السفاح العاشق _ماذا لو

12\12

#للكاتبة_حنين

^^^^^^^^^^^^^^^^^^^^^^

مـدري لـيش  ..
ريـح تاخـذني لـ كـتر واتـردني ريـح
كلـشي مـاكو بـ كلـشي مـاكو
اعـثر واطـيح !!

^^^^^^^^^^^^^^^^^^^^^^

شاجور: وكفت على صفحه بسيارتي ودكيت تلفون للشرطة بلغتهم اكو بهل بيت جثه شفت اكو شباب دخلوها وكسرت السيم كارت وشمرته من الجامه وكعدت ادخن وراها شفت دوريه اجتي وبدو يدخلون كسرو الباب وفاتوا يدورون اني قبل ماطلع فتحت المجمده شويه حتى تبين ودزيت رسالة ل تاج الدين بتك بهذا المكان تلكيها انتظرته يجي وراها لمحته هو ومرته يريد يدخل الشرطه متقبل بعدين طلعوها ملفوفه بالجيس مال جثث باوعت اهلها تخبلوا امها اغمى عليها وابوها اخذته الصفنه الناس حارو بيهم نزلت يمهم كتله عمو كول يالله وشوف مرتك خطية جان ميجاوب مصدوم بعدين ساعدته يكوم واخذت هو و مرته للمستشفى شفته حاط ايده على عينه ويبجيي وراها طب لمرته يشوفها يكللها مو هي لتنقهرين اني اعرف بتي بعدها عاااايشه وهي تبجي وراها وكفت على صفحه شفت الضابط امير اجه سويت روحي داسئل الممرضه على دكتور  سمعتهم يحجون لان جان صوتهم عالي
يكللهم هسه نوديها نسوي ال DNA ونتأكد اذا هي او لا امها تكله مو كلتلييييي ارجععع بتج الجج و وثقت بيك ليش ترجعلي بتي هييييج لا ومشوهه  حتى ملامحه ماكووو سوووده عليه يمهههه وراها اجوي رياجيل كبار يشبهون ابو رحيق عرفتهم عمامها خليت وطلعت وكفت على صفحه ودك الموبايل خابرني اسحاق ... هاااا شصار ..كلشي صار مثل ماردت راح يسولها تحليل حتى يتأكدون اريد يطلع مطابق وانت كلت نفس الدم بعد اذا مطلع مطابق تدري شسوي بيك سديته
رجعت للشقه اباوع ماهي اريد افتح بابا الغرفه اخذ ملابس ماكو مقفوله صرت عصبي طلعت من الشقه رحت للبيت بدلت وطلعت رحت للمعرض شفت الوضع تمام لازم اسلم رواتب الموظفين مال معرض سلمتهم وطلعت للمصنع اشوف شمصخمين من عفتهم طبيت لكيت نصهم نايمين يابه غير تخبلت ذبيت حركتي بيهم
لعبت لعب بيهم كتلهم نص رواتبكم متستلموهن اريد ارتاح ماااكو رحت للغرفه الي بالمصنع جنت من اجي مرات انام بيها  وراها معدت سبحت وبدلت وطلعتلهم لكيتهم يتراجفون الكل كام يشتغل شفت محمود النذل هاا شلون صارت امك ... احسن .. اي يله ارجع لشغلك المن حاطك اني حتى كليوم تروح تعوفهم شوية اركد اوكف على راسهم هاا وصدوك اليوم اروح اشوف امك خطية خاف تحتاج دكتور شي .. لا لا اني وديتها مابيها شي بس سكرها صاعد .. اي ميخالف عيب لازم اشوفها وجه كام يطي الوان عفتهم وطلعت رحت للبيت فتحت الثلاجة اخذت المشروب وكعدت اشرب وراها اخذت المفاتيح وطلعت وصلت لبيت البنيه اريد انزل مكدرت لفت السيارة ورحت للشقه فتحت الباب وطبيت اريد اروح لغرفتها عفتها وتمددت على القنفه حاط ايدي جوه راسي سمعت طكطكه بالغرفه انفتح الضوه وراها انطفه يبين من حافت الباب درت على جهت الغرفه حاولت اغمض عيني مكدرت وراها كمت اريد افتح الباب هم مينفتح ضجت ورجعت اتكلب ردت انام ماكو صار الصبح بدلت وكعدت اريد اشوف تطلع ماكو مطلعت عرفت بيها تدري اني اهنا كمت لزمت بابا الشقه وفتحتها وسديتها حيل وجتفت ايدي سمعت صوت فتحت الباب مال غرفه هي شافتني سدته بسرعه و ين تشردين رحيق اول وتالي تفتحين الباب شو اني اليوم ماطلع للشغل اريد اشوف وين توصل وياج كعدت اكلت وفتريت بالشقه وادخن وهي ابد مطلعت صارت ليل وهي ماكو
خليت وطلعت رحت للمصنع جانو ديوزعون البضاعه شفت واحد بيهم شكله مو طبيعي صحته تعال هو كالي بس اروح للحمامات شفته طب رحت وراه شفته كام يتقيئ لزمته من علابيته تانيت يكمل وغسل كتله اي شكد ماخذ كم وحده هو عيونه حمر مبين ماخذ ومامتوازن كتله شكدددددد مااااااخذ صحت الولد ياخذو
كلت اليوم انت جيت كتلهم حطو بالغرفه شويه واجي حطوو رحت حميت مي وطبيت عليه كفيت ردني وكعتله دك كتل وراها لزمت المي وحطيت ايده بيهن كام يصرخ كتله حتى مره الثانيه متمد ايدك على اشياء مو الك اله اني اسمح الك كم مره كايللكم تشتغلون عدل اي واحد يتعاطه العب لعب بيييييي كم واحد كبال عينك مطيح حظه هاااااا
كتله منو مطيييك احجيييييي كم واحد انتو لان مبين اكو واحد مطيك لان اني اهنا حاط كامرات واذا محجيت اطلعها واشووف شتكول هو اطاني اسامي طكيت ركبتي ورحت صحتهم كتلهم تفضلو تفضلو شنو تردون اضيفكم هااا شنو يعجبكم كولو لتستحوون سديت الباب وضليت بس اني وياهم فتريت على واحد واحد كتلهم
صايرن بكيفكم تتصرفون تبيعون وتطون على راحتكم يعني عبالكم ماااااااعرف انييي هاااا بعد تعالوا كعدو بمكاني مو احسسسسسن شنوو تردون اعاقبكم طلعت المسدس وكمت اضرب بي خفيف على راسي شنوووووو عقاابكم خلي افكرررر صحت الولد كتله جيبلي ١٠ كيلوات من المخدرات شويه واجه كلت تعال انت ايييي تعال جريته من تيشيرته كتله اوكف خلي اطلعلك ماريدك تتعب طلعته بال ٣ كيلوات كتله تفضل هذا عشاك مال يوم ورحت على الثاني هم والثالث كتله انت حصت الاسد انت مميز ف اطيك ٤ يله ابدو اكلوهن وقت الساعه نص ساعه كلها مكمليها يله استعجلو كعدت على الكرسي وحطيت رجل على رجل
شفتهم اخذو اول جرعه جرعه ثاني ذوله ينتهون دفرتها برجلي صحت الشباب يجون ياخذوهم ويغسلوهم حتى بس يصحصحون بس اريد اخوفهم خليتهم يحطوهم بمي بااارد حتى يصحون واحد بيهم راد يكوم كفخته رجع كتلهم صيحو ابو قتيبه صاحو اجه كتله سويلهم غسيل معده اروح انيييي من يصحصحون دكو عليه عاجبني اكسرهم
رحت للشقه فتحت الباب جانت هستوها طالعه من الغرفه شافتني رادت اطب رحت بسرعه لزمت الباب اي ست رحيق شبيييج ضحكت
شدعواج اشردين دفعت ايدي رادت تسدها حطيت رجلي بس جانت متباوع بوجهي وهي رجلها مكسوره موووو احجيي ويااااج ليييش مجاوبين هااااااااا