السفاح العاشق _ماذا لو

24\24

حنين الأسدي

~~~~~~~~~~~~~~~~~~~~~~

أجيت ابالي مره وصدگت جاي
بچيت وشبگة مسودن شبگتكــ
شبعد عندك حچي وشرايد تگول
تريد تعوفني ؟؟
وصلت فكرتكــ !!

حبيبي أتدلل أدري تريدني انساك
عفواً قصدي تدلل حظرتكــ

~~~~~~~~~~~~~~~~~~~~~~~

رحيق: اندفرت الباب آسر بسرعه خلاني وره  ظهره طبو قوات امنيه بسرعه جرو وجتفو وخلو كلبجات بيده اني بس صافنه عليهم رحت بسرعه اجر بي واكلهم عوفو لتخاذو وادفع بيهم كلي طبي جوه لطلعين طلعو بره طلعت وراهم بطرك الفستان ورجفه باطرافي لحكتهم واعيط عوفو وهو يكفر ويكلي طبي لطلعين حطو بالسياره كعدت بالكاع الطم واعيط انذب على راسي شال طببتني للبيت احس ماعندي حيل شفت امير واكف يم بيتنه رحت ركض عليه اضرب بي كتله انته الي بلغت عليه انت شعليك اني قابله الله لا يوفقك عساك بحركت كلبي جرتني نور وطببتني بالحديقه وحيلي راح محسيت بعد حسيت على ضربات بوجهي ومي ناكعه نور فوك راسي تبجي عليه نور راح آسر اخذو حظنتني كالت لتفاولين عليه يطلع ان شاء الله راحت جابتلي الدوه كالت اشربي شفايفج زركه وايدج دترجف شربت الدوه ومددت بفراشه جنت محظرته كيكه نور شوفيني شنو لابسه دنحتفل نور اني ويا جان اليوم عيد ميلاده قريته بالجنسيه وهو ميدري نور راح آسر راح نور بقت يمي مراحت صار الفجر واني على كعدتي يم الشباك انتظره نور نامت ساعه سته الصبح اندكت الباب طلعت اركض واني كل ضني هو فتحت الباب وشفت عمي وابن عمي بسرعه حظني عمي كال وينج عمي وين رحتي اهلج تخبلو عليج كتله عمو اخذو رجلي وخرني من حظنه حجي ابن عمي كال هذا المجرم رجلج نترت بي كتله مو مجرم شفته بعينك كتل احد كال لا مو خطفج كتله معليكم انتو عمي كال هدي بابا خلي نفوت ونتفاهم طبو واني كاعده وعيني على الباب كال عمي اهلج راح يوصلون واني بالي مو يمه انتظر طلعته
طلع ابن عمي وعمي  بره  نور اجتي كالت راح اروح استحي منهم بوستني وكالت اجيج ماعوفج راحت نور طبيت غسلت وبدلت ملابسي اباوع غراضه ملابسه اخذتهن واشم بيهن وابجي مشبعت منه يارب طلعه  طب عمي كال كومي رحيق راح نروح للمركز يحققون وياج كمت بسرعه لبست شالي عمي صافن عليه وطلعنه شفت امير بره يابه شكد كرهته خزرته بسرعه دار وجهه هو ركبنه بسياره وامير كدامنه بسيارته وصلنه للمركز كتله عمو اريد اشوفه باوع عليه وخزرني طبينه كعدنه شويه وبعدين طببوني بغرفه وحدي وضابط كدامي
الضابط : انتي رحيق تاج الدين
رحيق: نعم جان يحجي عربي بس مكسر بس ينفهم منه

الضابط: شنو يقرب الج المدعو آسر.... 
رحيق: احجي وارجف كتله زوجي

الضابط: اجتنه معلومات قبل ٤ سنوات تعرضتي للخطف وبعدين
وصل ال اهلج جثتج وين جنتي كل هاي السنوات

رحيق: ردت ابره كذبت وكلت ماكو هيج كلام اني مزوجه وممخطوفه
ورحت اله بارادتي بس اهلي مجانو موافقين عليه
الضابط: بس اهلج ماكلو هيج كالو انتي تعرضتي للخطف لان والدج تعرض للتهديد بسبب الاابلاغ على قضيه مخدرات
رحيق: ضليت ساكته ماعرف شنو احجي وهو يباوع بنظرات تفحص عبالك ديقراني كلت لا ممخطوفه اني احبه ورحت اله انهزمت من اهلي هز راسه كال تكدرين تتطلعين طلعت ريكي يابس وارجف من الخوف كتله عمو اريد اشوف آسر كال انجبي ادبسزز كاتله روحج عليه كتله مالكم علاقه اني اريد اشوف رجلي انتو معليكم ضليت اعيط بالمركز واصيح آسر وينك سحلوني عمي وابن عمي ابن عمي ضربني على حلكي ويصم حلكي يكلي استحي عايقه ادبسزز دم شفتي ينزل على حنجي امسح بي ويرجع ينزل هو ودموعي عمي كال خلي يجي ابوج يشوفلج چاره رجعنه للبيت واني بس صوت شهكاتي مسموع بالسياره
انلصمي وسدي حلكج ياريتج ميته ولا وهي سوايتج منو يكول مزوجج وملاعب عليج شبع بيج وراح يشمرج لتحجي عليه العقد موجود وهسه اشوفه الكم ر جعنه للبيت طبيت غسلت لثتي وشفتي مشككه طلعت بره كعدت عمي كاعد وابنه ماكو طبيت بالمطبخ كعدت ماريد اكعد يمهم يضلون يحجون عليه واني ماتحمل تقريبا ساعتين واندكت الباب ضليت كاعده بمكاني حاطه راسي على ركبتي اسمع صوت يمه رحيق وينج رفعت راسي هذا صوت ماما طلعت اركض من المطبخ وشفت ماما وبابا اجوي عليه يركضون حظنوني وكعدنه بالكاع واني شكو بجي الله ذبه بيه على اهلي وعلى آسر بس وصوت شهكاتي
بابا يبوس براسي وماما حاظنتني وتبجي واني ابجي على حالي عبالي من اشوف اهلي راح ارتاح بس راحتي يمه مو يمهم عمو حجه كال تاج الدين شوف بتك  تبجي على واحد مجرم كوا....  كتله عمو مااسمحلك تحجي عليه الي تحجي علي يكون زوجي  طلعت العقد مال الزواج كتله وهذا العقد وكدام شيخ وشهود مو باطل بابا وماما صفنو عليه شبيكم تباوعولي هيجي كمت على حيلي ترى بعقلي داحجي اريييييييده تفهمون شنو اريده شكو شي كبالي كسرته انهاريت بعد ماكدر امي وابويه يهدون بيه طبت نور ضلت تحجي عليهم تكللهم كافي البنيه عدها خفقان ليوكف كلبها راعو الي دتمر بي
ترى زوجها مو هينه ابويه حاظن امي وتبجي واني حاظنتني نور وتهدي بيه راح يرجع مو نور تكلي اي يرجع اباوع اهلي يحجون ويه عمي مدري شنو وراها اجتي ماما كالتلي لبسي كتلها
وين كالت نرجع لبغداد ومناك حجزنه نسافر شنووو تقررون بكيفكم ماااااااروح امي تكلي كافي رحيق ماما شبيج اخذوني كوه بالسيارة حتى قفلو الباب عليه اريد انزل كلبي انعصر قبل ماروح اخذت تيشيرته و ودعت نور وصلنه لبغداد واني  الوب اروح وارجع مامرتاحه الكرايب يجون ويرحون قافله على نفسي الباب احس معدتي كلبت رحت للحمام استفرغته وكعدت بالكاع ياربي كافي تعبت من انجمعت بي فرقتني عنه ليش من الدنيا كامة تضحكلي يصير هيجي بيه
مو كاافي قهر وظلم والله تعبت راح يخلص عمري واني بس ابجي  اجوي اهلي وياهم امير يحجون ويايه كوه واكفه ماما حجت وبابا داير وجه كالت آسر طلكج غيابي وكال ماريدج بعد اخذوها الكم .. ضحكت آسر ميكول هيجي وكااافي جذب .. رحيق ميريدج لو يريدج
ميرجع لسوالفه القديمة ... شنو تقصدين سوالفه هااااا ... شوفي هاي الصور وتعرفين طلع من السجن وراها شوفي شسوه الي كاتله روحج عليه ... اخذت الموبايل وايدي ترجف اباوع الصور
شمرت الموبايل حيل بالكاع اجذبون عليه ليشش يسوي هيجيي بيه هو يحبني ميسويها ميلزم غيري ماما والله ميسويها هاي شنو اني مقهوره عليه وهو يضحك عليه كل الي عشناه شنووووووووو احددددد يفهمني هاااا جاوووبوني لزمت شكو شي كسرته ايدي انجرحت اريد ارتاح ماكو شي عفتهم وصعدت لغرفتي شمرت الجرف بالكاع طلعت تيشيرت مالته جبت مكص وكصكصته حقييييييرررر تضحك عليييه والي عشناه شنووو شلون آمن بيك هاااااا شلون آمن بيك انييييييييي دكو عليه الباب مافتحته بطني تأذيني مادري شبيه طبيت للحمام كلساع استفرغ طلعت حايره شسوي شسوي اني رحت اخذت الدوه بسرعه حتى ماتخربط وكفت كبال المرايه مال كنتور جبت مكص
وكصيت شعري ودموعي تنزل هذا شعري الي تحبه كرهته من وراك شمرت المكص وكعدت بالكاع ابجي واملخ بروحييي صار اسبوع واني اهلي مشايفتهم الاكل نفسه يرجع اجتي امي كالت حظري روحج باجر نسافر صار موعد السفر ركبت السيارة وعيني على الشباك رايحه بغير عالم امي ساندتني وتمشي بيه تبتسملي واني
بالي مو يمهم ردت كلشي حلم مو هذا الردته ردته هو انداريت واني ادوره اريد الزمه اريد اعاتبه اريد اموته بيدي ركبنه الطيارة غمضت عيني كل مشاهدنا صارت كبالي من يشمني وينيمني بحظنن ويسولي أكل ومن يفتر ورايه واكله آسر اكعد شلشتني يجي يحضني من وره
ومن اسويله الاكلات الي يحبها يكلي انتي اكلتي المفضله فتحت عيني الطيارة نزلنه لمطار السويد مشيت نزلت من الطيارة احس الدنيا كامت تفتر بيه بعد محسيت غير اختل توازني فتحت عيني بالمستشفى ومغذي معلكيلي امي كاعده يم راسي وبابا متجي على الباب
ماما كالتلي شلونج .. ماما شنو صار.. امي صفنت عليه وباوعته على بابا شكو كالت انتي كتله اني شنو راح اموت كولي بلكي الله ياخذ امانته واخلص كالت اسم الله بتي كالت رحيق انتي حامل انييي حامل رجعوووني للبيت ماريد ابقى اهنا رجعوني للبيتهم جان جبير ومرتب طبيت للغرفه جانو مرتبيها الي ذبيت روحي على الجربايه اريد ابجي اريد اذب شكو وجع بكلبي حضنت المخده وابجي لزمت بطني ليش صارت روح اهناااا هاااا راح تربه بدون اب لو تدري ابوك شكد حقير وقذر ميستاهلك ولا اني استاهلك للحظه دعيت الله ياخذه ماريده مره شهر على جيتي للسويد وضعي ادهور حابسه روحي لا اطلع ولا اطب وغرفتي ماقبل يشغلون ضوه بيها كلها ظلمه أكل ما أكل واغلب شي يحطولي مغذي الطفل وضعه تعبان الطبيبه تكلي لازم تتغذين ترى مهدد بالاسقاط اذا اضلين هيج هي تحجي واني بالي مو يمها بعدين حجت ويه ماما وطلعنه كمت ابجي رجعيني للبيت ماريد اشوف احد كمت اخاف من الناس خطية امي بسرعه ركبت السيارة ورجعتني طبيت جوه بعدين طب بابا وخر البرده وفتح الشباك طب ضوه كمت اصيح سددددده هو صافن عليه اجه كعد يمي لزم ايدي مو كافي بابا حبيبتي رحيقي ليش اسوين هيجي بروحج يستاهل تدمرين نفسج علموده هااا والطفل مو حرام الي تسوي شنو ذنبه بالي ديصير ... واني شنو ذنبي بالي ديصيريلي بابا كمت احجي واضرب على صدري هاااا فهمنييي شنووو ذنبي هااا .. انتي اي ذنبج ماعدج حبيبتي بس بعد صارت روح جواج وحرام قتل الروح تتحاسبين عليها بعدين كومي أكلي شويه ويانه شوفي امج شلون تعبانه ليروح يصير بيها شي من يطبخلنه غيرها وانتي بيضه متعرفين غير نروح بيها .. بابا اني تعبانه وحضنته وابجي هو حضني ويهدي بيه كالي تعاي نكعد نأكل كيك طيب امج مسويته باوعتلهم جان شكلهم تعبان صدوك كرهته نفسي شمسويه بيهم انييي امي وابويه يبتسمون الي واني احس الابتسامه راحت اكلت شويه وكمت طبيت سبحت ضليت جوه الدوش ابجي اريد كلشي يطلع حلم اوووف ياربي ليش هيج ليشش كعدت بالكاع ياربي مثل مدخلته لكلبي طلعه منه فدوووه ياربي ماريده ماريده شنو ذنبنه اني والطفل اندكت الباب مسحت دموعي كتلها هسه اطلع سديته الدوش ونشفت وبدلت وطلعت شفت ماما كاعده على الجربايه صاحتني رحت يمها كعدت تنشف شعري مثل قبل وتمشطه الي انقهرت كالت شعرج جان حلو اكدر اضفره الج هسه ماكدر
انداريت عليها كتلها اكره ماما لو بيدي سكتت ماما ميخالف اطلعين بره اريد ابقى وحدي بقيت كاعده كل يوم احس حالتلي تتعب
اكثر كل يوم انعزل اكثر اهلي يحاولون ويايه ماكدر موبيدي بطني بدت شويه شويه تكبر كمت اخذ الادويه الي تكتبهن الطبيبه امي كل يوم اجيبلي حليب اشربه كمت اتندم اكول حرام الي اسوي بالطفل اهلي عرضو عليه اتغلم لغه حتى اتعالج عد دكتور نفسي تناقشو بالموضوع كمت اخذ دورات بالبيت مال لغه بديت اتعلم لان جنت محتاجه احد اسولفله اريد ارتاح جنت مجبوره اتعلم لغتهم واني ذكية بسرعه اتعلم الحمل تعبني لعبان نفس وفقر دم عدي حاد دخلت بال رابع واهنا اني كمت اعرف لغه يعني اطكطك بيها صار موعد روحتي للدكتور جنت خايفه ارجف فتت مخله بابا يطب بده الدكتور يتعرف عليه جان اول يوم تعارف جنت خايفه من الناس ركبت السيارة حسيت شي يتحرك بطني باوعت على بابا ابتسم حطيت ايدي على بطني راح اصير قويه واتعالج علمودك رجعنه للبيت سئلتني ماما جاوبها بابا طبيت ﺎسُـٰبحَ وكملت جابتلي ماما فواكه كالتلي اكلي
حتى تتقوين ابتسمتلها كعدت اكلت وراها طلعت بالحديقه مال بيت كعدت على المرجوحه جنت لابسه دفايات وقبوط بارده بديت اغفى حلمت اني بمكان كلش حلو بي انواع الورد اسمع اصوات يمي اريد اميزها اباوع طفل بالكماط رحت اتقرب الزمه اختفه فزيت احس روحي عركانه كمت طبيت جوه ماما كالت تعاي شربي حليبج واخذي دواج اخذت الدوه ورحت جوه حضنت المخده مالتي ولزمت بطني ياربي ساعدني ماعرف شريد حسيت بالحركه كمت كعدت وابتسم احس بشعور غريب وبنفس الوكت حلوو كمت وكفت كبال المرايه اباوع على بطني للحظه تخيلت آسر يمي بعدين كمت اضرب روحي كاااافي تفكرين بي آسر هو اكثر شخص ظلمج اكثرررررررر شخص أذااااااج لتنسسسسين فتهمتتتتتتتي لتنسين لزمت المزهريه وشمرتها انهاريت كاااااافي اطلع من قلبي اطلع طبو اهلي يركضون عليه ابويه وامي يلزموني يهدون بيه كمت اعيط فقدت احس تعبانه اخذوني للمستشفى مكدرو يطوني اي دوه لان حامل علكولي مغذي لزمت الدكتوره كتلها فدوه اطيني اي شي حتى انيه تعبانه فدوه هي صافنه عليه لازمتها واتوسل بيها عطت بيها كتلهاااااا داكلج اطييييييني اريده يطلع ماريده يضل اهنا لزموني الممرضات كمت اذي روحي مدري شجاني كل ماغمض عيني اذكر همساته وكلشي تلعب روحي من نفسي ومرات لا احس كلشي جذب احسه يحبني يريدني مرات اصفن على المرايه واضحك واوزع ابتسامات من الزم شفتي لو رقبتي اذكر كلشي بعدين تجيلي النوبه غضب وكره وبس اريد ائذي نفسي ودوني طبيبببب ودوني تعبت تعبت تعبتتتتتتتتتتتتت حسووو بيه ماما عفيه ساعديني فدوه ساعديني شسوي هاا كولولي شووووووفوني شوفوني اني مداعرف اني منو مداعرف شسوي طفل بطني وماعرف شسويله
شنو مصيره هااااا من يجي اكدر اكون ام اله واني بهل حااااله جاوبوني حبيته جنت اتنفسه اعشقه
احسسه روحي حبيت حبه واهتمامه بيه وخوفه عليه اني شفتهن كلهن بعينه معقوله عينه تجذب كولولي كلهن طلعن جذب هااا ليش بالوقت الي جنت رايدته تخله عنييييي واني ماتخليته عنه عفتكم علموده تدرون شفته الجواز المحظره جنت اكدر ارجعلكممممم بس اختاريته ماما اختاريته لان ماكدر اعيش بدونه اهنا عايش اشرتلها على كلبي شوفي اهنا شلون اطلعه كل ماغمض عيني يطلعلي ليش تخله عني ليش سوه هيجي ليش كسرني وجرحني ماانطيت بي انطه بيه حضنتنه وتهدي بيه بديت اراجع الدكتور احجيله شويه شويه من يحس بيه راح انهار ينهي الجلسه جنت ارتاح من اسولفله ومن ينصحني اطبق الي يكوله الي ومراجعتي للطبيبه مال حملي معفتها اليوم قررت اسمع صوت نبضه كالتلي جاهزه كتله اي سمعت الصوت لو احس جسمي قشعر حطيت ايدي على حلكي ودموعي تنزل اكوللها ماما سمعي هذا صوته خطية امي واكفه يمي وفرحانه كتلها اريد صوره اله و اكدر احصل تسجيل لصوته كالتلي اي خلينه وطلعنه لازم بطني وابتسم اهلي فرحانين من يشوفوني ابتسم كل يوم اسمع صوته واشع اغير نفسي الدكتور معفته ابدا وياه وياه سولفتله من البدايه شلون انخطفت وشلون جان يضربني وشلون تعرضت لعتداء على مرتين سولفتله كلشي عن الصار الدكتور صافن عليه كالي كملي وصلت من
دخلت عمليه وشلون اهتم بيه جنت احجيها بغصه الدكتور كالي نأجلها على المراجعه الجاايه كمت اسولف ويه اهل شويه باليل اطلع اتمشه ويه بابا يسولفلي ويريد يغير جو عليه كمت اتعود على وجود الناس مااخاف قررت ارجع اكمل دراسه رحنه اني وبابا سجلنه وقبلوا رجعت للبيت فرحانه كمت اعيش حياتي طبيعي طبيت بال ٧ كلت من ادخل ال٧ يله اعرف جنسه جان بيه ولد بابا وماما حارو شنو يجيبوله ماما تشتري بملابس الاطفال نفسيتي تحسنت العلاج يم الدكتور ديفيد ويايه ودادرس مرحله اولى من البدايه جنت ادرس واكضي وقتي لو دراسه لو يم اهلي اسولف حاولت ارجع طبيعيه وباليل اطلع بالحديقه وحدي واضل احجي ويه ابني وهو بس يرفس بيه وكح حتى الدكتوره كالت كلش حرك ابنج بس اخر فتره كمت احس حركته قلت مادري ليش كلت عادي كعدت من الصبح شربت الحليب وماما سوتلي ريوك تريكته وطلعت اني وبطني تعودو عليه صار عدي صديقه سوريه كل يوم تنتظرني يم باب الجامعه وندخل من النوع الي مكضيتها بس ضحك ولاء وبالي نكضيها نسولف ونضحك واطلع اركب المترو وارجع للبيت تعبانه جانو الدكاتره يساعدوني لان جنت حيل شاطره ذاب حركتي وكلشي بدراستي حتى كمت البس نظارات من وره القرايه طبعاً دخلت طب عام  غيرت من الصيدلة للطب جان عدي كوز اجت ماما مسويتلي صينيه بيها لفات كتلها شدعوه ماما كالت اسكتي مو الج لحفيدي ضحكت اخذتها منها ضلت واكفه مترحين ماما كالتلي اريد اشوف تاكليها شو يله كتلها حاظر هاج شوفي اكلتها يله روحي اريد اركز كالتلي عفيه ماما لتعبين روحج كتلها لا ماتعب روحي كالتلي نزلي الكتاب من على بطنج مخليتها تجوه لكتبج ضحكت وراحت سوده عليه ماما نسيت روحي خو ما تأذيت الايام كامت تمشي بسرعه اذكرت بالجلسه من مره سئلني الدكتور  شلون جان؟
كالتله جان مختلف كلش
جان مره يصير ليل
ومره نهار
مره يبين خوفه عليه
ومره يقسه عليه
مره احسه مو بشر
ومره اتراجع عن كلامي
جان مثل المد والجزر
جان غامض كلش
اي رحمه بكلبه ماكو
جان يكتفي بكلمه وحده
ولازم تتنفذ
جان هو السلاح واني الفريسة
جنت منتظره شوكت يطلق الرصاصه
ويصطاد فريسته
اتحبي؟؟
لا مو حب بس خوف
اخاف من قسوته
من جبروته
اذاج؟؟
جسدياً لا
اما نفسياً اييي
لحد مضعفة شخصيتي
شلون جان ينظرلج ؟؟
نظره مليانه اشمئزاز وقرف
كان قطعه وصخه ولعبانه نفسه منها
جانت عيونه تجدح نار احس يريد يفترسني بس ميكدر
ليش؟؟
لان ارتكبت خطأ بالنسبة اله
اما بالنسبة الي فهو هذا الصح
هاي وين رجعت سديته الكتاب ونزعت النظارات
وتمددت على السرير مالتي ولزمت بطني تصبح على خير مامي كعدت الصبح على المنبه يرن طفيته وكمت بسرعه غسلته وبدلت شربته الحليب ماما تاخرت ماريد ريوك سوت لفه وحطت الي بالطريق اكليها ماما مو صغيره اني والله اوووف اخذتها ورحت وصلت و ساره تضحك عليه كتلها كافي طبيت للمحاظره بده الامتحان جنت حيل خايفه الدكتوره تهدي بيه خايفه عليه لان حامل تكلي لتتوترين اخذت شهيق وزفير وبديت احل الحمدلله جاوبت كلش زين خلصنه وداطلع طخ بيه ولد حيل وكعت ااااه ساره رزلته كتلها عوفي كمت كالت اوديج مستشفى شي احس ضهري يأذيني كتلها لا مابيه شي كملنه وطلعت الطريق كله احس بوجع وصلت للبيت حتى مكدرت ﺎسُـٰبحَ تمددت
ونمت كعدت شويه احسن لكيت ماما محظرتلي الاكل كعدت أكلت واخذت علاجي كالت ماما رحيق لازم نراجع دكتور مال خفقان ونجيك عليج كتلها ميحتاج ماما كالت لا ميصير ميخالف كتله بكيفج كعدت أكل فاكهه ماما مشتهيه فطاير اي مو تدللين هسه اسويلج حبيبتي ماما خاف اتعبج لا تعبج راحه حبيبته اي بابا نطلع نتمشه اليوم كالي اي كملت ماما واخذنه الفطاير ورحنه لحديقه جبيره فرشنه وكعدنا نأكل الله الهوى يرد الروح اهنا كاعدين نأكل ونسولف شفته طفل صغير اجه اطينه فطيره فدوه شنو هاي الخدود تنكرط داشيله حسيت وجع صار عدي نزلته بسرعه كتلهم خلي نرجع للبيت كالو شبيج
كتلهم مابيه بس باجر ورايه كعده للدوام هم كعدت مثل كل مره بس هل تأخرت لان جان عدي وجع ساره طبعها تسئل اهواي بالبدايه جانت تسئلني على ابو الطفل كتلها مات واغصه من احجي اي فعلاً مات اليوم اخر جلسه الي ويه الدكتور النفسي طبيت سلمته عليه يكيف من اجيله جان رجال جبير وكلش حباب اذكر مره كالي رحيق الانسان من يحب ميعرف هذا مجرم هذا خاين هذا موخوش انسان القلب بعد اذا حب ميكدر يقتلع هذا الحب من داخله ف انتي
شكد راح ناخذ جلسات مراح تكدرين اطلعي من كلبج بس راح تكدرين تعيشين حياتج تتغلبين كومه اشياء ترجعلج ثقتج بنفسج راح تنسين شويه  اليوم كالي بعد متحتاجين اي جلسه صرتي زينه واني كلش فخور بيج طلعت فرحانه كلامه وحافزه الي يشجعني اعيش حياتي مع العلم احس بيها نقص وخاصتاً من يجي اليل
يهيج المواجيع عليه كلهن جنت من احس راح يهيجن عليه لو انام بسرعه لو اقرا حتى مافكر شلون مافكر وقطعه منه بداخلي جنت الهي روحي هو هذا الشي الي مخليني اكمل كلشي عمي قرر يجي يعيش اهنا هو وعائلته وجنه ملتهين بترتيب امورهم كلت خلي اروح لدكتورتي
اشوف رحت الها طبيت عليها بدون اهلي حتى مااقلقهم كتله دكتوره هل ايام وجع بظهري والطفل قاله حركته كالت اصعدي افحصج فحصتنه انكلبت جهرتها شكو دكتوره لتخوفيني كالتلي الطفل نازل لازم نطيج مثبت حتى ميوكع ولازم متتحركين نهائياً موزين عليج الحركه دربالج هي كالت هيجي لو تخبلت كالت شهر السابع لتخافين منه حتى لو اجه طلعت منها واني اوجف خابرت اهلي يجون بعد ماكدر امشي خفت اخسره ياربي تعلقته بي مو مال تاخذه مني ياربي فدووه اجوي اهلي بعدين حولوني للمستشفى حتى يطوني مثبتات ضليت تلث ايام بيها والفقر دم مالتي شكل جنت خايفه حيل
الدكتوره تهدي بيه رجعنه للبيت واني بس مدده على السرير حتى دوامي مداومت جنت انواصل بالايميل ويه الدكاتره ويطوني محاظرات جنت اتابع وياهم معفتهم ماريد بس اصفن جنت ادعي ربي ميحرمني منه ويساعدني
والحمدلله مر الشهر ال ٧ على خير طبيت بال٨
شويه احسن صرت جنه كاعدين اجه تلفون لبابا صار وجه اصفر خفنه عليه رحناله كام يبجي كالي عمج اغتالوا الله يرحمه اضطرينه نرجع الدكتوره كالت لازم تنتبهين من الطريق لان موزين عليج بس شسوي خطية بابا ومقبل اروح وياهم كتله لا كالت الدكتوره عادي ميأثر طبينه للعراق احس رجعت روحي انقبضت استقبلونه وصلنه للبيت ناصبين فاتحه والنسوان صعدتني ماما فوك للغرفه كالت ابقي اهنا تعبتي مو تنزلين جوه هوسه كتله تمام تمددت شويه الطريق أذاني حيل اسمع صوت بجي النسوان روحي انقبضته
هذا عمي جان خوش انسان خطية جان رايح للعياده مالته واغتالوا السفله الي ميخافون الله اندكت الباب طبت بت عمو كعدت يمي حطتلي الصينيه كالتلي سوده عليه تعبتي هاي لكمتج اكليها واذا حتاجيتي شي كوليلي كعدت اكلت شويه وراها بدلت ونزلت يمهم كعدت بالمطبخ ينقلن بالاكل ردت اساعدهم مقبلوا اكو يشوفوني يضلون صافنين عليه وعلى بطني يتبسبسن سمعت وحده تكول معتدين عليها اي الطفل الي بطنها ولد حرام واكو تكول لا يمعوده هي مسلمه روحها انقهرت حيل طلعت بره اشم هوى
ونزلت دمعتي كلت لا رحيق ملازم تنزل دمعتج انتي قويه خلي دمعتج عزيزه مو على الرخاص تنزليها انداريت اكو شجره مسافه على البيت بالشارع احس احد واكف وراها جنت صايره وره الباب ما ابين وماريد اطب اذا طبيت انهد بيهن وفاتحه ماريد اسوي مشاكل  والله مو ابن حرام هذا داريد اطب اجه ابن عمي الجبير سلم عليه وكعد يسولف ويايه بعدين راح ضلينه اسبوعين بغداد بقه اسبوع واكمل ال٨ كالت الدكتوره جنت اتواصل وياها بس كملي ال٨ ونجيبج اريد نرجع خايفه جنت حيل اجتي بت عمي كالت رحيق امشي نروح للسوك كتلها لا مااطلع كالت هياته شبيج  كتله هاا مادري خاف اتعب كالت اذا تعبتي نرجع مدري شجاني ورحت وياها ماخلته شي مااشترته حتى الي كتلها يله زهراء كملي حتى نرجع طبينه لمحل ملابس اطفال لزمته قطعه واخذتها اشوفها لزهراء جان اوفر مال قراصنه يخبل دادور عليها طخيت باحد كلت اسفه رفعت
راسي شفته هذا قتيبه عفته ورحت صاح ورايه مجاوبته اخذت زهراء وكتله ترجعيني هسه للبيت اخذتني بسرعه طبيت وحت للغرفه ضليت افتر هذا شجابه اني شكو اطلع هاااا شكوووو اطلعين اهدي رحيق شكالج الدكتور اذا شفتيهم شسوين تهدين روحج شهيق زفير واصرفي طبيعي مر يومين واني عايشه بقلق بابا جان اهواي متأثر بموتت عمو وابد مشفناه كله بالجادر وماما متخليني اساعدهم تكلي طفلج نازل كعدي واحه وستري علينا شفت بابا طب جان تعبان حيل بسته من راسه شلونك حبيبي كالي الحمدلله كالي انتي شلونج بابا خو مابيج شي كتله لا حبيبي مابيه شي كالي حظرو روحكم اسبوع الجاي نرجع اني كيفت بداخلي اي خلي ارجع ماريد ابقى شعدي باقيه باليل يتجمعون الولد والبنات الكرايب ويكعدون جنت ماكعد وياهم تخلي واصعد انام لو احجي ويه ساره صار موعد رحلتنه ودعناهم وصلنه للمطار  ردن نركب حسيت دافقد توازني مدري شجاني لزمتني ماما وبابا كتلهم بعد ماكدر احس شي نزل عليه كمت ابجي بسرعه خابرو للاسعاف بين مااجتي اخذوني جنت خايفه يصير شي بالطفل ياربي دخيلك احمي الي وصلنه طببوني بسرعه لصاله الولاده فحصوني سئلتني الدكتوره كالتلي لتخافين ماما ماطول واصله اخر يومين من شهر الثامني لتخافين ميصير شي انتي قويه كالت الطفل كلش نازل يعني لازم نسويلج عمليه وتجيبين اذا بقه هيجي يموت كتله اي شي سوي لتخلي يموت فدوه حبابه كالت اجيب توقيع زوجج كتله مطلكه صفنت عليه راحت لبابا
كالت ننتظر شويه ونفوتج عمليه نكمل فحوصاتج
حتى مصير مضاعفات احس الدقيقه سنه امي يمي تقرا قرآن سوده عليه بابا خفت عليه ليصير بي شي يكلي كله من ورايه جبتج واكله لتكول هيجي بابا فدوه امي خابرت بت عمي كالتلها طلعي اشتري جهاز للطفل حفاضات وملابس بسرعه ماعده شي وسدته ماما فدوه ادعيلي خايفه حيل ماما حبيبتي لتخافين ميصير بي شي
موزين عليج هذا الخوف لزمت القرآن واقرا وابجي حظروني للعملية صعدوني على السديه حطولي بنج قبلها حسيت شخص يمي باسني بكصتي كلت يتخيلي واحس احد لازم ايدي بعدين محسيت بشي غير الممرضه يم راسي واهلي باوعت على ماما كتلها هاا ماما كالتلي الحمدلله على سلامتج حبيبتي كتله كوه احجي ماما ابنييي كالتلي لتخافين حبيبتي بالخدج حاطي يفحصوا ويتأكدون من وضعه كتله شلونه كالت حلوو بس ميشبهج بس ماخذ بياضج كتله يشبه مو نزلت راسها بده البنج يفك وهاج عليه الوجع الممرضه تجي تطيني مسكن واني الوب عطشانه ميصير اشرب مي كتله اريد اشوفه ماما كالت هسه يجيبو جنت منتظره متحمله الوجع علموده جنت نعسانه بس اريد اشوفه اريد اكحل عيني بشوفته جان احساس الامومه يختلف احساس حلو كلش انفتحت الباب كعدت ساعدتني ماما جنت اتأذى
شفته ملفوف اعيوني تضحك وتبجي احساس حلوو حطه بابا بحظني باوعتله ابتسملي ايدي ترجف احسها ماما اي عيون امج هذا الي جان بطنج لزمت ايده جانت صغيره كلش وترفه حتى خفت لا اذي بستها وشميتها حيل لزمته شعره قربته عليه بسته وشميته نزلت دمعتي ماما مسحتها مامصدكه ماما هذا ابني بيدي شوفي شلون ترف حتى اخاف عليه جنت احجي وابجي مامصدكه بي يمي شميته حيل احس اريد ادخله بروحي اباوعله جان ابيض وشعره اشكر مغمض عيونه ميقبل يفتحهن يشبه عينن هو عبالك آسر كبالي كالت ماما رضعي طلع بابا وكعدت تعلمني ماما لان ماعرف اباوعلها وابتسم وهي تبوس بيه ماما شوفي شلون حلوو ماما شوفي ايده عنونيه
تنكرط موو ماما  تدرين هذا الشعور حلو اول مصار بطني جنت مرايدته بعدين من بده يكبر بطني جنت خايفه من هذا الشعور بعدين صار عدي أمل وكمت انتظره واحس دقيقه دقيقه ساعه ساعه
حتى يجي هذا اليوم الي اشمه بي وانيمه بحظني
كد ماترف اخاف اوكعه ماما ضلت تضحك عليه كتلها شبع اوخره كالتلي لا خلي يرضع زينه عليه الرضاعه وراها رجعوا للهدج ثاني يوم اجوي بنات عمي يمنه وشافوا ومن حظن لحظن جنت خايفه عليه ليوكع من ايدهم يكولون شنو هل جمال هذا بويه من هسه هذا ابنج عصبي ويضحكون  راحو باليل رضعته وحطيت بالكريكوت الي يمي
شنو هذا الاحساس احس كل يوم باليل الباب تنفتح وتنسد كلت جوز ممرضه تفوت بجه شلته اطبطبله خاف غازات زوع غيرت ملابسه داشم الاوفر كفختني ريحه رجعت شميتها هاي ريحته احس قلبي انمرد لا رحيق يتخيلج ميجي هو ميريدج شمرت الاوفر وبدلتله ورجعته لكريكوته رجعت للاوفر قربته يم خشمي هاي ريحته لا داوهوس اوي شمرته بالسله ماما كعدت كتلها اريد اروح للحمام اخذتني نزعت ملابسي شميتها هاي شنو شجاني اليوم اشمشم والله هاي ريحتها
هاي لان ما انتم صارت بيه هاي الحاله طلعت وتمددت بعدني مامسميته كلت لو يوسف لو ايهم وراها سجلولي خروج وطلعنه بيت عمي مقبلوا اله يمهم رحنه لكيناهم محظريلي غرفه وحاطين كاروك كالو جان سويلنالج غير شي بس تدرين حزينين داحطه بالكريكوت لمحت .....
~~~~~~~~~~~~~~~~~~~~~~~~~~~~~~~~~~~~~

انمنى عجبكم