طعنة من قريب - الموسم الأول والثاني"

اقتباس من الجزء التانى من رواية طعنة من قريب 💣 ☺️

النهاردة الجمعة وعدى كتير قوى على وفاة هنادى اختى وظلى قومت من النوم وأنا بفرك فى عيونى من أثر عياط امبارح كنت نايمه فى اوضتها وحضنه هدومها وبشم رائحتها اللى بتفكرنى بطفولتنا وحبنا لبعض
خرجت من الأوضة وأنا جهزت نفسى عشان أمشى أروح لها أقعد معها شوية اتعودت من يوم ما سبتنى وأنا بروح المقابر يوم الجمعة واقعد معاها وأحطلها ورد التوليب اللى كانت بتحبه وافضل احكى معاها لغاية ما تمل منى ومن كلامى وتقولى قومى كنت بحس بيها والله كنت حاسه أن روحها بتحوم فى المكان حوليا وأنا بتكلم كنت حاسه بدموعها اللى بتنزل على حالى وضعفى كانت حاسه بكسرة ضهرى
بس لما روحتلها المرادى مكنتش لوحدى كان معايا رفيق بس كان خفى جوايا ردفت بدموع وأنا قدام قبرها
: أنا حامل يا هنادى
هيبقى عندى بيبى بس مش عارفه من مين جوايا روح تانية !!؟؟؟؟
خلاص قرب يجى على الحياة كلها أسابيع ويشرف على حياتى اللى ما بقتش حياة !!!؟؟؟

ده اقتباس من الجزء التانى من رواية طعنة من قريب
# طعنةُ من قريب
بقلمى /
روان محمد صقر

أكمل ولا لا
وشكراً على كل الكلام اللى اتقال لى فى آخر الرواية بجد كلامكم هو اللى شجعنى أكتب جزء تانى وصدقونى الجزء ده برده غير متوقع وهيبقى فيه شوية عظمه محصلتش

#ملاحظة
أولى حلقات الموسم التاني هتنزل يوم الأحد الساعة ٨:00 بتوقيت القاهرة، مصر إن شاء الله. 🙏 إن شاء الله هتعجبكم، وأنا محضرة لكم مفاجآت كتير في الموسم التاني 🎉، إن شاء الله تنال إعجابكم. علشان كده، كنت بتمنى تشاركوا القصة مع كل أصحابكم، وما تنسوش بعد قراءة الجزء ده تضيفوا النجمة ⭐ علشان تدعموني. أنا بحبكم قوي قوي يا حبايب قلبي ❤️.