انشراح رَحب

Bart 5

الكاتبه : زيـنـب الـ حـسـنْ

هلاو سمسماتي💋
طبعاً اليوم البارت بالموعد ماكو تأخير

____________________________

شهد

كالعاده كاعده عالفون اتابع مسلسلي
و دخلت اختي الكبيره رقيه للغرفه تكول

- شهد أبويه يكول عزم العائله و ناس ما نعرفهم علمود شغله بس ما اعرف شنو المهم حضري نفسچ
شهد : تمام روحي هسه احضر ملابسي

طلعت رقيه من الغرفه و اني كمت افكر منو هذول الناس و ليش ما نعرفهم كل مره ابويه يعزم ناس نعرفهم بس هذول ما نعرفهم

ما فكرت هواي رحت طلعت ملابس انسق و اختار
طلعت بنطلون جينز چويتي عريض و تيشرت ابيض هم عريض و قبعه زرقه

حطيتهم على صفحه و رحت للمرايه انعم شعري القصير شفته واصل الكتوفي

رحت ادور على مقص و قصيت شعري لحد رقبتي و قصيت شعري من كدام و رتبته طلع حلو نفس كل مره

نزلت جوه لكيت العائله كلها مجتمعه اخواني و اخواتي و امي و ابوي
ابتسمت على لمتهم

كلهم كاعدين عالقنفه بجه أبويه حاضن كتف امي و بجهه اخويه الكبير مرتضى و اختي الكبيره رقيه كاعدين سويه و بجهه ثانيه اختي ريتاج و اخويه احمد

رحت نزلت جوه اركض ردت اوكع بس توازنت

ابو شهد : الله الله اسم الله شبيج تتعثرين
شهد لا ما بيه شي

رحت كعدت على صفحه و كلت
- الك الله يالفقير كل واحد كاعد ويا الثاني بس اني
ابو شهد : هاي هياتنه كدامج

اجت يمي ريتاج بعدها دوبها تمشي اجتي و حضنتني من رجلي شلتها و صرت اطيرها بالهوا

شهد : يمه فدوه يروح اختج انتِ
احمد : لعبيني اني هم مو بس ريتاج

مسكته شلته العبه و هوه يضحك من كل گلبه شكد احبهم

هاي عائلتي بس جان اكو سر مخفي علينه كلنه حتى امي و الوحيد اليعرف بي هوه أبويه

____________________________

ديرين

بسمله بس تتمتم و ترجف انداريت عالمكان التأشر عليه

و فتحت عيني بقوه من الشي الشفته جان شي يرجف الما يخاف جان رأس معلك بحديده!!!!

التزمت اعصابي و غدير بس شافت الراس صرخت بصوت عالي ما اهمتيت الها و طلعت الفون مالتي و شغلت الضوه مال الفون و قربت شويه شويه و البنات يصرخن عليه ما اروح بس ما اهمتيت الهند مشيت شويه شويه و اشوف ماكو دم ماكو شي تقربت أكثر لي ما وصلت للراس ركزت زين هذه راس لعبه مو حقيقي طكيتها ضحكه طويله من كلبي

ديرين : ههههههه ولجن ااخخخ بطني هههههه
غدير : هاي يمكن صار بيها جني اشردي
بسمله : اي يمكن
ديرين : ههههه ولجن هذه مو راس حقيقي هذه راس لعبه هههههه