يممنقذي_ سبايا_ داعش
-
-
-
لا تنسون التصويت + متابعة الحساب
-
-
وردة الشيخ محمد
-
قراءة ممتعة ♥
ــــــــــــــــــــــــــــــــــــــــــــــــ
ـــــــــــــــــــــــ
_بغداد_
صباح حلو بصوت عبدالباسط
وراحة البيت وسكينته الي تنطي نشاط
وصوت امي الي تدندن بايات
القران ومندمجه بترتيلو وابويه
الي كاعد وحوالينو احفادو (عمر، علي، محمد)
ويلاعبهم واني اساعد امي بتحضير الريوگ
اعرفكم عن نفسي
ريام وعمري 18 سنة
ادرس صف خامس اعدادي وحالياً
نهاية السنة ورسبت بالسادس اني
ماهلكد احب الدراسه وكلش
اتعاجز منها وماحب الدوام احب
النوم والاكل ويسموني تمبل مال
نوم بكثر ما انام عايشه ويه اهلي
.. امي.. ابويه.. واخ واحد اسمو سليمان وجدتي الحجيه اسمها ليلى
و5 خوات متزوجات اثنين
ببغداد ووحده بالموصل ووحده
بالانبار ووحده بالبصره متوزعين
ع المحافظات الله يسلمو للوالد
عيطبق الوطنيه بروسهم واحنه
طائفتنه متنوعه امي علوية
موسويه وابويه سني دليمي من
سكنة الانبار وزواجهم عمك خالك
يعني اقارب وواحد ياخذ من
الثاني واهلنا تقريباً هيج يا اما
الرجال شيعي او المره سنيه
والعكس وعايشين بحب وامان
وبعيدين عن الامور الطائفيه
الي تفكك عوائلنا وتسلب راحتنا
وكل الي يسالنا نكولو مسلمين
وصارلنه سنيييين على هاذ الوضع مفد
يوم صارت مشكله كافين خيرنا شرنا
اذكر امي جانت تمنعنا نطلع ب
ايام الطائفيه ال 2007 بسبب
القتل هذا شيعي هذا سني
والحرب الي قتلت هواي من شبابنا
وبسببها تهجروا كثير من اقاربنا
للخارج شردو من ظلم الطائفية
وللاسف راحو من عائلتنا شباب
بعمر الورد الله يرحمهم ويخلد
ذكرهم ومنهم عمي وابن عمي
عائلتي بصورة خاصة.. متشددين
وبالاخص امي ماكانت تقبل نطلع
ولا نحجي ونشكي وجنه محبوسين
بالبيت وما نطلع ولا نطب وحتى
الجوارين مانعرفهم الى كم وحده
تجي تزور امي ويادوب نطلع
علمود السوك لو الملابس اما
احتياجاتنه كانت هي تجيبهم النا
وكل خواتي زوجوهم بعمر ال14
وال16 الى اني بزر الكعده المدلله
عند ابويه حبيبتو واحبو ومتعلقه
بي هوايه حتى اكثر من اخويه
سليمان رغم هو الولد الوحيد
اجه ع خمس بنات وكل كلامو
البنات رحمه وعزه وراحه
بس امي بسبب عماتي وخالاتي
جانت تسمع حجي يقهرها
ويضوجها فتكوم تحبل فوكه
فوكه يطلع من الاربعين وره كم
يوم تحمل لحد مضل يصير عندها اسقاطات واسقطت
وحملت باخويه رغم تعبها
وتحذير الطبيب الها بس جانت
تعاند والي براسها تسوي اجه
وصار الكل بالكل وتخلصت
امي من الكلمات التجرحها
ام البنات.. خلفتها بس بنات..
مامنها فايده لان ماخلفت ولد
