب الكل يحب واكيد ف يوم من الايام بيحب وبتقولين ترف قالته

~وفي غرفة محمد الي كان يفكر ف وسن وكيف كانت ترتب غرفته قال:من سمح لها تدخل غرفتي
هي اخر شخص يدخل غرفتي لوبيدي ماخليتها تجلس ف ذا البيت ولا دقيقه بس شسوي ماعندها احد تجلس عنده الله يستر بس منها  دخل مهند عليه قال له:محمد اجهز وانزل للمشب علشان تجلس معنا
محمد:تمام بس تعال اسألك
مهند:لبيه شبغيت؟!
محمد:وسن من سمح لها تدخل غرفتي وليه دخلت
مهند بضحكه:وش الي من سمح لها اكيد امي قالت ل وسن سوي شي فالغرفه يمكن جت تنظفها ترا 4سنوات مهجوره تلاقي العناكب ماخذه راحتها بالغرفه واكيد هي جت تنظفها
محمد:اممممم طيب يالله بس خلنا ننزل ل ابوي
سبقه مهند ومحمد جالس يجهز علشان ينزل ل ابوه
طلعت وسن علشان تجيب لها ول ترف حلا وكانت مركزه ف ساعتها طلع محمد وهو مركز ف جواله صدمت وسن ف محمد وكانت بتطيح بس يد محمد كانت اسرع منها ومسكتها وتقابلت عيونهم وصارو مره قريبين من بعض
ترف بتوتر:هي ابعد صد خلني اربط طرحتي
محمد ب عصبيه:كيف تطلعين كذا؟!
وسن:ابعد طيب شوي
فكها محمد وهو معصب قال:لاعاد اشوفك كذا خلي دايم طرحتك على راسك
وسن وعيونها دموع وبنبره خفيفه:ابشر واسفه
لف عليها محمد وشاف عيونها كلها دموع:ماهو بقصدي اجرح...
ماخلته يكمل الا وهي تجري على غرفتها
محمد:شسويت انا المفروض مااعاملها كذا هي باقي صغيره ترا١٧سنه مو هينه باقي البنت صغيره!
نزل محمد وهو يعاتب نفسه من الي سواه طلع للمشب وجلس معى العيال
سعد:ماودك تسولف لنا عن سفرتك
محمد:وش اقول ووش اخلي صارت احداث كثيره
سلمان بضحك:اي اي تلاقيه لقى وحده حلوه وماهو قادر يعلمنا عنها
محمد:تخسي ولله مااناظر بنات الناس
وجلسو يطقطقون بعد وقت راحو اهل ابو سعد
ودخل محمد هو وابوه واخوه على ام محمد
مهند:يمه تدرين محمد جلس يهاوشني بس لاني قلت له بجيب شغاله علشان تساعد امي
ام محمد:صادق وليه تجيب عامله وانا ووسن موجودات
تذكر محمد الي صار وطلع يشوف وسن وينها
دق الباب على وسن
وسن:مين؟!
محمد:انا محمد
وسن لبست طرحتها:هلا شبغيت
محمد:اسف ولله ماكان ودي ازعلك بس تعرفين طريقتي اعذريني
وسن:عادي يامحمد ماهو غلطك غلطي اني طلعت بدون طرحتي
ورجع محمد غرفته وهو مبتسم مايدري ليه مبتسم بس يوم راضا وسن قلبه ارتاح