نبدا حلقيتنا في منزل الفتيات بعد مرور ثلاث ايام...
تخرج حور من الغرفة: بنات اجهزوا عشان الشباب جايين هنا
جنه : و هما جايين ليه 🤨
حور : انا وفهد عرفنا حاجة مهمة انتوا لازم تعرفوها عشان كده قولتله نتجمع في مكان آمن اللي هو هنا في البيت
أسيل : هي حاجة خطيرة للدرجادي؟؟
حور : أيوه
جنه : تمام....
و كملت جنه طب امك وامي لو سألوا هنقول ايه؟؟
مهره: ايوه جنه معاها حق
حور : انا مجهزه كل حاجه متقلقوش
أسيل : ربنا يستر
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
عند الشباب.....
ليث : انت متأكد يا فهد انهم عايشين هنا
فهد : أيوه العنوان أهو
أيهم : خلاص انزلوا من العربية عشان مش هنعرف نخش بيها اكتر من كده
الشباب: تمام...
نزلوا الشباب من العربية و دخلوا جوا الحاره
فهد : لو سمحت
الشاب: اتفضل يت باشا اؤمرني
فهد :فين بيت دكتورة حور
الشاب : ثواني بس يا باشا و نده الشاب.. ولاه يا عبده خد البشوات عرفهم بيت الدكتورة حور
عبده : من عينيا اتفضلوا يا بشوات
الشباب : تمام..
عبده : هو ده البيت يا باشا
فهد : شكرا يا عبده
إلياس : هما الدور الكام؟
عبده : الدور الاول يا باشا
إلياس: تمام
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _
طلع الشباب البيت و رنوا الجرس...
داخل البيت زعقت الأم
رؤيه: حياه شوفي مين علي الباب
حياه بضيق: هو مفيش في ام البيت ده غير حياه
رؤيه: اخلصي يا حيوانة قالت كده و هوب نلاقي أبو ورده في وشها
حياه : شكرا يا مصر
ضحك البنات عليهم
مهره بمرح : افتحي ده اللي بيخبط خلل و هو واقف بره😂
حياه وهي بتفتح الباب ماشي يا مهره الكلب....
نظرت للي واقفين بصدمه....
وقالت: اوبا مين المزز اقصد مين حضراتكم
قال فهد و هو مصدوم: احمم فين دكتورة حور
حياه بصراخ: يا حوررر في مز بيسأل عليكي
