.نرجع الى الواقع سنة 2015
الساعة 6:00 الصبح
سارة :كومي يلا هسة شنو اني مبتلية بيج كل يوم اكعدج
عشق :اي كايمة عمة بس شوية
سارة :ماكو ولاشوية وقبل لاتروحين نضفي المطبخ
عشق :مو نضفته بليل هسة راح اتأخر على الأمتحان
سارة :اي بليل من نمتي اجت صديقتي وكعدنا سوا خو ماترديني اغسلج الأماعين انوب هاي فوك ماكاعدة بلاش
عشق :ترى هو بيت ابوية هم
سارة :روحي اغسلي الاماعين وانجبي ومن ترجعين اني اعلمج محضرتلج خوش مفاجئة
عشق :افففق نبتلي نحجي ،خوش هسة رايحة
رحت غسلتهن بسرعة ورحت لغرفتي او للمخزن الي جوا الدرج وعمتي مكعدتني بيه مع انو عدنا غرف اثنين وحتى كنتور ماعندي اصلن اني عندي كم لبسة بالسلة طلعت ملابس المدرسة الي اطتنياهن ام صديقتي تقى ولبستهن وعمتي عافتني وراحت نامت حتى فلوس متنطيني وطلعت من البيت متوجهة لبيت تقى
صوت الباب ....
ام تقى :منو
عشق :اني خالة
ام تقى :هلا بنيتي شلونج قريتي زين
عشق :الحمد الله ،بس صيحيلي تقى راح نتأخر على الامتحان
تقى :اني جيت
عشق: يلا شبيج راح نتأخر وست زهراء مدخلنا لقاعة الأمتحان
تقى :ياالله شكد اكرها
ام تقى :هسة انتي شعليج بيها روحي امتحني وتعاي
وهاج هذا الألف الج وهذا لعشق
عشق :لا خالة شكرا مااريد
ام تقى :اخذي وامشن يلا اتأخرتن
عشق :شكرا خالة ،لزمت ايد تقى ورحنا للمدرسة همزين اول ماوصلنا دك الجرس امتحنا وطلعنا للبيت راحت تقى لبيتها واني رحت لبيتنا اول ماوصلت سمعت صوت رجال بس كلت مو بيتنا يمكن دخلت وجان اتفاجأ بلي شفته مرة جبيرة ورجال يمكن عمره45 او هيج شيء
سارة :تعاي عمة حبيبتي
عشق :هاي شبيها اليوم حبابة ،بقيت صافنه عليهم لحد مااجت عمتي وجرت ايدي كعدتني يمها
سارة :هاي عشق بت اخوية الحجيتلكم عنها
المرية :ماشاء الله تجنن
الرجال :خوش صيدة هاي لعد مثل مااتفقنا باجر نجيكم الصبح ،يلا اودعناكم
سارة :الله وياكم
عشق :طلعوا وأني مصدومة منو ذولة وشنو هاي الفلوس الي علطاولة وشكو الصبح
سارة :شفتيهم شلونهم طاكين ذولة
عشق :لعد احنا شعلينا بيهم ومنو ذولة
سارة :باعي اسمعيني اني صارلي 15 سنه اكبر بيج واداريج وهسة اريدج ترجعيلي تعبي وتوافقين
عشق :بس على شنو اوافق ترى اني كل شيء مافاهمة
سارة :اريدج تزوجين
...,.......,......,...........
عشق :تحجين صدك ترى اني بعدني صغيرة واريد اكمل دراستي
سارة :عود هناك كملي وباجر العقد مالتج يعجبج مايعجبج
عشق :مو بكيفج هيه ترى اني كاعدة ببيت ابوي مو على كلبج
سارة :صاير عندج لسان وتراددين مو زين ماذبيتج بالشارع
عشق :بس هسة انتي هم بأعتبار ذبيتيني ليش انتي تعرفين شيء عنهم
سارة :مو مهم اهم شيء عدهم فلوس هواي ويلا ولي نامي حتى من الصبح نروح نعقد واخلص
عشق :رحت للغرفة وأني منهارة واعرف مراح تغير رأيها والحجي وياها ضايع واجت ببالي فكرة
.......... . ...........
الساعه 2:14 بليل
عشق :انتضرت عمتي تنام وخليت كم قطعة ملابس بجنطتي وقررت اشرد ومافكرت بالعواقب او سنو رح يصير بالمستقبل او حتى وين رح اعيش واني مااعرف شخص غير صديقتي واكيد مرح اروح يمها واسببلها مشاكل فحضرت جنطتي وفتحت الباب مال الغرفة ببطأ حتى اتأكد إذا عمتي نامت او بعدها ومسمعت اي صوت فأكيد نايمة اخذت الجنطة ومشيت على اطراف اصابيعي حتى ميطلع صوت وتكعد عمتي وعبرت الصالة وطلعت للباب مال الشارع وقررت اروح وبعد ماارجع وماجنت اعرف شنو ضاملي القدر ....
