الانتقام امام الحب قد ينتهي

البارت4

الكاتبه نـور صبـاح
روايه ـــ الانتقام امام الحب قد ينتهي
ـــــــــــــــــــــــــــــــــــــــــــــــــــــــــــــــــ
الكتب ذكرة بسجن غير افتهم شيريد السجن مو بايگ احلا سنين من عمرة محكوميتة تگضي ويطلع المسجون جيب من سجن شيطلع الذكرة🖤🤍
ــــــــــــــــــــــــــــــــــــــــــــــــــــــــــــــــــ

مريم.. خلصنه وهمه هم خلصو شلنه لماعين غسلتهم وسويت جاي نضفت لبيت اجت نارين يمي شويه بقينه نسولف شويه وسمعنه الباب يندك طلع لولد الي اسمه مصطفى صاحني
مصطفى.. هاا خويه هاذ فهد براا منتضرج
مريم.. ها تمام هسه طالعه
لبست عباتي وخذت يوميتي وطلعت بقينه نتمشه لمن وصلنه للبيت دخلت لكيت لماعين ع مكانهم ومرت عمي بغرفته ولبنات بغرفهم صدك ستهضمت بس كلت يلا الحمدلله من مخلينه بيتهم رحت غسلتهم تمددت ونمت ل10بليل الى كعدت راسي مسطور
مروه.. صح نوم عيني كعدت العروسه بعد وكت رجعي نامي
مريم.. عذريني عمه بس والله من شغل اليوم حيل مابيه
مروه.. يلا تتعودين تتعودين
عافتني وطلعت وهيه طم بعلجه دخيل الله شبيه
بعد مرور 10ايام اني بشغل جاي نضف وندك لباب طلع احد لولد فتحه دخل رجال متوسط لعمر
ويا شكم علاكه ماهتميت للوضع بقو يحجون جبت جاي بقه يباوعلي من فوك لجوه
علاء.. هاي منو وشجابه بيتي
نارين.. بابه هاي بت ابو فهد الله يرحمه
باوعلي بنضرات معرف افسره حقد، خوف، توتر، قذاره، كلهم سوه نخطف لونه باوعتلي بكل تحدي واني الالم ياكل بكلبي وداعت عزيز كلبي اذا مخليك تتمنه لموت اصبرلي
علاء.. وشجابه بيتي طلعوها يلاااا
مصطفى.. بويه عوفه البت البنيه جاي تشتغل بتعبه وتاخذ مصرفه ومامئذيه احد ليش نزعجت
علاء.. تكسر كلمتي ولك وانتم كلكم ولد شلون قابلينه طب هنا فهموووني
مصطفى.. البت خوش بت مشفنه شي موزين وسئل اخوتي همات
الولد.. اي صح بويه
مريم.. سكت بس بعده مخطوف لونه
كملت شغلي اجه فهد اخذني ورجعنه
خليت لفلوس درت وجهي شقت مرت عمي وراي كمزت
مريم.. ها خاله كولي محتاجه شي
مروه.. اي كملي وغسلي زوالي
مريم.. تمام خاله هسه
طلعت غسل بيهم كملت رجعت احسب فلوسي محتاجه ملابس اشتري كله البس من بنات عمي فتحت الجنطه استغرب بس 25 استهضمت صدك دورت لكنتور كله الكتب كلشي كمت ابجي صح من شتغلت مو غايتي لفلوس بس يبقن فلوس تعبي وره نص ساعه دخل فهد طلعت اركض شافني هاف جه لزم ديه
فهد.. ها مريومه شصابج بويه منو وياج
مريم.. فلوسي مكو بس 25 فلوسي معرف وين فهد
فهد.. اشش اهدي بويه حجيلي وين عايفتهن
مريم.. مخليتهم بجنطه لمدرسه ومحد يعرف بيهم
فهد.. اكو احد شافهن لبنات مرت عمي
مريم.. اي مررت عمي مروه شافتني
فهد.. اي خلص واضحه اذن هيه خلص مريومه لاتبجين اني نطيج
مريم.. ليش ماطول عرفناهه خل نحجي لعمي ترا فلوسي من تعبي عايزه وتبوكني
فهد.. اشش كافي اذا حجينه منو يصدكنه اكيد راح ننطرد وذا نطردنه وين روح وداعتج جاي شتغل حتى اشري بيت صغير بس اني وياج فدوه مريومه سدي سالفه شتردين اني جيبلج
مريم.. نشاء الله فهد بس فدوه اريد ملابس معندي والله
فهد.. دللي اخذج وشتريلج
عفته ودخلت جوه ودمعه بطرف عيني
نمت كعدت ثاني يوم رحت لشغل واني كاعده امسح بطباخ حسيت نفس قريب عليه درت وجهي بسرع شفت هاذ لحقير علاء دفعته بكل قوتي
مريم.. لكك اااانته مخبل بيك شي شلووون هيج تتقرب عليه
علاء.. حترمي نفسج ليج تردين تبليني انتي
ماحس الى راجدي اجه ع خدي اجيت حجلهم بس فكرت اكيد ميصدكوني وراح نطرد وبعد شلون انتقم منه سديت سالفه يوم بعد يوم كل مايحاول يتقرب اصده الى اجه هاذ ليوم لي رعبني صاعده بغرفه مصطفى امسح بل ارضيه ماحس الى احد طبك لباب لتفتت شفته نفسه ابو مصطفى استغربت من حاولت اطلع قيدني ودفعني ع ارض اريد اكوم اجه قيدني بوكته محد بلبيت بس لولد بشغل ع ساعه يجون بقيت اقاوم بي مكدر اخر شي صرخت صوت
مريم... لك اااالحكوووني يااااناس
ماحس الى نشال بكل قوته من فوكاي ووسعري مخرب وجهي احمرر وميته من لبجي بذاك لوقت لحجر يبجي ع حالتي
مصطفى.. لك بووويه شجاي تسوي
علي.. لك صددك تحجي دنت نفسك ع وحده بكد بنااااتك
كومي خويه كومي ستري نفسج استغفر الله ربي
مصطفى بقى يضرب با ابو هوه وعلي لبست شالي ع سريع شويه ودخل سلام
سلام.. لك هاي شجاي سووون وخرووو تخبلتو ولكم ابوكم
مصطفى /وعلي... لك شوف شسوه ابوووك تحجي عنه
سلام.. شسوه وشي ثاني شهل ضرب
مصطفى لكينه يريد يسوي عملته بهل البت اليتيمه تقبله
علي.. ولك اذا صارله شي شيخلصنه حجي ومنو اله بس اخوه
سلام.. بويه صدك هل حجي تدني نفسك ع بت بكد بتك
مصطفى /علي... يعني مجذبين عليك
بهل شكم ساعه الوضع متوتر كلش واعصابهم تالفه وهوه يحاول يبرر
علاء.. ولك صدكوهه هيه صاحتني
مصطفى.. نفترض صاحتلك انته شلون سويه جان ادبته
علي.. نفترض صاحتلك لعد ليش صيحت ليش حاله يكسر لخاطر تضحك ع عقولنه انته
سلام.. مع الاسف اني بنك شلون هيج سوي هيه هاي عمله بويه
شويه وسمعنه صوت نارين وام نارين
كلهم نزلو ونزل ابوهم وحالته تلعب نفس من دم لي بوجه شافتنه ام مصطفى
نجلاء.. هاي شنو حالكم.....
ــــــــــــــــــــــــــــــــــــــــــــــــــــــــــــــ
شنو تتوقعون شراح يصير ب مريم؟

هل ابو مصطفى راح يعيد الغلط؟
♡♡♡♡♡♡♡♡♡♡♡♡♡♡♡♡
مشمشاتي هاذ رابط قنات تلي
https://t.me/amjh366
اسم القناة
مشمشات نـور 🌷🍑