انشراح رَحب

Bart 6

الكاتبه : زيـنـب الـ حـسـنْ

هلا سمسماتي طبعاً اعتذر لأن اصلا نسيت اليوم شنو ف اتأخرت بالبارت👍🏻

ولكم أريدكم تصوتون تره الدعم كلش زفت و هاا تره ابطل و بعد ما اكتب بارت

_____________________________

ديرين

فزيت من نومي مفزوعه على صوت صرخات أبويه
شكو شصاير

اسمعه يصرخ رحت بسرعه طلعت اركض ما اعرف شصاير و كل هذه و أبويه مره يحجي مره يصرخ

وصلت للصاله و شفت أبويه واكف يحجي
ديرين : ها شكو يابه ليش تصرخ
- ها و علساس ما تعرفين بلا ليش كاتبه الولد و طارده ابو

اني من سمعت هيج شغلت التمثيل لأن اذا ما أشغلها ينحفر كبري
ديرين : ها يابه هذه هوه ابن جيرانه كتل كيان و طرده و من جيت حجيت ويا راح جاب ابو و ابو ضل يغلط علينه و جا هد علينه و احنه وحدنه بالبيت بس اني و امي و هوه استغلها فرصه و اني طردته و اذا كالك على شي بعد ف هوه جذاب لأن اني ما سويت شي و حتى اسأل امي

أبويه كبل باوع الامي و امي باوعت عليه اني كبل غمزتلها
ام ديرين : ها اي اي صحيح جا هد علينه و احنه ما مسوين شي
ابو ديرين : لعد هذه شكد ك** يضحك عليه هسه اروح امسح رأسه بالكاع

أبويه كبل طلع و امي ضلت ترول بيه لأن خليتها تجذب و بنص الرزاله سمعت صوت صراخهم عفت امي و ركضت على اخواني لكيتهم كلهم كاعدين سوه

ديرين : ولكم كوموا الحكو هذه جيرانه الكو** كتل أبويه كوموا اركضو

اخواني ما صدكوا كبل كاموا يتراكضون
الكل طلع من البيت و ما بقى بس اني و امي و كيان اخويه الصغير

نزلت اضحك و امي رجعت رزلتني شويه و تكتلني و اني اضحك
- يمه هسه شكو تتعبين اعصابج هاي علمود يتعلمون ما يندكون بينه احنه ولد الاكابر ما نسمح الواحد يحجي عليه مو يمد ايده علينه
ام ديرين : و النعم يمه بس ما يصير هيج تسوين و تكب بينهم
- يلا عادي اني رايحه يلا كد باي

ردت عليه و رحت شربت ماي و غسلت وجهي و رحت الغرفتي مسكت الموبايل احجي ويا غدير الدلوعه

- اووع ولج غديره هاي شكد لعبتي نفسي
غدير : اوي تره اني ع أقل عندي انوثه
- دولي بابا يا انوثه يا بطيخ ولج غديره الزركه
غدير : اول شي لا تغلطين ثاني شي اسمي من هسه الدكتوره غدير مو غديره ثالث شي اني بيضه مو زركه
- شلون بيج زيج يشيل ام انوثتج الزر**
غدير : ايع كلامج حيل سوقي

دزيتلها بصمه بي زيج
- طيط بيج
غدير : طيح الله حظج

ضليت احجي وياها و رجعت خابرتها لي اذان العشه
- عزه هاي صار شكد نحجي
غدير : يبو سرفت كل كلامي هسه شحجي وياج باجر
- ما ادري ، يلا باي
غدير : باي