إيثار وذو الشعر الابيض

Bart24

بارت 24
إيثارة وذو الشعر الابيض
بقلم غريبة الطائي
ghriba_09 انستا
~~~~~~~~~~~~~~~~~~~~~~~
‏ ‏عيونها أجمل من السما بنجومها ♥️.
~~~~~~~~~~~~~~~~~~~~~~~
لتين-:: شوكت اجه
لمى-:هسه قبل لا تجون بشويه اجه وطلعت اله ابوج ما يعرف شسوي هسه ولله حيل ما ضل بيه المصايب وحدة ورا الاخره تجيني
لتين-:: لا هسه اخابر غيث ماكو شي ان شاء الله

طلعت وهي دمعه بعينها حقها تعبت وين تروح  المصايب ما هدت منه ابد ولا تركتنه لحضه نتنفس ونشوف وجه الله
طلعت جهازي من الجنطه فتحته ادور ع رقمه هو كدامي ما منتبها اله تصلت بسرعه رد
غيث-:: ها بويه
لتين-:: غيث ابو البيت جاي وكال اليوم طلعون من بيتي
غيث-:: لا حول ولاقوة الابالله العلي العظيم، تمام اني احلها خوش انتظريني فد نص ساعه واجيكم

سد الخط صدك نص ساعه ندك الباب طلعت امي ثواني دخلت هو وياها سلم ع ابويه واجه بتجاهي همس
غيث-:: قنعته بس هل يومين تبقون بين ما اشوفلكم بيت
لتين-:: وين نروح غيث بس نغير بيتنه ونبتعد منكم يرجعون عمامي علينه
غيث-:: لا محد يوصل وإشهب بس يتفرغ يشوف شغله ويه صفوات اني ما اكدر اسويله شي حاليا
لتين -::ليش؟
غيث -::يشتكون واذا نسجنت محد يوكف بوجوهم ياكلونكم فه بمساعدت إشهب اكدر اطلع حقج من بين عيونه بس منتظر إشهب ونتصافه ويا
لتين-:: وينه هو هسه
غيث-:: جماعة إشهب لازمينه وحابسي بس هاا إيثار كلشي ماتعرف إشهب ما كايل الها اي شي

لمى-:: عمه راح اصب غده اكعد
غيث-:: اي يمه بس اغسل، مرتي دليني
هو الحمام كدامه بس ماعرف ليش يسوي هيج
لتين-:: ذاك الحمام
عفته ورحت للمطبخ دخل هو للحمام شافتني امي خزرتني سحبت المنشفه ذبتها عليه ودفعتني بره المطبخ
لمى-:: امشي انطيها الرجلج
سحبت نفس اهدء كلبي الي صار طبل وتمشيت طلع شافني بتسم ابويه ما يباوع النه وهو ماخذه الواهس

خله المنشفه ع كتفي واخذ طرفها ودنك يمسح وجهة قريب كلش من صدري حيل توترت وهو مبتسم وعينه عليه

غيث-:: لاترجفين يول اموت وعلي
فكيت عيوني خازرته ضحك ومشه يم ابويه يسولف ويا واني متبنجه ستوعبت ورا للحضات وعلكت المنشفه ورجعت الامي احضر وياها الغده وهي لزمتني دك نصايح الولد شاريج واكسبي ومن هذا الحجي

كملنه ونقلنه الاكل ومدينه سفره كعدنه اني ويا وامي كعدت يم ابويه توكله وتاكل ويا بنص الاكل دك جهازة

باوعت اله بدون ما أسال كال هذا هارون اخذ جهازة وطلع بطرمه شويه ورجع وجهة مكلوب كلاب

ضرغام-:: خير عمي شبيك؟
غيث-:: والله ياعمي ماعرف شكلك بس هارون حذرني ما اعوفكم وحدكم اليله وابقى يمكم لو انتم تجون ببيتنه ونأمن عليكم

ضرغام-:: ليش شكو بعد
غيث-:: ماعرف والله بس هارون نبهني ما اتركم لحد ما هو يجي ويحجي الكم

لمى-:: عادي يمه ابقى قابل غريب انتَ
غيث-:: رحم الله والديج يمه
رجع كعد ياكل كملت ولميت الاكل وكفت اغسل المواعين وهو دخل يسوي چاي ماكلت شي
غيث-:: وين الچاي
لتين-:: وراك بالعلبه الحمرة
خله چاي ع الماي وحظر الستكاين وصب واني غسلة اديه ورحت ورا قدم الامي چاي وخله كلاص الابويه ع الطبله وهو كعد اخذت مواعين ابوي قليلات بسرعه غسلتهن ورجعت اخذت ستكاني وكعدت هو كدامي كاعد يحرك الي بحواجبه بتسمت الحركاته شربنه وخلصنه هو دخل بالاستقبال يخابر ابوي نام غسلت الستكاين ورجعتهن المكانهن نظفت المطبخ