نبدأ حلقتنا في شركة فارس المنشاوي....
استقبلت حور إلياس و جنة على أساس أنها سكرتيرة فارس و طبعا مبينوش انهم يعرفوا بعض
في مكتب فارس رن التيليفون و رد فارس: ايه يا حور
حور بلطف: فارس بيه ضيوف حضرتك و صلوا مستر إلياس و معاه الآنسة جنة
فارس: تمام استقبليهم احسن استقبال و دخليهم على طول
حور: تمام
دخلوا كلهم المكتب و استقبلهم فارس بترحيب
فارس و هو بيسلم على إلياس بابتسامة: اهلا إلياس بيه
إلياس بابتسامة مزيفة : اهلا فارس بيه احب اعرف آنسة جنة حبيبتي و هنتخطب قريب
فارس و هو بيبص ل جنة بمكر و شهوة و مصوم من جمالها: اهلا يا آنسة جنة الشركة نورت بيكي
جنة بلطف و رقة: اهلا فارس بيه الشركة منورة بحضرتك
فارس و هو مركز مع جنة : اتفضلوا... اتفضلوا اقعدوا
جنة بنبرة دلع مزيفة: انا اول ما إلياس قالي إننا ممكن نشتغل مع بعض مصدقتش نفسي و قولتله مش هنلاقي شريك احسن من حضرتك
فارس إعجاب : و الله ما في أحسن من حضرتك يا ريت نشيل التكاليف يعني انا اقولك يا جنة و انتي تقوليلي يا فارس مش كده ولا ايه يا إلياس
رد إلياس بابتسامة مداري بيها غضبه و غيرته : اكيد طبعا يا فارس ده احنا هنكون شركاء
رد فارس: شوفتي بقى يا جنة الموضوع سهل و بسيط اهو
جنة : خلاص تمام يا فارس.... و كملت كلامها و قالت: احنا جايين عشان عايزين نتشارك و نعمل قرية سياحية و معانا كل المخططات و شوفنا الأماكن و اخترنا اكتر مكان مناسب و فيه جذب سياحي
فارس : طب انتوا عملتوا دراسات و أبحاث في المكان ولا لسه؟؟
جنة: عملنا طبعا و ديه الأوراق و تقدر تبعت مهندسين يتأكدوا
فارس: تمام... طب بالنسبة للربح؟؟
إلياس : انت 40% و احنا 60%
فارس بتفكير: بس مش قليل أربعين فالمية ؟؟
جنة: ما هو كده انت ليك النسبة الأكبر عشان كدا انا كون تلاتين و إلياس تلاتين
فارس بتفكير: تمام اتفقنا بعد بكرة نمضي العقود و ان شاء الله تشرفوني بكرة عامل حفلة بسيطة كده بمناسبة الصفقة
جنة و إلياس : تمام ان شاء الله هنكون موجودين...
و خرجوا...
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _
و في صباح اليوم التاني كان الجميع موجود في فيلا فهد و كان إلياس و جنة بيجهزوا عشان يروحوا الحفلة بتاعة فارس و حور كمان كانت بتجهز لأنها هتروح الحفلة قبل الكل عشان تنظم الحفلة و فهد كان معاهم بيظبط السماعات و أجهزة التجسس اللي هيزرعوها في فيلا فارس
