الكاتبه : زيـنـب الـ حـسـنْ
هلاو سمسماتي💋
طبعاً اليوم البارت متأخر بيوم لأن هسه رجعت من بيت جدي جنت مسافره يمهم يلا متحمسين؟
________________________
غدير
ام غدير : يمه وكعت الطياره و مات غسان
جانت هاي الجمله كفيله تموتني و ياريتني ميته ويا
كلمات امي ترن بأذني و وكعت و ما حسيت بنفسي اني وين و شصاير
كعدت ضوه فوك راسي متمدده على جربايه ماكو احد يمي غرفه بارده
احاول اتذكر شصار و ياريتني ما تذكرت
جان اسوء يوم بحياتي راح حبيب عمري
راح و تركني كعدت استرجع ذكرياتي ويا
______________________________
"ذكريات غدير"
قبل ٣ سنوات
كاعده بالغرفه و سمعت صوت الباب رحت شفت اخويه جاي ركض و يكول اجو خطار
بسرعه رحت عزلت المكان و طبو سلمت عليهم و طبيت
حظرت الاغراض المواعين و الحلويات و التفتت وراي على باب المطبخ
و اشوف ولد طويل لابس بنطلون اسود و قميص اسود و شفقه سوده فوك رأسه
اتصنمت بمكاني التقت عيوني بعيونه
بسرعه طلعت بره
هاذا منو شجابه رحت سألت اخويه كال
- هذه ابن صديق أبويه
عفته و رجعت للمطبخ اشوف موجود لو لا لكيته ما موجود اخذت الصينيه و قدمتها للضيوف
كعدت يمهم لي ما طلعوا و جان الولد الشتفع ما شال عينه مني من طلعوا سألت امي شسم الولد كالتلي «غسان»
حجتلي عنه شلون رجال و خوش ناس أهله حبيتهم ششكد زينين و مثقفين بحجيهم احسن من كرايبي رأسهم محجر
كملت كل شغلي و رحت الغرفتي مسكت جهازي و لكيت طلب صداقه على واحد من البرامج وافقت عليه علمود اعرف منو هذه
ارسلي
- السلام عليكم
- وعليكم السلام منو وياي
- اني غسان ابن صديق أبوج
- يا هلا بس منين عرفت حسابي
- مو مهم منين عرفت
سكتت ما ردت الح حجيت ويا و طفيت الموبايل و نمت تعبانه
مرت الايام و تعلقت بـ غسان أو نكول حبيت غسان و هوه هم و اعترفلي بس اني ما رديت لان ما احب هيج علاقات مرت سنه على علاقتنه
ف اجا هذاك اليوم و سافر غسان علمود شغل
حتى يجي يخطبني و يعيشني عيشة الملكه على كولته
جنت كل يوم اشتاقله لأن جان بعيد عني و كل يوم يراسل حتى ما يصل بالي عليه
مرت السنتين خذني
و كالي راح يجي يخطبني و بين يوم و ليله
مات…
غمضت عيوني بألم ليش ليش راح و عافني و يعرف اني احبه
اتنهدت و كمت شلت الكانونه و طلعت بره لكيت امي و اخواني
ركضت امي عليه حضنتني طمنتها عليه ما بيه شي و رجعنه للبيت طول الطريق و اني ساكته ما حجيت بـ ولا حرف
جنت مصدومه وصلنه للبيت و اني ما ادري شوكت نزولني اخواني وصلوني للغرفه
جانو خايفين عليه من سكوتي الغريب لأن اني ابد ما اكعد جنت ٢٤ ساعه اكمز بس هسه اني هادئه
كعدو يمي يحجون و اتطمنوا علبه و طلعوا
تمددت بفراشي جنت ساكته كلت للبنات عن الخبر و جانن يواستي و اني جنت بهدوء غريب
مرت الايام ادام و بديت اناسي نفسي عن موضوع وافاته
_____________________________
ديرين
مرت الايام و الأسابيع و الشهور و خلصت الدراسه و تخرجت من السادس و غدير بدت تتناسه الموضوع
كاعده بالفراش اراسل غدير و بسمله
فجأه بسمله قررت نطلع على بيت مهجور
حيل كيفت عالموضوع كبل وافقت و اتفقنه نطلع باجر العصر
و بسمله كبل انسحبت تكول اني جنت اشاقه
كتلها
- ديرين لا يمه هاي هيه الفاس وكع بالرأس بعد هاي هيه اتفقنه تجين و غصباً عنج يلا ولي تحضري
رحت كلت الامي باجر راح اروح البسمله و يمكن ابات أو اتأخر بس هوه جذب راح نروح للبيت المهجور و امي وافقت
بسرعه رحت كلت للبنات و حضرت غراضي الباجر
تلفوني و جنطتي و بنلطون جينز رجالي مال اخويه و تيشرت ابيض و فوكهم قمصله خفيفه وقتها جان ربيع
كملت الاغراض و رحت نمت كعدت ثاني يوم العصر
بدلت ملابسي و كلت الامي
و طلعت خابرت البنات و كتلهن طلعت
رحت على غدير طلعت مكمله كلشي حتى جايبه ماي
طلعته نتمشى وصلنه الراس و الشارع و اجت بسمله بسياره و وياها السايق
بسمله : يلا اركبن
ديرين : ولج شوكت لحكتي
بسمله : احم احم استخباراتي
غدير : طططيييططط
بسمله : شكد عفطيه يلا اركبن
ضحكت عليهم و ركبت حجينه ويا السايق وصلنه البيت و راح نزلنه
ديرين : بنات كل وحده بـ جهه ما اريد اكابل وجهجن راح اعد من الواحد لل ٣ اذا اشوفجن يمي تعرفن شراح اسوي
ديرين : ١
ديرين : ٢
ديرين : ٣
كملت و ما لكيت ولا وحده حطيت ايديني بجيبي و مشيت دخلت جوه البيت مهجور متروك ما بي أحد
شويه و اسمع بسمله تصرخ رحت يمها جانت تأشر على شي و ترجف توني ردت اندار و اجت غدير تسأل
غدير : ها خير شكو ليش تصرخين تره بعدنه ما سوينه شي حتى
و بسمله بس تتمتم و ترجف انداريت عالمكان التأشر عليه
و فتحت عيني بقوه من الشي الشفته جان شي يرجف الما يخاف جان……
يـتـبـع💋
٨٠٣ كلمه💗
هلاو سمسماتي❤️🔥
شلونجن قلباي 🫀
والله مشتاقتلجن🔥
طبعاً اسفه لان تأخرت بالبارت بس جنت بـ بيت جدي و رجعت اليوم ف تأخرت👈🏻👉🏻
اسفه هاجن ورده🌹
لا تزعلن🎀
يلا باي💋❤️🔥
أنت تقرأ
انشراح رَحب
Actionصدمة كبيرة ، حزن ، موت فقدان فقر ، الى غناء كبير و ثراء فاحش و سعاده و حب و تقدير قرأه ممتعه
