نزل من السياره متوجّه بخطوات سريعه للسياره المركونه على جنب الطريق قرب وهو يشوفها فاضيه ،سمع رنة تيلفونه ورد عليه : لقيته ؟
غيهب : لقيت السياره فاضيه على الطريق وتيلفونه مقطوط على الارض و
سكت يوم لاحظ الدم الي على الارض تكلم مُهيب يوم شاف صمت غيهب طال : شفيك ليه سكت فجأة؟
غيهب قرب من الدم الي على الارض ونحنى على ركبه يلمس الدم: مُهيب خل يجهزون الاسلحه
بنفس الوقت بـ مبنى مهجور
فتح عيونه ورجع سكرهم بـ انزعاج من شدة الضوء.. فتحهم ببطئ يطالع بعيونه يشوف المكان الي هو فيه حرك راسه وتأوه بألم وهو يحس بالدم على رقبته : اه الله يلعنكم امسحوه انزين ياكلا
سكت يوم شاف الثلاثه الي خذوه داخلين ومعاهم واحد مغطين عيونه ومقيدين ايدنا يشوفهم يشيلون الغطاء من على عيونه و يرمونه على الارض جنبه وطلعين من الدور : والحين يوم خطفتوني ماعرفتوا تخطفوني الا معه واحد من جماعة فهد
رد عليه مشعل بأسلوب ساخر: اي مو المفروض يخيرونك
آسر ما رد عليه كان يحاول يفك ايده شاف محاولاته فاشله رفع راسه وتأفف بنزعاج: هي انت ما لمحت شي وانت داش ؟
مشعل : انت عقلك ما يشتغل؟شنو الي بـ المحه وهم مغطين عيوني ؟
قلب آسر عيونه وقرب وهو يزحف برجوله لعند مشعل : شدراني قلت يمكن نستفيد منك بس من جماعة فهد شنو اتوقع يعني
مشعل وعينه على آسر الي يزحف له: شتبي تزحف عندي
آسر قعد قدام مشعل : يعني ليش ازحف شغل مخك فكني
مشعل عقد حواجبه ونطق بسخريه: و شلون بفكك استاذ آسر ؟
آسر: حلقك بس يقول كلام مامنه فايده خل نستفيد منه
مشعل: وانت تدور فايده من وراي؟
آسر هز راسه : اي يلا
مشعل قرب اكثر من آسر : شنو اسوي؟ انت فكني اول وانا افكك
قلب عيونه وحنى راسه لـ ايد مشعل يحاول يفك الحبل باسنانه كان قاعد على ركبه وراسه عند رجول مشعل ..
دخل ووراه اربع رجال شاف وضعيتهم ورفع ايده ولف راسه : اعذرونا دشينا عليكم بوقت غلط كملوا
رفع آسر راسه بسرعه ولف هو ومشعل يشوفونه يقرب وهو يضحك بصوت عالي : ههههههههه يعني الحين بتفكه باسنانك؟
