Minsan naiinis ako sa kanya dahil sa magulang ko siya ang bida Siya na ang masipag at matalino Sa lahat ng bagay palagi na lang akong talo.
Tunay na kaming dalawa ay magkasalungat Ako'y nasa mababa at siya'y nakakaangat Naiingit ako dahil sa kakayahan niyang makihalubilo, Sa kakayanan niyang patawanin pati ang ibang tao.
Naiingit ako dahil nasa kanya lahat ng atensiyon, Wala man lang natira sa 'kin kahit isang porsyento. Tanging nakikita nila ay aking maling aksiyon At ang kakulangan ng aking pagkatao.
Hindi ko namamalayan Na ang inggit na nararamdaman Biglang naging poot at galit Mga pananalita ko'y naging mapait.
Kuya galit ako sayo, Galit ako sa mga atensiyong napupunta sayo Galit ako dahil mga magulang natin ikaw ang gusto. Pero mas nagalit ako nang iniwan mo ko.
Kuya hindi kita masisisi, Mas lamang ang galit ko sa sarili Pilitin mang kumbinsihin Na ikaw ay nasa tabi ko parin- ngunit huli narin.
Hindi ko mawari, Bakit kay tamis ng iyong ngiti sa labi? Bakit kay tunay ng iyong mga tawa? Hindi ko alam na may problema ka pa lang dinadala.
Patawad kuya, Patawad sa mapapait na salitang nabanggit Alam kung huli na, Pero patawad sa lahat ng dinulot kong sakit.
-🖋️Panda #TulaNiPanda @KungFuePhunda
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
