إيثار وذو الشعر الابيض

Bart16

بارت 16
إيثارة وذو الشعر الابيض
بقلم غريبة الطائي
ghriba_09 انستا
~~~~~~~~~~~~~~~~~~~~~~~
• يا محَلهہ ذيج ﺄيامنَهہ ﺄلـ ما ترد💔
~~~~~~~~~~~~~~~~~~~~~~~
#إيثار
فزيت ع صوت تكسير الباب وصوت زلم يرج المكان رج، الخوف اكل گلبي ورجليه صارن خيوط من الخوف، كل دفرة ع الباب احسها بگلبي، ركضت اخذت الموبايل ورجعت للغرفه سديت الباب وقفلته

فتحت الموبايل واتصلت مغلق رجعت اتصل مغلق تخبلت وين راح وعافني
طلعت رقم سومر وتصلت ثواني ورد

إيثار-:: دخيلك خويه الحكلي
سومر-:: منو انتِ
إيثار-:: اني زوجت إشهب واني بالمقر الي بصحراء دخيلك اكو زلم برة ويكسرون بالباب
سومر-:: اقفلي الباب الغرفه واكو بجربايه من جوة سلاح خلي بأيدج ولا تترددين ابد اي واحد يحاول يأذيج اضربي بس ها مو تكتلي خلاص لا برجله تمام اني جاي مسافت الطريق
كمل كلامه وسد الخط ذبيت الموبايل وركضت للجربايه دخلت جواها اكو سلاح مربوط من جوه فتحته واطلعت لفيت حجابي زين وبأيد سلاح وبأيد الاخ الموبايل

وجهت السلاح ع الباب وايدي ترجف اول مره بحياتي الزم سلاح ولا بعمري شفته غير بس بالمسلسلات ولافلام وليوم اني جاي اعيش هذن الافلام

كمزت من مكاني من سمعت صوت الباب نكسر وأصوتهم نتشر بالبيت رجعت الي ورا صرت بزاويه وعيني ع الباب

تحرك مقبض الباب واني عيوني ما ترمش كلبي يدك الف بالثانيه وكل جزء بجسمي يرجف السلاح ما ثابت ابأيد ع لحضه يوكع

هتز الموبايل بيدي فززني مسوي صامت شفته هو يتصل فتحت خط واني ارجف خليت جهاز ع اذاني
إشهب-:: إيثار الوو سمعيني
همست بصوت كلش ناصي
إيثار-:: تعال فدوة خايفه
إشهب-:: جاي اني حبيبي لاتخافين جاي يروحي مايصير شي.... بسررررعه هااارون ستعجل، بابا سلاح بيدج لاتهدي بنيتي
إيثار-:: اذا أذوني ما راح اسامحك طول عمري
إشهب-::لاتكولين هيج لااا تكووولين هييج ما يصيررر شيي اني جاااي
نكطع الخط شفت جهاز طفه شحن ذبيته ولزمت السلاح بثنين اديه ومركزه ع الباب الي شبعت ضرب وما نكسرت

وزاد الضرب عليها من سمعوا اكو صوت كل ضربه اقرا الفاتحه ع روحي واشاهد

وما خاب ضني بس كملت الشهادة نكسر الباب صاروا كدامي اربع زلم بعرض الحايط واحد اضخم من الثاني بلعت ريكي وهم ضحكوا من شافوا السلاح بيدي يرجف

قويت قبضتي وعيني تتنقل بينهم وجوهم سود ولحاياهم شطولها اشكالهم مثل اشكال داعش وانكس بعد ضحك واحد منهم بقوا جان هذا اضخم واحد بيهم
-:: انتِ اخت ابو درمان مو؟
يحجي بستهزاء وجهت السلاح علي ضحك همست بصوت ناصي
-:: منو ابو درمان؟
حجه الثاني جان اصغر واحد بيهن مبين من شكله بعده شاب ببداية عمره بس هم ضخم مثلهم
-:: ضابط ابو درمان ماتعرفي؟
-:: لا ماعرفه ومنو انتم وليش هجمتوا ع بيتي
حجه هذا الجبير وهو يخلي ايده ع حنكه ويسوي حركه الزعلان
-:: اممم خطيه بيتها شفتوا شباب طلعنه داخلين ع حرمه ساكنه وحدها
سكت ثواني وعاط فززني وكعد السلاح من ايدي
-:: هذا بيت  كلاب السلوقية بكل مواجها هنا يتختلون بمقر الصحراوي مثل الحريم