إيثار وذو الشعر الابيض

Bart31

بارت 31
إيثارة وذو الشعر الابيض
بقلم غࢪيبة الطائي
ghriba_09 انستا
~~~~~~~~~~~~~~~~~~~~~~~
يامثني الخواصر والحمول اثگال
وحمولك عفى أعلى الخصر تتبطر

|عريان|
~~~~~~~~~~~~~~~~~~~~~~~
#معصومه 

مر على وجودي هنا اربع ايام لا ليلي ليل ولا نهاري نهار عافنه محسن وراح يطمن على ثابت لان نتصل وما يرد

ويومين هو ماكو نتصل بي وماكو صديقه يجيب النه مسواك ومرته تجينه صبح والعصر تطمن علينه واحنه نلوب

يوسف شلع كلب امه ما متعود يبقى بالبيت لازم يطلع ويلعب ويه جهال تالي صديق محسن اخذا ويه جهاله بشقتهم يلا شويه فخ راسي من صوته وعرفت افكر عدل

ثالث يوم يلا اجه محسن وجهة مغيم وعرفت عمامي متعاركين ويه ابويه وثابت رايح الهم ومضاربين وهو داك على القرآن ما عنده شي وياي

وطلبوا اني احضر هم واحلف على القرآن ماعندي شي ويا بس كلبي ناغزني وما مطمنه ابد. حضروا الغراض نرجع غافلتهم وفتحت موبايلي دك مكالامات من امي عفتها ورحت الرقم هارون دزيتله رساله من ثلاث كلمات
💬 تعال اختك ولوها
طفيت الجهاز وطلعت وياهم. واملي بالله جبير يجي هارون قبل لا اوصل الهم لان اعرف محد منهم راح يرحمني لان ما رحموا فاطمه يرحموني اني

وصلنه بعد ساعتين لان محسن يمشي على كيف ما اعرف ليش وكف كدام بيتنه ولد عمي كلهم لازمين اسلحه حسيت نفسي فصليه جايبيني لهنا مو بيت اهلي دخلنه ولكل تاكل بيه بعيونها

دخلت للصاله اجه ابويه من بين الكل حضني ويبوس براسي ويطمن عليه دمعن عيوني ابويه بين خوانه مامسموعه كلمته ومحد ياخذ بشوره ابد من بعد سالفة فاطمه .

علي-:: يلا تعالي بنتي احلفي على القرآن وخلي كلشي يخلص يلا

جابوا الي قرآن وثابت واكف وراي هو ومحسن ياخفون واحد منهم يغدرهم ويسويلي شي

معصومه  -:: اقسم بكتاب الله مابيني وبين ثابت غير صلت الدم

ثابت-:: يلا عمي اخذ ولدك وجفونه شركم شعلتوا جو علينه بدون سبب مقنع ولا حتي دليل

سعد-:: والمحادثاااتت
-:: لك انتم مطروحين زووواج ولكم منو ما يكدر يسوي هيج محادثات هسه اني عندي ثنين حسابات اكيد بكل بساطه اسوي محادثه واذكر بيها اسم اي شخص يعجبني شبيكم صدكون بالمحادثات هسه لو نفترض صوت اتصال صخام صوور بيها مجال ونكول مصدكين ودليل قوي ولكم ماكو هيج شي

سعد-:: ولك سگط منو مطروحين زوواج هااااا

تعاركوا بنص الصاله واني بس اباوع واكول هسه كلشي يفض هسه كلشي ينتهي بس جنت غلطانه ما نتها ولا راح يسدون السالفه ويعبروها ابد

دخل هارون وإشهب ونصدموا بالوجوه ابويه عافني وكام يفاكك بيهم شفت عمي يريد يلزمني ركضت الهارون وإشهب وهم بس يباوعون لزمني هارون يباوع الوجهي وإشهب يباوع الطولي وتفحصون بيه