في خضم سباقات الفورميلا ١ و صخب عالم المحركات ، تحت أضواء مدينة موناكو الساحرة، حيث يلتقي الثراء بالفخامة وتلتقي السرعة بالرفاهية، تتشكل صدفة غير متوقعة بين خمسة أشخاص من خلفيات مختلفة و ثقافات مغايرة يجمعهم نفس العالم المترف ، في مصادفة غير متوقعة...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رجعت ماسيليا لشقتها بعد يوم حافل ، دخلت عيانة باغا غير تاخد دوش و ترتاح و هادشي لي دارت لكن واخا هاكاك العيا مامنعهاش ترضي فضولها و تاخد حذرها ، كونها إنسانة قليلة النية و ماكتيقش بالرغم من الموقف الرجولي و الشهامة لي شافت من أنير بقا ضارها راسها من جهتو و قررت تعرف عليه معلومات اكثر ..
سالات روتينها الليلي و لبست شوميز دونوي ناعمة و مريحة عاد تكات فسريرها شادة الايباد ديالها و دخلت لمحرك البحث كاتبة إسمه الكامل تشوف شكون هو و واش شي شخصية لي مشهورة ..
و فعلا أول حاجة طلعت ليها هي تصاوره لكن الاغلبية ديالهم كانو مع باه و مع شخصيات بارزة فعالم الفورميلا 1 ، ماكانوش مكتوبين عليه معلومات كتار على عكس باه لي كان شخصية معروفة و قدرت تعرف من بعض المقالات أنه ايطالي و انه مزوج بمغربية و عندو معاها بنت هي صغيرة و الابن البكر هو أنير ، و انه من عائلة عريقة و متجذرة فحال عائلتها و شغوفين بمجال صناعة السيارات من زمان لكن ماكانوش معروفين بزاف حتى جا جد أنير و برز اسمو فالفورميلا 1 كواحد من افضل السائقين لي دازو فتاريخها و بعدها تشهرت العائلة و حتى أعمالها لي استغل شهرتو للترويج ليهم و بدات كتعرف ماركتهم على مستوى العالم ..
بقات متعمقة كتقرا فداكشي لي مكتوب عليهم نسات السيد لي دخلت تقلب عليه فالأساس و انجرفت مع عائلتو و باه و أعمالهم و گاع داكشي لي مكتوب عليهم ، أما أنير كان كيتذكر غير مع باه و قليل ، شوية بشوية حتا غلبها النعاس و بداو كيتغمضو عويناتها و استسلمت ليه فالأخير ..
| PRACTICE DAY |
و جا يــوم جـديـد ، و يوم مليئ بالطاقة و الحماس بالنسبة لبزاف الناس و منهم تـوسمـان ، لي من وقت ما جات و هي مصاحبة مع الكامة ماناضتش منها ، نعست و شبعت نعاس و ارتاحت من السفر و اليوم قررت تنوض على عجلة من أمرها باش توجد راسها و تلحق الوقت ، لأنه اليوم أول يوم غيبداو فيه السباقات، لكن غير ال Practice (التجارب الحرة) ، كيفما هو معروف سباقات الفورميلا 1 كتكون غير فالويكاند ثلاثة أيام (الجمعة-السبت-الأحد) من البداية حتى النهاية و كيكونو بزاف الانشطة قبل و بعد السباق الفعلي لي كيكون هو الاخير ، و اليوم غيكونو فقط التجارب باش يتيستيو السائقين سياراتهم ، لي باغاميتخ و الروايض و يجربو التراك الى آخره ..
