شَيخ‏‏ة

اخطوه السادسه عشر .

شَيخه
للكاتبه ملك احمد

شيبات كلبي صوتو للبارت وعلقوله تعليق حلو ولاتفشرون لان محلو بحقكم

**********************
رؤى

::-انتِ مو تدورين على اخوانج وقاتل ابوج؟
انصدمت منو هذا وعلى طول راسلته
::اي اي وينهم
-موجودين وعايشين
::وين العنوان اجيهم والله
-لا تحاولين رؤى
::ليش ليش بس احجي

مارد عليه هذا الشخص المجهول وحضرني هنا اني انهاريت منين اتلكاها يا ربي ليش هيج ديصير بيه كعدت بلكاع منهاره شنو اسوي اخواني عايشين وما اعرف مكانهم دخلت زمرد وكعدت يمي مستغربه حالتي
زمرد:شبيج شصاير
رؤى:خ...خا..خابريلي محمد بسرعه
-تمام تمام بس اهدي

سحبت تلفوني وخابرته وضلت تحجي وياه وشلون وضعي ختمت كلامها ب جمله
زمرد:البنيه شهكتها ماسكتت وانتَ ولايهمك
وقبل لاتسمع جوابه سدته بوجهه
كعدت يمي تحاول تواسيني وتقلل من همومي الي مالها نهايه بس وتالي؟ راح اضلن معلعله بيهم

بهل اثناء اتصل عليه رقم غريب رفعته لزمرد ترد بس ماقبلت ما اهتميت وجاوبت
:: خير شرايد داك؟
-رؤى اني حسن اخوج

حجه هاي الكلمات وسد الخط اني تخبلت هنا حاولت اتصل على الرقم بس ماكو فايده حضرني كضيتها بس بجي وزمرد يمي لحد ما تعبت ورحت انام

كعدت ثاني يوم على صوت زمرد تخابر وتحجي بصوت عالي
زمرد:: ياااااا موجاي اكلج محاضره البارحهههه شبيييييج....... هاي شبيج انثولتي ولجج محاضره استار ستااااار... اي اي دزيلياهااا يلا

رؤى: ليش تصيحين تره تسمعج لاحاجه للصياح
زمرد: مو هيه فاهيه تحرك دمي
هزيت راسي وسكتت عنها وكعدت اكل وصلتي مسج من الشركه انو تم قبولي ولازم اباشر من باجر كُلش فرحت ورحت انطيت خبر لزمرد

رؤى: لج زمرد انقبلت بل شركهههه
زمرد: يحححح مبروكك كلولولولولولوشش
صارت تهلهل وتغني وتركص خابرت محمد وانطيته خبر قبولي وتشكرت منه لان وكفلي هيج وكفه حلوه واتفقنه بس يرجع نفصخ لان اني تحسنت

مر اليوم طبيعي ويه ضحكنه وسوالفنه اني وزمرد قبل لا انام اتصلت بيه امي
زينه:: ها يمه شلونج
رؤى: زينه وانتِ
-عايشه الحمدلله
-الحمدلله، اني راح ارجع يمج بعد ما اروح
-يايمه صدك
-وعيونج الاحبها
-كل الهلا

ترخصت مني تريد تنام وقبل لاتروح سألتها
رؤى: شلونه زوجج وياج
زينه: هاي الايام مسافر وباقيه وحدي بلبيت

سكتت مارديت عليها وغلقته منها ونمت نومه عميقه حسيت ايد تهزني
زمرد:: ياااا ولج اكعدييي رؤى شمالج
رؤى:: عوفيني نايمه زمرد شويه وكعديني
-ياشويه هوه غير محمد جايب شيخ علمود تفصخون

طفرت من مكاني ورحت اغسل احاول استوعب شكالت يعني رجع؟ راح نفصخ؟ شي بداخلي رافض واكو شي اكبر منه موافق الي راح يصير