السفاح العاشق _ماذا لو

7/7

#للكاتبة_حنين الأسدي

~~~~~~~~~~~~~~~~~~~~~~~~~
تايهين ..
وسومر الشوف بدربنه
ابهيده تمشي ادموعنه وتخدر ونين
تايهين ..
ومدري وين ارواحنه وياشط خذاها
لو عتكنه انضل رسايل
تعدل اشما جف قراها
~~~~~~~~~~~~~~~~~~~~~~~~~

شاجور: اخذتها ورحت البيت ولد اعرفه يشتغل ويانه مزوج اخذتها وطبيت للغرفه سوالي مجال جانت شبه صاحيه ونزيف كلت راح يخلص دمها ملابسي وملابسها كلها دم صحت ابو حيدر يجيبلي مال اسعافات من سيارتي اني دائما اخذها وياي لان اهواي اتعرض ال حوادث بس اريد تبقى واعيه وجهه صار اصفر حطيت وصله بحلكها حتى متأذي روحها بديت افتح رجلها وهي بس دموع بعدين اغمى عليها كملت وطلعت الطلقه بسرعه وخيطت بس مو تمام بس اريد النزيف يوكف بسرعه لفيتها طلعت ابو حيدر كال خويه اطب المره يمها كتله ابو حيدر فاقده متحس بس خلي تنظف الدم اروح للصيدليه واجي خابرت على الولد الدكتور كتله على حالتها كال هسه اجي بس اكمل كال كلشي لجيب اني اجي واشوفها رجعت طبيت لكيتها لابسه دشداشه نظيفه رحت غسلت وكعدت ضليت اخابر محمود كال البضاعه خسرناها حسن لعبها صح كتله بس خلي يصبر ارجعهن وفوكاها زياده بيمن اندك حسن الا اخلي يتوب ويصلي بالجامع الكو.... رجعت للغرفه بعدها فاقده تلمست خدها حراره خفيفه خابرني محمد كال اوصفلي البيت جاي اني دليته على البيت اجه طببته للغرفه كشفت فخذها بس مكان الطلقه كال شاجور الخياط غلط خلي انظفه حتى ليلتهب جيبلي ذني المغذيات وهاي الابر رحت بسرعه شخطت السياره ورحت للصيدليه جبت العلاج ورجعت لكيته منظفه ومسوي خياط جديد حط كانوله بيدها والمغذي وضربها ابره بالمغذي كال بس تكعد وكلوها وخل تشرب الدوه
رحيق: كعدت واباوع شاجور كاعد بالكاع ومتجي ظهره على التخم واني جنت نايمه عليه اريد اكوم ماكدر اريد احرك رجلي متتحرك عبالي فقدت رجلي كمت ابجي هو فز
شاجور: شبيج قصص وروايات عراقية كرار صلاح
رحيق: كطمت رجلي مووو ليش مااحس بيها
الله ياخذك شسويت بيه
شاجور: هدي يمعوده شبيج منو كطم رجلج هياتها شوفي بس لان مطيج مسكن متحسين بيها
رحيق: كل من وراك جان متت اليوم المفروض انت بمكاني مو انيييييي
شاجور: شلون وياها هاي راح اكفخج صوتج مكاعدين بيتج عيب منه الناس
رحيق: تعرف العيب انت
شاجور: تقربت وعصرت فجهااا لا عبالج لان متصوبه استخطيج وتتجاوزين على راحتج فتهمتتتتتي صوتج
ابو حيدر: شاجور
شاجور: تفضل تفضل ابو حيدر
ابو حيدر: الحمدلله على سلامتج خويه مشوفين شر ان شاء الله
رحيق: شكراً
ابو حيدر : بس شاجور رايدك بشغله تعال بره
شاجور: اعوفج اهنا اذا طلعتي صوتج اجي اعبي المسدس براسج هل مره
رحيق: عبست وجهي
شاجور: تفضل
ابو حيدر: حجيت ويه صاحبي حتى اطلعون ل دهوك وكتله مرتك تعرضت لتهديد واطلاق نار ومكدرتو تجيبون الجناسي دبرها من يمه باليل يجي يمر عليكم يأخذكم واي شي تحتاج اني موجود هاي الاوراق والجوازات وكلشي موجود مفتاح البيت دزهن محمود باليل
شاجور: شخبار الجماعه
ابو حيدر: ديرتبون امورهم انت رتب وضعك وعوف الباقي علينه
شاجور : طبيت جوه جانو صابين الغده كعدت اكل وهي جنها حاصرتها البجيه بس مقاومه
رحيق : جنت حيل داتوجع بس مانزل دموعي كباله حتى يشمت بيه جان يأكل ولا هامه ولا جنه البارحة قتل وتعرضنه لهجوم اذكرت شلون جثث كبالي بالكاع والدم الله ليشوف احد الي شفته كمل اكل وراح يغسل
شاجور: اطيج كلنس
رحيق: ليششش
شاجور: ضحكت مو دموعج راح يوكعن شبيج ضامتهن
رحيق: ماكو دموع يتخيلك اصلاً اني عيوني تلمع
شاجور: اي مبينات كلش هسه بس اطخج تبجين
رحيق: اريد كلاص مي
شاجور: اطيتها
رحيق: شربت الماي كتله شكراً
شاجور: لارد
رحيق: حجيت بهدوء شاجور
شاجور: شتردين
رحيق: بعد اريد ميشو عطشانه
شاجور: كمت صبيتلها كلاص مي هاج
رحيق: شاجور اطيني بعد
شاجور: متستاهلين واحد يطيج يله اعتبرج جلب و داطي مي
رحيق: شربت بعد كلاص مي
شاجور: هاج هذا اكلي كله لان فقدتي دم اهواي ورانه طريق اذا تخربطتي وين احير بيج
رحيق: مااشتهي
شاجور: لتعبيني اكلي داكلج
رحيق: اخذته منه واكلت كوه وهو يباوعلي بعصبيه حتى غصيت بالكمه كمت اكح جابلي كلاص مي
شاجور: شبيييج راح تموتين اكلي عدل
رحيق: شبعت
شاجور: اخذت الصينيه وطيتها ل ابو حيدر
رحيق: اريد اغسل
شاجور: ميحتاج
رحيق: عفيه اريد اغسل
شاجور: سندتها وكومتها
رحيق: متت من ضغطت على رجلي كمت ابجي رجعنييي مااريدد
شاجور: مو كتتتتلج بس انتييي تعاندين
رحيق: دتأذينييي
شاجور: هسه اطيج مسكن
رحيق: راح ورجع جايب حبايه كالي اشربيها
اخذتها وشربتها وراها كمت احس نفسي بديت اطفي نمت ومادري بروحي
شاجور: اطيتها هو مسكن وهو منوم صار موعد روحتنه شلتها وحطيتها بالسيارة بالكشن الوره لان متكدر تكعد ليكدام حطيت مخده جوه رجلها وغطيتها صعدت ليكدام يم الولد
رحيق: فتحت عيني شويه شويه اباوع المكان اضلم اريد اكوم ماكدر سمعت صوت شاجور يحجي ويه ولد معرفت منو بس كاله بعد ساعتين نوصل هاي وين ماخذني النوبه شفته اندار عليه قصص وروايات عراقية كرار صلاح
وراها رجع يسولف باوعت وكفنه يم سيطره نزلوا مدري شنو حجو ورجعو ركبو
شاجور: هاج اكلي وراها شربي دواج
رحيق: ماكدر اكوم
شاجور: وكف السيارة نزلت فتحت الباب عدلت كعدتها اكلت وشربت مي وراها رجعتها
رحيق: شلون يتعامل ويايه معرفته ... ملفلفني تلفلف بالغطه حتى شعري لافه حتى ميبين الطريق طويل انام واكعد بعدنه مواصلين فتحت عيني جانت الشمس هستوها دتطلع طبعاً السيارة مظلله الي راكبين بيها.. وكفو السيارة فتح الباب كالي يله تعاي خلي انزلج نزلني
اباوع المكان عباره عن زرع وجبال جان المنظر حلوو بس حصرتني البجيه هاي وين جايبني جان شايلني لان ماكدر امشي باوعتله كتله وين جايبني ودمعتي نزلت مهتم لكلامي طببني جوه جان بيت مو كلش جبير اول منطب استقبال بعدين تجي الغرفه جانت زين حجمها بيها سريرين حطني على السرير
شاجور: ضلي اهنا شويه واجي مو تتحركين واي احد يدك الباب متفتحيها فتهمتيي
رحيق: هزيت راسي بمعنى اي .. بس مو تتأخر اخاف
شاجور: طلعت اجيب مسواك اشياء نحتاجه وجبت ملابس وراها طبيت على الصيدلية جبت معقم و شاش وادويه ورجعت للبيت طبيت حطيت الغراض بالثلاجة وكعدت على التخم تجيت راسي واخذتلي غفه وراها كعدت على صوتها
رحيق: هو طلع وهمزين جانت الدنيا صبح مو ليل احس بعد الصار صارت خوفه بيه لو مامسكنات جان مكدرت انام ..ردت اروح للحمام صحكته شاجووور
شاجور: هاا شتردين
رحيق: استحيت اكوله بس شسوي مضطره .. اريد اروح للحمام كوه كلتها
شاجور : رحت شلتها ودخلتها
رحيق: يله اطلع
شاجور: عساس راح اطب وياج اكيد اطلع
رحيق: سديت الباب وماكدر اضغط على رجلي
كوه مشيت كملت اريد اروح للمغسله اتجي على الحايط واعرج كوه غسلت فتحته الباب وصحته بعد ماكدر دتأذيني هو على اعصابه شايلني راد يطلع كتله خلي اطلع اكعد يمك بره اخااف تره اهنا وحدي والدنيا صارت ليل
شاجور: شلون سالفه هاي
رحيق: بكيفك اذا متريد اطلعيني
شاجور: حطيتلها كرسي وكعدتها ... اروح اسوي
عشه واجي
رحيق: لعد اروح وياك
شاجور: شبييج انتي هياته المطبخ
رحيق: مااااا معليه اخااااف والله
شاجور: شنو تخافين من شوكت هااي؟؟
رحيق: دنكت راسي كتله بهدوء ..لان صرت اخاف منه بعد الي شفته كلت ب اي لحظه يفرغ المسدس براسي عادي عده .. بعد الي صار كمت اخاف
شاجور: واني اضل كلساع شايلج ترى ثكيله راح يصير انزلاق بظهري من وراج
رحيق: اني مو سمينه والله
شاجور: ضلي كاعده اروح واجي سوالف المزعطه بطليها تخاف عفتها وطبيت جوه
رحيق: الدنيا صارت ليل كلش اباوع الاشجار تتحرك والهو حلوو بس اذكرت الجثث خفت احس اكو احد موجود خفت كلش كمت حتى من خيالي اخاف شفت واحد من بعيد جنه جاي علينه واني نسيت رجلي كمت وكوه امشي حتى ضغطت عليها ودموعي تنزل وصلت للمطبخ وكمت ابجي بعد ماكدر حضنته من وره هو اندار
شاجور: شبييييييييج جانت بس تبجي مفتهمت شي منها وباوعت رجلها كلها دم لزمتها من جتفها داحجي وياج شبيج
رحيق: اشهك اكو واحد اجه خاف يقتلني
شاجور : منو يقتلج شبيج انتي ..اوكفي اهنا اشوف
رحيق: كعدت بالكاع بعد ماكدر احس رجلي صارت خيوط
شاجور: طلعت اشوف باوعت ماكو احد طبيت جوه شفتها كاعده بالمطبخ بالكاع ورجلها اذب دم خـ... بيج شبييييييج تخبلتيييي كوميي
رحيق: ماكدر
شاجور: حطيت ايدي فركت راسي ولزمت اعصابي شلته وحطيتها على السرير رفعت البجامه وشفت الجرح طاك الخياط اكفرررررر هسيه بيج
رحيق: كمت ابجي الوجع جان يموووت وبعدها الخوفه بعظامي هيج صايره اخاف معقوله يتخيلي شنو مخبله صرت شاجور ااااااه لتلزمها
عوفها
شاجور: بت الخـ.. شنو اعوفها ترديها تتلوث ويكطموها الج بعدين بالخدمه داكوم لزمتني
رحيق: لا ماريد يله اتحمل سويها
شاجور: راح تتأذين
رحيق: اتحمل
شاجور: رحت دورت على الاسعافات كوه لكيتهن
جبتها طلعت الابره عقمتها ابلوعلها تختض مثل السعفه داقرب الابره وهاي ماعت روحها عفت الابره ورحت اكعد بيها ذبيت عليها ماي ماكو قصص وروايات عراقية كرار صلاح
شلوووون سالفهه هاااي انـ... ابـ... اليوم الي عرفتج بيييي طلعت بره جان اكو بيوت يمنه بس مو اهواي دكيت باب طلعلي رجال كبير بالسن حجيت وياه كردي طبعاً اني اطكطك بالكردي لان عشته سنه بيها كالي ماكو مضمد اهنا اله تروح غير مكان بس اكو قابله اهنا دلاني عليها رحتلها كتله هيج وهيج كالت انتظرني اجيب غراضي وصلنه طببتها شافتها كالت شكد حلوه مرتك ماشاء الله بدت تخيط جرحها وعلكتلها مغذي كتلها شوكت تصحه كالت مبينه بنيتها متتحمل وبسرعه تتخربط لتخاف عليها بس يكمل المغذي ويفكها المسكن تكعد ودير بالك عليها وخليها تأكل لان فاقده دم اهواي طلعت المعلاق وشويته والها وراها خابرت محمود جبت المكان الي بي حسن
محمود: دندور
شاجور: اريد اطلعه من الحفره الخاتل بيها فتتتتتهمتتتتتت
محمود: دندور شاجور تدري بي شلون يعرف يلعبها صح
شاجور: خلي الزمه اذا مااسحله بغداد كلها واخلي عبره لمن اعتبر وادوسه بقـ... كلي شخبار تاج الدين
محمود: ابوها ماخذ اجازه وامها كذلك وكل يوم اشوف ابوها بره يكعد بالشارع وضعه يبجي
والضابط امير دنراقبه مثل مكلت بس شنو هل ايام ميرجع للبيت مكضيها بالقسم جنه ديخطط
مناوي على خير وسمعت هو سبع اذا راد شي يجيبه بس الي عرفته اخته اصير صديقتها وجانت تروحلها
شاجور: ضحكت هيج الحجي المهم ضل مراقبهم ورزاق شنو وضعه
محمود: ضحكت عايش عيشته الملوك بالسجن يكلك صاير صديق مدير السجن كل يوم يشرب جاي وياه
شاجور: بعد رزاق يله اروح اني انتبهى على الشغل بس خلي يمر كم يوم وارجع
محمود: على راحتك انتظرك
شاجور: سديته منه ورحت شفتها بعدها نايمه بس جانت تحجي هي ونايمه وتعيط رحت عليها اكعد بيها جان تكعد وفتحت عينها حيل شلون واحد المرعوب حضنتني وكامت تبجي بعدتها بسرعه وكمت
جبتلها ماي كوه شربته جانت ايدها ترجف رجعت نامت جان وجه اصفر وهل ايام وضعها مو طبيعي احسها كامت تذبل واكل متأكل واذا طلعت لمكان ورجعت الكاها كاعده بالزاوية وتبجي واذا اندكت الباب تكمز واي حركه يصوفر وجها جنه كاعدين نتعشه شفتها صافنه بالفراغ
وتكلب بالاكل بالخاشوكه بس ما اكلت وراها راحت غسلت كتلها تردين اسمعين صوت اهلج
رحيق: بعد الي صار بس اريد اغمض عيني يصيرون كبالي وين مااندار اشوفهم حتى بالكاع اتخيلهم موجودين كمت بس اسمع دكت باب اموت من الخوف واذا طلع انعزل بالزاوية واسمع اصواتهم واضل ابجي اضرب حيل على راسي واكول طلعوووووو من باليييي ماكو فقدت شهيتي كمت بس اريد شي يخليني اناام جنت محتاجه انااام تعبببت من الي كاعد يصيري والله اهواي عليه .. كالي تخابرين اهلج كتله لا ورحت طبيت للغرفه جنت حتى مابيه حيل احجي وياهم وشحجي اذا اني صايره ماعرف نفسي
شاجور: صدمتني من رفضت .. يطبها طوب
رحت خابرت محمود وكتله اريد مره اكدر آمن عليها من اعوفها اهنا وكالي اشوفلك منه لباجر جنت منتظر خبر منه بعدين كالي لكيت وحده وتفقته وياها على مبلغ وكيفت اجتي ثاني يوم جانت بعدها بنيه شابه وتتمضحك وكردي وعيونها ملونه وشكره كتلها اي غلط تتحاسبين عليه فتهمتيي ورحت لرحيق كتلها راح اروح فتره واجي هي جانت صافنه حتى مجاوبت طلعت لبغداد وصلت بال09:00 صباحاً رحت للبيت سبحت وارتاحيت وراها رحت للمعمل طبيت لكيتهم كاعدين يشتغلون
محمود: همزين اجيت لكيتلك مكان حسن
وعنوان اهلها وين مكعدهم
شاجور: ضحكت كول راح تبدي التصفيه
ايدي توجعني صار اهواي مامستعملها باليل نروح هسه اني رايح للمعرض اشوف شكو ماكو وارجع خليهم يشتغلون عدل رحت للمعرض
قتيبه : ضل بالي عليك
شاجور: شلون الامور اهنا
قتيبه : هل ايام دنربح اكثر من قبل
شاجور: زيد اجور العاملين
قتيبه : مثل متريد
اليوم من ترحون اجي وياكم
شاجور: لا ضل بالمحل انت منريد ابوك
يحجي عليك يله رايح رحت لساره كان خلصان العقد بينه اني كل فتره اغير بس شنو ازوج زواج متعه جان اليوم اخر يوم كتلها اريد اليوم تونسيني وماريده تلغين ودوخين راسي سطرت البطاله وبدت تمتعني وراها دفعتها كتلها صايره ممله عفتها وطلعت رحت للبيت مددت اول مطبيت وراها خابروني حتى اروح غسلت وطلعت هاااا جاهززين نسويها طشاره
الكل : ايييي
شاجور : رحت للبيت الي حاط بي اهله كمزت من السياج جان اكو حرس بره مهتميت طبيت وراها فتحت باب المطبخ جانت مره بي واكفه تشرب مي حطيت المسدس على خاصرتها وسديت حلكها كتلها راح اوخر ايدي اي صوت والخلقج افرغه براسج هي تهز براسها وخرت ايدي وطبيت على الاستقبال جانو كاعدين ضربت طلقتين بالهو كلهم تجمعوا بمكان واحد شمرتها وياهم سحبت كرسي وحطيت رجل على رجل وكتلهم بيمن نبلش بالصغير لو بالجبير بكيفكم اني ماعدي شي انسان فارغ وعدي اهووواي وقت ف انتو شلون تردون طريقه التعذيب قتل حرك عاهه اي شي تردون اني حاظر واحد منهم كال شمسويلك احنه ليش تسوي هيج كتله تعال مقبل يجي كتله تعاااااااال اكلك مابيه حيل اكوم اوكف تعال ضربت طلقه هو اجه بسرعه كتله شنو اسمك كال حازم كتله حلو اسمك شكد عمرك حازم كال ٢٣ سنه ضربت بطرف المسدس على خشمه طك دم كتله مره الثانيه من اكلك تعال تجي ليش اتعبني مو هيج صوتي يروح هو كام من الكاع ويبجي الخوثه راح يم امه كتلها تعاي اسمج سناء مو اجتي ترجف كتلها سناء شوفي زوجج حسن مو كالت اي وهي ترجف هذا حسن ميكعد راحه كوليلي شسوي اكله ابني اكعد ميصير هيج تسوي وهو يرجع يسوي بهل حاله كوليلي شسوي اني اعوفه يتماده لو ادبه هااااا جاووووووربي هي تكول مادري شنو اسوي بيج خلي افكر هو يحبج موو كالت اي كتلها لعد اذا قتلتج راح يبجي عليج كامت تبجي انتن النسوان ضعيفات بس تبجن ماكو وحده بيجن متخاف المهم حظري روحج راح اتفنن بيج اليوم تعاي انتي شدعوه هيج فستانج قصير بعد نزعي عليمن لابسته بس شكول اذا بوج كـ.. بته عليمن تطلع كوليلي كم واحد مـ... هي ضاجت ورادت تحجي لخمتها على حلكها سكتت وتبجي طبعاً جماعتي منظفين البره وطبو كتله محمود مكينت الحلاقه شوفها وينها كتله انت حازم وين حاطها مابينه حيل ندور كالي بالغرفه راح جابها محمود كتلها تعاااي انتي ام فستان جتي وصارت بيها خوفه ضحكت عليه كتلها كعدي بالكاع هي كالت ماا خاف وصخه ضربتها وكعدت بالكاع كتله محمود تعال الزمها هي كامت تبجي وادفع لزمت المكينه ودكيتها صفر كتلها عفيه ب ابني شلون صرت تخبل يله جيبولي امها اجتي هم دكيتها صفر هسه تخابر ابوك وتكله يجي واذا مااجه منه لفد نص ساعه اخلي هاي الشباب كلها تتونس ب امك واختك هااا شباب تردون كلهم كامو يضحكون هو بسرعه دك على ابو وكاله بابا تعال شو احس روحي مريض كاله دقايق واني يمك كتله عفيه بالي يسمع الكلام هسه اخذوهم دخلوهم بالغرفه اخاف عليهم من الي راح يصير ب ابوهم طببوهم وكعدت على التخم ادخن هو فات ضل صافن كتله هلا هلا ب حسن اشتاقيتلك صار سبع سنين مشايفك هسه ارتاحيت من شفتك تعال اكعد شباب جيبوله جاي اجه كعد كتله نعتذر عن التأخير تدري الشباب ميندلون لان البيت مامتعودين عليه و اول مره يطبون اجه الولد كال تفضل شاجور هذا القوري بي بس ماي حار ملكيت جاي كتله ميخالف نشرب ماي حار يكولون زين للي بلاعيمه مسدوده
حسن: شنو تريد
شاجور: حكيت ركبتي باصبعي وعوجت حلكي سلامتك ماريد شي بس يكولون قبل فتره سويته شغله جيت اتأكد انت مسويها لو يجذبون عليه
حسن: شنو عود تخوفني انت
شاجور: ضحكتني ليش انت تخاف لو تخاف مجان لعبت ويه الجماعه الخطأ
حسن: شنو تريد اخليك تصعد بالسوك
شاجور: طلعت الدخان من حلكي كتله شاجور بالمرتبه الاولى انت اضل اخر شي ومكانك اهنا اشرت على حذائي كتلهم لزمو حسن وجبت ابنه كباله خليت يركع بالكاع سحبت اقسام وحسن يتوسل وابنه يبجي ضربته طلقه ودمه كام يجري بالكاع كتلهم اخذو بسرعه وحسن كام يبجي مثل النسوان رجعت ضربته طلقه لحسن بجعب ايده وشوهته قبل ماطلع كتله خطية خوش ولد جان بس خطية حتى جثت ابنك مراح تلكاها طلعنه وكتلهم ودوه ل محمد يعالجه بسرعه اخذو جنت ضاربه قريب على جتفه يعني ميموت وراها طمني محمد مابي شي ... بسيطه حسن اذا ماخليك تمشي وتبجي مثل المخبل ماطلع اني شاجور وره ميكعد محمود وديه لمنطقة .... ماريد احد يعرف وين هو بس انت واظل اهناك وياه ماشي صار تقريباً شهر بغداد كملت الامور ورجع شغل المخدرات اقوه من قبل وحسن ابتعد فتره بس بعدني اراقبه خلي اعوفه فتره وراها اصدمه رجعت لدهوك وصلت للمنطقه صفيت السيارة نزلت لكيت رحيق كاعده بره على الكرسي وترجف رحت يمها لزمتها صحت شهراز ماكو متجاوب اخذتها جوه وهي بعدها ترجف علكت التدفئه وكعدتها جبت بطانيه ضربتها على خدها خفيف جانت شبه فاقده طببتها للحمام اغسل وجه ماكو متصحه بت الكلـ... شلون تعوفها وحده خلي تجي اني اعلمج وديتها للسرير وغطيتها لزمت ايدي حيل ردت اوخرها ماكو جانت قابضه عليها حيل كعدت بالكاع يم السرير وراها سمعت فتحت الباب واباوع شهراز فاتحه شعرها ولابخه وجها مكياج ولابسه قصير شافتني شهكت كمت كتلها ويييييين جنتي كالت رحت اجيب مسواك كتلها وين المسواك لعد كالت هاا ياا نسيته كتله اوكفي كعدي اهنا لتتحركين رحت جبت الابتوب وفتحته طبعاً جنت حاط كامرات لان ادري بيها مو راحه اباوع شلون عايفتها وحدها بس باليل تجي واول مطب تنام لو تعلف وذيج ذابتها على الصامت منعزله بالزاوية وتبجي لو من تمشي تمشي وتوكع ضربت الابتوب حيل بالكاع ولزمتها من زنداهااا اني دافعلج فلوووووووس لو لا حضرت اطلعين اتـ... وترجعين وعايفتها مووووو هي نكرت كتلها انتي جنتيها على نفسج هي ضلت تتوسل اخر شي لزمتني من ايدي ونعمت صوتها وتقربت مني وكالت اني احبك والله من اول مشفتك وحاطه عيني عليك ولزمت دكم القميص وكالت ادري اني غلطانه وعفتها بس انت حباب وراح تسامحني وجرتني من قميصي الصراحه جانت حيل حلوه بس جريئه قربتها عليه ورجعت شعرها ليوره وقربت يم ركبتها وشميتها وبستها بيها هي مارفضت هل شي سديت الباب واخذتها للغرفه الثانيه جانت مسلمه نفسها الي وره مكملت كامت طبت سبحت وبدلت واجتي باستني وطيتها فلوس وطلعت كمت اريد اروح للحمام شفت رحيق كاعده وتباوعلي بنضره كتله شبيييييج
رحيق: شكد قذر انت
شاجور: احترررمي نفسك لا اجي اهفج
رحيق: متستحي انت تريد تسوي علاقات اطلع بره سوي مو بنفس المكان الكاعدين بي وانت مو مزوج شلون تخون مرتك هااا قصص وروايات عراقية كرار صلاح
شاجور: منو كالج مزوج اني؟؟
رحيق: استغفر الله استغفر الله شنو انت زاني متخاف الله
شاجور: منو كالج اعرفه حتى اخافه
رحيق: حرااام تحجي هيجي تغضب ربك
شاجور: حجه الشيخ
رحيق: كوه احجي وارجف حسيت راح اوكع اجه سندني دفعتي كتله وخر لتلزمني بيدك الوصخه
عاااط بيه صووت كمت ابجي
شاجور: منو انتيييييييي وتحاسبيني
رحيق: انت احقر انسان شفته بحياتي شوف لوين وصلتني كمت اخاف من خيالي شوووف ايدي شلون ترجف باوع على حالي حتى يبجي الصخر انتتتتتتت شنووو مينكسر قلبك موووو كااافي اخذت انتقامك واكثر اني جسد بلا رووووووح انت دمرتني وين جنت وين صرت لييييششش تسوي هييج مو كاافي كااافي اعتقني يااخي حررررام عليك والله كمت اكره نفسي من وراك خليتني اشوف اشياء مشايفتها بحياتي دخلتني بحياتك القذره وبعد شلون اطلع منها شلون اتقبلها على نفسي ارجع لوضعي الطبيعي انت عدك عاادي تقتل وتذبح وتسكر وتسم الناس وتزنيي وكلشي يغضب الله تسوي اماا اني مشايفه هاي الاشياءالي انت تسويها تخيل واحد يجي يخطفك ويلعب لعب بيك ويقتل كبال عينك كبال عينك بدون ميرفله جفن يسحب اقساااااام ويطلق الرصاصه يمشي ويقتل والجثث بالكاع والدم يجري كوووووولي شنو تتوقع يكون موقفي اغلس اعديها اكول عاااااادي ولا كأن شي صار ولك انييي اليل ماكدر انام تدري شنو ماكدر انام بس اغمض عيني اشوفهم يصيرون كبالي انت شلون تكدر تنااااام كووولي
شاجور : شنو مشايفه اافلام بحياتج هاي اني مثلتها الج بالحقيقه بعد شتردين وبله لغوه زايده داطب للحمام ولزمتني نترت ايدها حيل حتى ضربه مابيج انتيييي وخريي
رحيق: رجعنيييي ل اهلييي لو تطلع وماريدك ترجع اهنااااااااا
شاجور: اي كملي
رحيق: ماريد تبقى ويايه بنفس المكااان
شاجور: مو هو بكيفج
رحيق: على كلشي قبلت ضرب اهانه بس مال تجيب قذارتك اهنا وتزني مااااااااقبل جنت احجي وأشر عليه حسيت الدنيا كامت تفتر بيه بعد مادري شصار
شاجور: اجيت اضربها وهاي وكعت بالكاع حيل انضرب راسها حتى طلع دم خـ... بيج شلتها وحطيتها بالسرير جبت المعقم وعقمته وحطيتلها لزكه طلعت خابرت محمود ضليت اغلط عليه هو ساكت شوووف لك اجيبلي وحده جبيره ماريد كحـ...
محمود: ادزلك امي
شاجور: اي يله دزها اريد ارجع اني مو اكعد مكابل هل شكول ماعدي شغله وعمله انتظرت للصبح وراها اجتي امه مره زينه بالعمر بس كلش حبابه ومتدري ب ابنها يشتغل بالمخدرات عباله بعمل مال تصنيع علب رحبت بيها وفاتت اسوكت كلشي ودليتها على مكان التتسوك منه وعفت فلوس يمها كتلها فتره واجي كالت روح يمه ليظل بالك
رحيق: كعدت اسمع طكطكه بالبيت كمت واني اعرج باوعت هاي مره كاعد تنظف بالبيت صحتها كالتلي هايمه محتاجه شي منو انتي ؟؟
ام محمود: اني ام محمود صديق اسماعيل
رحيق: منو اسماعيل؟؟
ام محمود: يا يمه شبيج غير زوجج شني نسيتي اسمه
رحيق: هااا
ام محمود: سويتلج تشريب لحم حتى اتضب عظمج شني هاي صايره جلد وعظم موزين عليج يمه لازمج تغذيه بس بعد اني اهنا واهتم بيج اخليج تنشنشين
رحيق: مبين حبابه وجهه جان بشوشه وهي بيضه وعيونها عسلي وبس تضحك كالتلي تعاي خلي نكعد انقلم الباميا حتى اسويلجياها باجر تحبيها
رحيق: ايي ..فرشت بالكاع وجابتها وكالت تعرفين تقلميها هزيت راسي بمعنى لا كعدت تعلمني اخذت السجينه وطيرت نص البانيه كالت لعد هيج مراح ناكل بانيه كلها انذبت وضحكنه وراها كامت صبتلنه غده جان اكلها كلش طيب يذكرني بطبخ ماما اكلت ونزلت دمعتي كالت ليش تبجين كتلها اشتاقيت لامي
ام محمود: ليش صارلج شكد مشايفتها
رحيق: ٧ اشهر
ام محمود: الله يساعدج يله من يجي اسماعيل عود اني اكله يوديج لاهلج
رحيق: تحسرت وكملت الاكل وجانت تسولف على ابنها شلون شالع كلبها ويتأخر يالله يرجع و هو هل وحيد الها وتكول اريد ازوجه مايقبل كامت غسلت الماعين وساعدتها وراها لكيتها مسويه كيك وجاي صبتلنه وكالت اطلعين بره شويه الهوى حلوو كتلها لا ماريد جنت بعدني اخاف كالت يله نكعد اهنا ونفتح الشبابيك حتى يداور الهوى كتلها عاشت ايدج طيب الكيك طبعاً اكلت كومه مادري لان ذكرتني بأكل امي وراها كالت عدج علاج علمني عليه اسماعيل قبل ميروح خلي اكوم اجيبه الج كتلها مال شنو ؟؟ كالت مادري بس كال اطيهيا قبل متنام ... صفنت اني رجلي بدت تتحسن وماحتاج مسكنات اخذته العلاج حسيت نعست حيل بس كلت ماانام لازم اقاوم بعد قفلت عيني ونمت يمكن جانت اول مره انام مرتاحه بيها و اول مره انام بعد الي صار تعلمت اسهر للصبح وماانام كعدت ثاني يوم شتميت ريحت الريوك غسلت وبدلت وجيت كعدت يمها بالمطبخ كتلها صباح الخير
ام محمود: هلا ببنيتي الحلو صباح النور حظرتلج ريوك يخبل يلوك لهل وجه ورحت جبت كيمر وعسل كلت اكيد تحبيهن
رحيق: ليش تعبتي روحج
ام محمود: تعبج راحه بنيتي جا غير وصاني بيج اسماعيل اطي عيوني اذا يريد واني بعد امج متعلمه على الشغل مااعرف اكعد راح اسويلج دولمه لان البارحة الباميا خربت
رحيق: ابتسمت كتلها ميخالف تعلميني عليها كالت اي ليش لا كعدت وياها وهي خلتني اسويها حطي هلكد حطي هذا كااافي اي عفيه يله كلبيهن ذوكي حموضتها وبدت تعلمني شلون الفها لزكتها تلزك اثناء مداسويها حسيت بديت انسه الصار يمكن جنت محتاجه هيجي شخص يطلعني من المستوقع الي جنت دافنه نفسي بي
كملناها وحطتها على النار وكاعده انتظر كلساع اسئلها كملت تكولي لا بعدها كلتلها راح اطب ﺎسُـٰبحَ واجي رحت سبحت باوعت على كصتي مثل المعنجره رجعت الزكه وطلعت من الحمام
صاحتني تعاي كعدي خلي اظفر شعرج
ام محمود: ماشاء الله شنو هذا شعرج شكد حلوو
رحيق: جان شعري طوله لخصري وجان لونه تمري ظفرته الي وكمت رحت شفته بالمرايه هل مره انتبهت على ملامحي شلون صايره اباوع عيوني بني فاتح وجوه عيني صايره اسود لان ماانام اباوع خدودي رايحه وخرت بسرعه منها ماريد انقهر على نفسي اكثر
صاحتني خاله حتى نصب الدولمه رحت ساعدتها فرشنه السفره وكعدنا كالتلي عاشت ايدج طيبه كتلها غير انتي ساعدتيني بيها بالعافيه
ام محمود: خلي اصبلنه جاي وكعك ونكعد نسولف شوية
رحيق: تمام اساعدج
ام محمود: لا اني محظرتهن كعدي
رحيق: جابت الجاي والكعك جان الجو حلو والدنيا دتبدي اظلم
ام محمود: اي رحيق ليش احس بداخلج هم وذيق
رحيق: ماعرف شنو اكولج
ام محمود: احجي اسمعج تخيليني ماموجود تخيلي كان تحجين ويه نفسج
احجي يمكن ترتاحين
رحيق : احس نفسي تعبااانه حيل مو شويه شايفه هذا قلبيي يأذينيي حيل وجعع موتني قربتني على حضنها وكامت تمسد براسي جنت بحاجه هيج شي
ام محمود: كسرتي قلبي عليج بعدج صغيره وشايله هموم الدنيا ميصير ماما هيج تأذين نفسج اشفتي من حياتج حيث هيجي صاير بيج ادعي ربج اتوجهيلها هو راح يدليج على دربج ماكو راحه غير من تلزمين القرآن وتتوجهين لربج
رحيق: مرت الايام عادي جنت كاعده اباوع من الشباك وشفت الجهال شلون يلعبون كل مغربيه ام محمود تحط راسي على رجلها وتقرالي قرآن جنت ارتاح احس بالسكونيه جانت دوه بالنسبه الي احسن شي سواه شاجور جابلي هاي المره مو نفس ذيج استغفر الله اذكر جانت تشوفني ابجي تضحك وتروح تعوفني النهار كامل وحدي جانت بال٣ باليل تجي اول مطب تتمدد وجانت اكل متطيني تأكل بس هي ومن شفتها طلعت من غرفته لعبت روحي منهم وجانت اصواتهم واصله يمي بيومها كمت ذبيت من راسي ومتحملت وحجيت وياه ومن ذاك اليوم بعد مشفته احسن شي همزين راح كل الي ديصير من ورااااه صدوك شاجور اسم على مسمى النوبه كلساع اسم جديد شنو اسمه مااعرف اجتي ام محمود كالت تعاي نصلي هسه ترتاحين كتلها مااعرف اصلي كالت اني اعلمج وفرشت السجاده وعلمتني شلون اتوضه الحمدلله رجلي رجعت طبيعيه ومن رجعت امشي كامت امشي عدل جانت خاله تمشيني باليل وتكلي اذا اضلين كاعده ترى تاخذ رجلج على هل ذبه لازم تمشين حتى ترجع طبيعيه وفعلاً رجعت امشي طبيعي لبست الازار مال صلاة وصلت على محمد وال محمد كالت وجهج نور بالازار وبدت تعلمني شلون اصلي وجانت ترفع صوتها حتى اردد وراها ومن كملت كالت تقبل الله جنت اول مره اصلي وكمت ابجي حسيت براحه مو طبيعيه حسيت بشي كلش حلووو محاسته بحياتي كلها هي خطية كالت اعوفج على راحتج تحجين ويه ربج وفعلاً طولت سجدتي واني احجي وياه واناجي واطلب يساعدني رفعت راسي وانداريت وشفت....
~~~~~~~~~~~~~~~~~~~~~~~~~~~~~

اتمنى عجبكم