الحب المطوق

الحُب الخامس

يريد يخطبچ..

بابا گال هيچ و أني من صدگ انفعلت

: ما أريد بابا والله ما اريد انتحر والله أنتحر

: شبيچ بابا على كيفچ ترى خوش ولد وأهله بالدوله

: بابا الله يخليك لتجبرني ما اريده

دموعي صارت تنزل واني اتخيل اصير مرته واصير ويا بنفس البيت هو اني اشوفه بالشارع اموت رُعب

: ها هي بابا ليش تبچين هسه اگله تريد تكمل دراسه ومتريد

عفته وصعدت فوگ ابچي ما اريده احس ورى شي عنده شي

أو يريد ينتقم..

رحت غسلت وسديت الموضوع من الأساس نزلت سويت الهم عشاء

دخل بابا عليه للمطبخ

: شعندچ بابا اني اوصي

: لا ما اريد من بره اني اسويلكم من ايدي

: فدوه لايدچ بابا، صدگ سديت الموضوع وراح الولد في سبيل حاله بس مگلتيلي منين تعرفي

گلبي رجف واني احاول اطلعلي فد چذبه صرت ابلع ريگي مرات مُتتاليه

: مو باوع بابا تتذكر من وگع حسوني

: أي؟

: هو ساعده وعبره الشارع واني شفت شكله يخوف

: زين خوش ها هي نسد الموضوع

احس ضجت من گال نسد الموضوع مااعرف نفسي شريد

ليش ضايجه اني اذا گمت ابچي واگله لبابا ما أريد

: بابا شوكت نرجع

: مليتوا مني؟

رحت بسته من خده

: شنو بابا مليت واني جنت يوميه ابچي علمودك بس اشتاقيت الماما

: بكيفكم بابا شوكت ميعجبكم اوديكم

رحت كملت العشاء وغسلت الاماعين وصعدت لغرفتي

فتحت تليفوني واني اتأمل واصلتني رساله منه

شنو هذا التناقض الي دا اعيشه قبل شويه ابچي مااريده وهسه اتأمل رساله منه!!

فتحت تليفوني لگيت مسج بس

: عبالچ تذليني مو اندمچ والخلقچ أخليچ تمشين وتلتفتين وراچ امي جاهله موو
ولچ بسيطه اني الچ اذا ما اطلعهن من عينچ صرت أدمي واجيت اتقدمت الچ مثل الاودام بس ضاهر أنتِ مو مال هيچ

اقره واني ارجف شراح يسوي هذا مااريده گوه هي

قفلت التليفون و دگيت على ماما

: هلا بنيتي شلونچ

: زينه اريد ارجع اني

: اي تعالي باچر اشتاقيت الكم