شَيخ‏‏ة

الخطوه الثالثه عشر.

شَيخة
للكاتبه ملك احمد

تفاعلو ويه البارت و صوتوله لطفا🫶🏻🫧

**********************
رؤى

-لكم كواويد تعالو اخذوني خرب شرفكم اذا عدكم شرف
كبل سديته ب وجههم حتى ردهم ماسمعته انتضرت لليل حتى ينامون ضليت كاعده بل غرفه واسمع لدعاويهن عليه تلفوني بيدي وكلشوبه اباوع للوقت وهنه دعاويهن تزيد ما تنقص قررت اتمدد بين ما تصير ب ١٢بليل لان بهذا الوقت كلهم نايمين

اخخ يا خوالي الي ماتتسمون خوال ليش ما انطيتو بناتكم بس حسبي الله عليكم شويه واستولى السواد عيوني غفيت وكعدت الساعه ١ ونص بليل لميت هدومي بسرعه هنه دشداشه وتراكين وصايه لبست تراك عريض وخليت الجنطه على اكتافي

كلت ياعلي وطلعت من الغرفه على كيفي رحت اركض للمطبخ واطلع من الباب الخلفي وصلت فتحته وطلعت اركض ضليت اركض حوالي ٣٠ دقيقه بدون ما التفت وراي وصلت لشارع عام فارغ تقريبا

ردت اعبره الشارع عريض عبرته اركض وصلت لنصه صار ضوه عالي بعيني صوت اصتدام جسمي ب الارض انيني بسبب شعوري بل الالم اخر شي شفته هوه ركض اقدام نحوي

اصوات بكاء ،كلام،ضوء ساطع ، ملمس يد غريبه على ايدي ،وجع بجسمي ،غواش عيوني لحضات اني حسيتها اعوام مرت عليه

همست بوجع
-اني وين
اجاني صوت امرأة كبيره السن
-يمه انتِ منو
-خ...خاله امي وين واني بيا محافظه
-يمه انتِ حاليا ب بغداد جبناج من الانبار لان جنتي بمنطقه اي شي مابيها كبل جبناج ب بغداد وتلفونج بي زمر ما ادري شسمه المهم ما عرفنا

-خاله انطيني افتحلجيا وخابري على محمد
مدتلي تلفوني وفتحته الها
اتصلت وخلته على اذنها
-الوو هلا يمه شلونك ..... اي والله مو تلفوني هذا تلفون مريتك....يمه الفريخه مدعومه ......لالا ما بيها شي صاحيه وتحجي وتناديك يا يمه تعاللها

مدتلي التلفون كالت يريد يحجي وياج ،اجاني صوته

-ها رؤى شبيج شنو اندعمتي
-ما ادري محمد ما اعرف تعال يمي اني ب بغداد
-ليش ب بغداد؟
-تعال وافهمك السالفه
-اجيب امج وياي؟
-لالا لتجيبها لا
-ماشي،شسمها المستشفى
-ما ادري هسه اسال ،خاله شنو اسم هاي المستشفى
كالتلي اسمها
-مستشفى *****
-مراح اطول

سديته وروحي رايحه من الم جسمي احس متكسره كلي ، اني اون من الوجع والمره تنعي يم راسي واستحي اكللها خاله اسكتي ،وجهها ابيض عيونها عسليه شيلتها البيضه دكه حنكها الي زايدتها جمال الشامه الي مزينه خدها رموشها الخفيفه عيونها مسحوبه التجاعيد الي مخليتها تجلب الراحه لوجهها

وكأنها ملاكٌ مُنزل من سماء الجلاله

-رؤى:يمه ام منو انتِ
-اني ام رقيه
-هلا بيج خاله والله يحفظلج رقيه
لمعت عيونها بدموع وحجت بغصه
-يمه رقيه ميته
-يااا خاله اني جدا اعتذر الله يرحمها
رفعت ايدي اقرالها الفاتحه كملت ومسحت ايدي بوجهي بتعب
-وهاي قريتلها الفاتحه
-يمه حبيبتي الله يحفظج لامج
-شكرا
-يلا يلا ارتاحي
غمضت عيوني وحسيت دقات قلبي تسارعت من شميت ريحه عطر قويه احتلت الغرفه
ايد خشنه انمدت على راسي ،هذا هو هذا محمد