الكاتبه.... نـور صبـاح
روايه ــــ الانتقام امام الحب قد ينتهي
ـــــــــــــــــــــــــــــــــــــــــــــــــــــــــــــــــــــ
هندس، وطك، رماي، مايخطى الابره
شو هسه باب الحوش ماشوف اعبر 🥀🖤🤍
ـــــــــــــــــــــــــــــــــــــــــــــــــــــــــــــــــــــــــ
مريم.. ماسوي شي
مصطفى.. لعد شعندج واكفه يم الشرطه
مريم.. هاا لا بس اكو ولد ذب حجي نزعجت وهمه شافوني سئلوني عليه
مصطفى.. شنووو واحنه هنا شنووو لج وينه تعااي دليني بي
مريم.. لايمعود راح خلص خلي يولي
مصطفى.. شنو يولي لج يابه شادين كرون زلم لو موزلم ويانا ويتحارشون بيج
مريم.. ياخي كافي شهل عصبيه خلص راح
مصطفى.. مريم ولكفل زينب اذا عرفت احد متحارش بيج ومغلسه افصم راسج مفهووم
مريم.. اي تمام بس يلا العالم تباوع
مصطفى.. يطبهم مرض خل يباوعون ويلا امشي كدامي
غلست عنه ومشي وصلت يمهم كمنه بقينه نتمشى صارت عيني ع لعبه كلش حلوه ماعرف ليش حبيته بس ماحجيت اكيد يصحكون عليه وينه وين هل شغلات
درت وجهي شفت مصطفى يباوعلي غلست بقينه نمشي
فهد.. لك هاذ وين
درنه وجوهنه شفنه مصطفى مكو
فهد.. لك لا يانغل شوف وين واكف شنو يسترجع ذكرياته
شفنا واكف يم لمحل يشتري
اجه وصل يمنه
مصطفى.. يابه شبيكم شتريت شكم لعبه لبنت صاحبي
فهد.. عبالي جاي تسترجع ذكرياتك هههه
مصطفى.. طاحضك اي والله دمشي امشي بطران
بقينه نمشي وصلنه سياره صعدنه ومشينه ذبونه باب بيت عمي وهمه راحو دخلت لجوه
مروه.. هلا عيني ها زرتي
مريم.. اي خاله زرت
مروه.. والله حضوض هم يتيمه وهم ماخلت مكان مراحتله جا شبي حض بناتي
مريم.. باوعتلي هسه هاي شحجي وياهه بس ماكلكم تخطيت كلامه بقى حزه بخاطري دخلت للغرفه لكيت لبنات
زهره.. هلاو مريم شلونج
مريم.. هلاو كلبي الحمدلله درستن لا
زهره.. هستونه كملنه شبيج ضايجه
مريم.. لا يكلبي مابيه شي لايضل بالج
دخلت سبحت وطلعت اكلت شويه مشطت شعري وسويت عنايه ونمت كعدت صبح من وكت تريكت ع راحتي عندي وكت ذكرت اليوم عيد ميلادي بس يلا منو لي يذكرني قبل ماما تذكرني اااف يا امي شكدد مشتاقتلج اتمنه لو دقيقه وحده احضنج بدلت رحت كعدت فهد يوصلني
فهد.. سويلي ريوك بين ماغسل
مريم.. تمام دلل
رحت سويت جاي وبيض كعد ياكل كملنه وكمنه وصلني وراح دكيت لباب طلعلي علي
مريم.. صباح الخير
علي.. هلا خيتي صباح النور
دخلني لجوه لكيت سلام كاعد يتريك ونارين هم سلكت عليهم لحو عليه اكل وياهم بس رفضت لان ماكله وشي ثاني استحي من لولد دخلت لجوه بديت نضف سلمت ع ام مصطفى
نارين.. يلت مريم حروح وصدك ليوم ماجي لليل مناك اروح لبيت عمتي مممح باي
مريم.. تمام حبيبتي نتبهي ع نفسج
طلعت وطلعو لولد بقيت انضف بلبيت كعدت وحدي
مريم.. ماطول لكل طالع هاذي فرصتي ليش ماروح للمركز واخلص من هل حركان لكلب هاذ رحت لخالتي
مريم.. خاله اريد اجيب كم شغله من المحل لا يضل بالج
نجلاء.. ماشي يخاله دير بالج على رويحتج
مريم.. اي خاله رحت واني حتى فلوس مشاايله بجيبي بس اسئل بناس ع عنوان وهمه يدلوني بي صدفه امشي وماحس نصدمت بسياره بعد ماحسيت بشي
فتحت عيوني لكيت نفسي بغرفه بيضه عرفته مستشفى شويه شويه ذكرت صار وياي شوي دخلت لممرضه
.... الحمدلله على سلامتج
مريم.. الله يسلمج منو جابني
.... شاب اجه شايلج ويركض مبين لخوف بعيونه
مريم.. تمام بس اريد احجي ويه اهلي شلون
.... بس لولد يكول البنيه اخت صاحبي اعرفه
مريم.. منو هاذ ماحس الى ع فتحت الباب واني شوف مصطفى خايف
مصطفى.. عا مريم كعدتي الحمدلله على سلامتج بويه
موجن كال بويه رجعني ميت سنه لوره واني دموعي نزلت بدون ماحس ع نفسي
مصطفى.. ها مريم بويه شنو اليوجعج عليش تبجين
مريم.. لا مابيه شي بس شصار وياي
مصطفى.. لاتخافين اني دعمتج بس وكعتي ع رصيف ونغمى عليج
مريم.. فهد وين
مصطفى.. بشغل لاتخافين اني يمج
بس ثواني شطلعج انتي
مريم.. هاا لا بس
مصطفى.. بس شنو
مريم.. ردت اشتري كم شغله من المحل
مصطفى.. صدكت المحل قريب علينه انتي بغير منطقه يم مكان شغلي شجنتي سوين مريم احجي
مريم.. هاا خلص كافي تعبانه
مصطفى.. تمام يصير خير
عافني وطلع وره نص ساعه دخلت دكتوره جيكت وضعي كالت دكدرون اطلعون بس دير بالكم ع صحته
مصطفى.. نشاء الله دكتوره
عافتنه وطلعت اجه ساعدني حتى انزل طلعنه صعدنه بسياره مالته مشينه نزلني عكيف كعدني بصاله اجت خالتي تركض
نجلاء.. يمه اسم الله شبيه اخيتك
مصطفى.. يمه اني وجاي بطريق ودعمته
نجلاء.. دخيلك ربي الله اليستر ها حبيبه خو ماتأذيتي
مريم.. لا خالتي بس راسي ياذيني شوي
مصطفى.. هسه نطيج علاجج بس لازم تاكلين
راحت خالتي سوتلي مخلمه ع سريع وتجتني اكلت وخذت علاجي راحت خالتي بقى مصطفى كاعد
مصطفى.. اي مريوم احجيلي شنو جنتي تسوين هناك
مريم.. هاا بس جنت ضايجه وريد اغير جو
مصطفى.. ادري زوج وضحكين عليه حجيلي مريم ليش اراويج وجهي ثاني
مريم.. ماعتقد مجبوره احجي
مصطفى.. لا مجبوره انتي بيتي يعني امانتي تحجين لو شنو
مريم.. قررت احجي وانهي كلشي وليريد يصير خل يصير.. تمام راح احجيلك وشصير خل يصير
مصطفى.. من لبدايه وهيج صيري يلا غردي
مريم.. اجيت اخذ ثار اهلي....
ـــــــــــــــــــــــــــــــــــــــــــــــــــــ
نارين... طلعت من لمدرسه لكيت سلام واكف اخذني لبيت عمتي دخلت سلمت عليهن ولبنات بقن بس خاضناتي
شهم.. كافي ماشبعتن
البنات.. لا جا حنه مثلكم سلامكم بارد
شهم.. هههه ديلا نطن مجال خل نسلم اي شلون نارين
نارين.. الحمدلله خويه انته شلونك
شهم.. الحمدلله بس شنوو هاي لخويه شنو كبرتي ولج
نارين.. لا بس لان حاسبتك حالك حال مصطفى وعلي وسلام
شهم.. لا ديري بالج الغي هل نيه من اساسها
تركته ودخلت جوه بقينه اني ولبنات صاحتنه عمتي نتغدى كعدنه ناكل اجه شهم كعد بصفى ضايقت كلشي كملنه شلنه لماعين لبنات يغسلن بيهن مقبلن اغسل وياهن رحت لبرا اغسل واكفه عل مغسله واحس ادين محاوطاتني جمدت مكاني
شهم... اااف شكد مشتاقلج.....
♡♡♡♡♡♡♡♡♡♡♡♡♡♡♡
توقعاااتكم بنااات؟؟
تصووويتكم يحلوووات 💋🤍
مشمشاتي هاذ رابط قناة تلي
https://t.me/amjh366
اسم القناات
مَمَلكه مشمشات نـورَ 🍑🌷
احبكككم هوايي هوايي
أنت تقرأ
الانتقام امام الحب قد ينتهي
Misterio / Suspensoلماذا نسيت انتقامي عندما انضرت اليك ولماذا احببتك وانا جئت للانتقام 🖤 انا الكاتبه ــــ نـور صبـاح
