الكاتبه... نـور صبـاح
روايه ــــ الانتقام امام الحب قد ينتهي
ـــــــــــــــــــــــــــــــــــــــــــــــــــــــــــــــــــــ
هيه
نضـره
وبيه
سولفـنه
شكثـر! ♬
ـــــــــــــــــــــــــــــــــــــــــــــــــــــــــــــــــــــــــ
مريم.. وحده تباوع بوجه ثانيه معرف شعور فرح ع صدمه لبيت كلش حلو مابي اثاث وصغير دخلنه بنحاء لبيت لحوش متوسط يجي مضيف صغير من جه ثانيه مطبخ هم صغير موكلش جبير لمطبخ مفتوح ع صاله دخلنه للصاله صغيره ايضاً غرف ثلاثه ثنين غرف سوه وغرفه مقابيلهن اكو درج صعدنه شفنه صاله غرفه وحده وصحيات ( تكرمون) نزلنه وحنه فرحانين كللش
نارين.. بس فهد صدك شنو قصدك ثلاثتنه
فهد.. لان راح اصيرين ملكي ياروح فهد
نارين.. مامصدكه نزلن دموعي لاارادياً كل لي صارلي وماتركني اجه تقدم مسح دموعي باس راسي وابتعد
مريم.. اااف ربي يحفظكم لبعض
فهد،، نارين.. امين
فهد.. يلا خل نروح لحد مانشتري اثاث ونرتبه
طلعنه رجعنه نزلنه اني ونارين للبيت ماقبل فهد تروح لبيت اهله دخلنه صارت بوجهي مرت عمي تضحك وطم بعلجه خفت منه موخاليه هاي بس مادرت بال دخلنه نطيته ماي كعدنه نسولف ونضحك دخلن زهور وبنين هم كعدن يمنه يسولفن شويه ودخلت مرت عمي
مروه.. انتن كااافي كومن شكوو كاعدات
زهور.. اي ماما كايمين
راحن وجهن اصفر اااف ع حضجن
نارين.. ولج هاي شبيه وياهن
مريم.. هيه حيه لعبت بيه لعب ولج
نارين.. يمه الله يساعدج هيه مبينه من خلقته موراحه بقينه نحجي دخل فهد ورا عمي كاعدين اجت نارين كعدنه سلمت ع عمي وكعدت مدنكه تستحي منه شويه هوا كام طلع بقينه نحجي مانسمع بس صوت مرت عمي صررخ
مروه.. ووولكم ااالحكوني ذهبي ماااكو
مريم.. طفرنه كلنه بقينه نحجي ويااها بس صرخ دخل عمي
... ها يامرا شصابج فضحتينه
مروه.. شفت هاي بت اخوووك باكت ذهبي والله هسه جيبه
مريم.. بقيت بصدمه ياذهب يابطيخ رحت لفهد اركض
فهد وحق الله مامديت ايدي ع شي احجي وابجي هوه يهدي بيه نارين يمي تهدي بيه ومرت عمي بس صرخ اجه عمي سحلني من شعر وبلش يضرب بيه فهد يدفعه وهاذ مجلب بشعري واني بس ابجي واصرخ اخر شي دفعه فهد حيل
فهد.. وحق الله ااااذاااا مديت ايدك اكسررررره
.. ولك صيح عليه اختك تبوكنه وبيتنه
فهد.. وين شفتهن بعينك انته
مريم.. فهد جاي يحجي وتصلو عليه راد يطلع ورطع الهم
فهد.. اذا سمعت ضاربينه محد يخلصكم مني مفهوووووم
مريم.. طلع فهد وهاذ رجع جرني بكل قوته يضرب بوحشيه لمن فقدت طلع وجت نارين وزهور يركضن غسلن وجهي وكعدني واني بس ارجف خاف يرجع عليه
اجت مرت عمي
مروه.. هههاي لج شفتي شلون يعبدني عباده حتى ماكل خل ادور غرفته خاف جذب ههههاي بعد وبعد انتضري
اذا ماطلعتج سحل ماسمه مروه عافتني ودموعي ع خدي بس ابجي ثاني يوم قافله لباب خاف يشوفني فهد ويعرف ماريد مشاكل مصطفى خابرني يهدي بيه ونارين كذالك بعد مرور 3ايام اجه عمي يصيح
.. وووولكم خسررررت كل شغلي
مروه.. شنو شكو شبيك يرجال
... ولج مدري هسه هاذ لعاااار يطردني يكلي مانريدك خلص شغلك وووولج كل عمري ااااشتغل هيج يطردني لجججج هسه وين الكه شغل هااااا
مروه.. هيه من حبت هل بلوه نفكرت ماتذكر جنه عايشين برااااحه
مريم.. اجه عليه بعده مضاربني استوقفه صووت فهد
فهد.. عميييي ديررر بالك تمد اااايدددك
اجه فهد عليه دخلني لغرفه ماسمع غير بس صايحهم لشوي هدء لوضع مكو صوت تصل بيه مصطفى
مصطفى.. ها شلوني
مريم.. شكو
مصطفى.. غير خليت عمج يبطلونه من شغله ههههه
مريم.. صدك تحجي يعني هاي انته
مصطفى.. طبعاً طلع صاحب شغل ابو صاحبي "محمد"
مريم.. تمام حروح لاتتصل فدوه لايسمع احد راح مصطفى لفيت راسي ونمت بعد مرور اسبوع اجاني فهد
فهد.. يلا مريم جبت اثاث لبيت الكهربائيات ولماي كله جاهز لمطبخ هم شديته بس نكمل باقي لشغل تصلي ع نارين تجي وياج تصلت عليه صدك مكالت لا اخذناها ورحنه وكفنه يم مجمع كله اثاث
فهد.. البيت الجن ختارن ع ذوقجن
مريم.. ماصدكنه ختارينه كلشي رجعنه جابوهن ورانا بسياره بدينه نحهز كلشي لليل خلصنه بقه بس شغلات بسيطه مثل فرشات ادواات للمطبخ وهل سوالف ع عموم اسبوع كامل جهزنه لبيت كامل كاعده اطبخ ماحس الى وكعت سيت لماعين شفت بزونه ركضت اجت مرت عمي فايره اعصاب وهيه تريد حجه صيح عليه
مروه.. للللجججج مريضه مشوفين عميهههه ليش هيج فاااهيه مشريتهم بفلوووس الخلفوج
مريم.. كاافي ذليتوني ترا مااايصير هيج ارحمو بحالي ترا هوه سيت ماعين يجي فهد واشتريلج عفته صرخ دخلت للغرفه واني مهضومه اجه فهد شافني ابجي ماتحملت حجيتله كلشي واني ابجي
فهد.. ااشش خلص بابه حضري غراضج نطلع كافي راح نخلص بويه تمام لاتبجين
مريم.. اي فهد فدوه والله تعبت
فهد.. عيون فهد كومي حضري نفسج يلا
مريم.. كمت حضرت جنط وخذت كل فلوسي جامعتهن صح ناقصات بس مومشكله فرحتي بطلعتنه تسوه كلشي عندي طلعنه وصلنه للبيت نزلت دخلنه جوه خليت جنط فرحانه كلللش خو مرت عمي من طلعنه مصدومه تريد تذلني بعد ولو وين لاكيه وحده تخدمه
رتبت ملابس فهد بغرفته وملابسي هم جاب فهد اكل جاهز لان جعنه اكلنه شلت لماعين غسلتهم سدينه لباب ونمنه من تعب للعصر كعدنه ندك لباب دخلت نارين ومصطفى ركضت حضنته سلمت ع مصطفى ودخلنه جبت مي نطيته لفهد يصبلهم كعدنه نسولف ونضحك جايبين حلويات وياهم خذولهم نص ساعه تقريباً وطلعو ثاني يوم صبح رحت لفهد
مريم.. فهد يلا اخذني تأخرت
فهد.. بابه خلص شلج بشغل
مريم.. لافهد حباب والله تعودت هناك ومرتاحه صدكني
فهد.. تمام بابه مثل ميعجبج
وصلني ونزلت سلمت عليهن لكيت نارين تقرا خطيه باقي متحانين وتخلص للعصر اجه مصطفى يغني
مصطفى..
ـ وداعت امي ونضر عيني
ـ وانت ممحلفني هسه
ـ شما حصل ببنك وبيني
ـ حبي ضل لك هوه نفسه
يغني وعينه عليه نزلت راسي بخجل درت وجهي صار وراي
مصطفى.. "شمامه كلبي" خدودج دوهنني
مريم.. خجلت كلش معرف شجاوب تركته واني رجليه احسهم يرعشن كعدت يم خالتي احجي وياها مرور 3ايام نارين خلصت امتحانات اجه فهد يحجي وياي
فهد.. مريم
مريم.. ها خويه
فهد.. اريد اروح اخطب نارين
مريم.. صدك تحجي معرف والله بس فهد عندك مبلغ للعرس
فهد.. لاتاكلين هم ماخطي خطوه اذا مامتاكد منه
مريم.. تمام لعد نروح
فهد.. بس احس عيب نروح وحدنه لو ابوي جان راح
مريم.. خلص شي ثاني احنه نروح ناخذ جواب منهم اذا انطو لموافقه بل مشيه اخذ جماعتك ومعارفك تدبر بس توكل ع الله
فهد.. تمام لعد بليل نروحلهم
مريم.. تمام كلبي
دخلت خابرت نارين حجيتله طارت من لفرح
لليل تحضرنه رحنه الهم دكينه لباب طلع سلام
سلام.. اهلا وسهلا تفضلو
دخلنه سلمنه عليهم وكعدنه شويه فهد حجه
فهد.. خويه مصطفى بعتبار انته جبير اجيتك بطلب واتمنه ماتردني
مصطفى.. عيوني تطلبهن كول
فهد.. تسلم عيونك تدري ماعندي اهل حتى اجيبهم وياي لكن مصطفى اني اجيت
"اطلب ايد نارين ع سنه الله ورسوله"........
ــــــــــــــــــــــــــــــــــــــــــــــــــــــــــــــــــ
نطوني توقعاااتكم هل راح يوافقون؟
تصووويت بنااات 💋🍑
البااارت قصير مشمشاتي 🌷
أنت تقرأ
الانتقام امام الحب قد ينتهي
Mystery / Thrillerلماذا نسيت انتقامي عندما انضرت اليك ولماذا احببتك وانا جئت للانتقام 🖤 انا الكاتبه ــــ نـور صبـاح
