بسم الله الرحمن الرحيم
شعاع الضلام"الدامس"
مينا الـ حيدر
لا تنسون للتصويت لطفا🦋
•••
فزيت بنص الليل ميته من العطش مديت
ايدي للميز الدولكه فارغه اخذتها وطلعت
اريد اترسها مي الكلوبات مطفيه حتى مال
الصاله والمطبخ، وضوه خافت من الطابق الفوك
نازل شفت خيال يتقرب من الباب متجهه من المطبخ
للصاله، جمد الدم بجسمي احس ولا قطره دم بقت
وكعدت الدولكه من ايدي وصار الصوت قوي واني
اشهك وارجف بعدني اريد اصيح وخله ايده ع حلكي
::- اششششششش
لزمت ايده اريد اوخرها وهو مخليها بقوه خله ايده
الثانيه ع ايدي وسحبني لمكان الضوء شغله
صارت عيوني بعيونه بقه مركز بعيوني
واني من الخوف انخلست انتبهه ع نفسه
وابتعد عني وهو يرمش ويرجع يباوع
لتفاصيل وجهيي مد ايده وخر كذلتي
من وجهي خلاها وره اذني
رجعت لوره فازه ومرتبكه
::- مهند؟
::- احم هاا احم شتسوين اهنا احم احم نزلت اريد
مي
::- ها
عافني وطفر لفوك يركض نزلت راسي اباوع لـ لبسي
وشكلي الي يخزي عزاا بعيني هايييي شلووون
هيج شاافني رجعت للغرفه وكلبي يدگ بقوه
مخليه ايدي ع كلبي واتنفس سريع
وبعدني عطشانه رجعت طلعت لميت الكزاز
مال الدولكه واخذت مي وبالي شارد
افكر بنظراته..
ما اجاني النوم ابد طار من عيني سمعت صوت الاذان
بدلت ملابسي بملابس مستوره ولبست حجاب
وطلعت اتوضه شفته كاعد بالطارمه يم باب
المطبخ ويدخن جگاره
::- بعدك ما نايم؟
فز مرتبك ودار وجهه عليه وهو يحمحم
::- هاا اي متعود اسهر ما انام
::- لعد اذن كوم صلي
::- اني؟
::- اي !
::- اصلي؟
::- شوف ترى الصلاة شي حلو انك تسولف وي رب العالمين وتتواصل ويا ليش مستصعبها وهي متاخد من وقتك خمس دقايق
::- بعدني مو هسه اصلي
::- لعد شوكت؟ من ينزلونك بحفره طولها مترين؟
وتتندم على كل فرض فوته
نزل راسه ساكت ويشرب بالجكاره
::- شوف ترى والله انت مضيع نفسك النفس حالتك
كون تكابله وتبجي عليه لان خطيه رب العالمين
ميريد يلتقي ويا، عبالك انت متريد تصلي؟
بالاساس هو رب العالمين الي ميريد لقائك ويا
تعرف شنو معناه انو رب العالمين ميريدك؟
فكر شويه بالكلام وارجع لربك توب وصلي لحك
ع نفسك شمدريك منا لباجر انت عايش
::- والقرآن اني احبه واحب اهل البيت بس ماكدر
اصلي
::- شنو اليمنعك عن الصلاه
أنت تقرأ
شعاع الظلام "الدامس"
General Fiction"رجل طموح بلا حدود . وفتاة مسلسله بالقيود . تتسارع الاحداث لتقود . يدخل بعضهم وهو العدو اللدود . تحدث مشاكل وعهود . لا ندري ماذا سيعود . وماذا يحصل بعد الصمود . بعد الانكسارات تعود تتضاهر بالقوه والجمود . لكن قلبها يصبح حقود . ومن الالم قلبها ينود...
