الحب المطوق

الحُب الثامن

چان أسمع عيطه...

دخلت أركض جوه لگيت ماما واگعه وخشمها طاگ دَم
ركضت عليها لگيت نسوان ملتمات عليها وچانت أكو مريه حلوه خاله راسها بحضنها وتغسل بوجها

رحت أهز بيها

: ماما ماما اسمعيني

شويه ودخل رجال شالها يريد يطلع

: وين عبايتها

: أنتَ شلون تشليها هيچ؟

: بنيتي رجلها أني

: رجلها أو مو رجلها نزلها لا أدوس بطنك يلااااا

أجتي بيبي عليه سحلتني

: ولچ تخبلتي مو عيب

: منووو هذاا شلون شايلها هيچ

: اش ولچ صوتچ أمشي صعدي فوگ

صعدت أحس نار تشب بضلوعي متحملت هيچ شلون راح أعيشش وياا

چنت گاعده ورن تلفوني

: تنزليلي جوه

: لا ما أگدر وهذا عمك الـ..... شلون هيچ يشيل أمي

: ههههه تغارين بنت الحلوه

: سد حلگك وما أنزل

: هسه أني أصعد

: وين تصعد ذني نسوانكم الـ...... هنا

: أخخ الله شگد تغلطين حبيبي مو زين عليچ

: أريد اروح

: بس شويه واصعدي

سديته ونزلت أتختل رحت للحديقه للترك الورى لگيته وأگف شافني و أبتسم

: هلا بشرارة گلبي

: ههه شتريد

: باچر العرس وراها تجون

: لا أني احتمال أبقى بيت جدي متحملته هذا عمك غثيث

: هاي أول نُقطه مُشتركه بينچ وبيني

: هاا؟

: تجين تعالي ويا أمچ عندي هواي سوالف أريد أگُولها ألچ ومعليچ بي خوش؟ بس كم وگت تضلين يمهم بعدين تجين يمي

: عود شعندك ليش تريدني أجي

: أريدچ والله وأني أسولفلچ شگد تعذبت عليچ

: هههه ماشي

: ليش تضحكين

: ما أدري

: ضحكي حبيبي محد يستاهل يضحك غيرچ يلا روحي ليجي أحد

رحت أركض دخلت جوه لگيت ماما جايه ويمها نسوان وهذا رجال هم موجود