وردة الشيخ محمد
لا تنسون التصويت + متابعة الحساب
شذى-: يمه ابني احترك...
كلنه فزعنه على صوتو واكع عليه الجاي ومفرفحه روحو ويصرخ شالو ابوه ويصيح
-: بسرررعه بطانيع لاااا يتسمم بسرررررعه
ركضت جبتلو بطانيه وركض بي للمستشفى وركضو وراه ابويا امي وراحو بسيارة سرمد اخذهم وكلبنا وياهم ونندعي مابي شي هوه طفل عمرو 3 سنوات ووكع عليه
من الطول للطول والجاي جان عالنار يتهدر
نوران-: شوكعو ياربي شجابو قوري شثكله
نور-: امو الفاهيه راحت وياهم اي ادري
طفل غير تخلين عينج عليه
نوران-: اي خطية الله يعين كلبهم يمعوده طفل ويلعب شبيج انتي الثانيه
ريام-: خايبات الجاي يفور يايمه شكالت روحك سوده عليه عموري
نور-: شوكعه عليه
ريام-: هاي شوفي الحدايد متحركات ماكاعدات عدل والجاي فوكه وتلكي لاعب وواكع عليه
نوران-: اووي عماتي دجيبي التلفون اخابرهم
نور-: بعدهم تلكيهم ما واصلين للمستشفى
من جهه بنت نوران بجت حطتها ع صدرها ماتقبل ترضع تفتر بيها ماكو تصرخ ع رنه وحده وصوتها لو بجت يزرف الاذن كد ماعالي وتفحط وماتسكت تصير زركه من الصريخ
ريام-: ولج شبيها بتج سطرتنه شكت راسننه شك رضعيها شوف شبيها صاارت زركه اسم الله الرحمان
نوران-: دتسنن شبيج تصيحين عفيه لسان شطوله
ريام-: شصيح عجل ماتشوفين شلون تصرخ فرفحت بنت الازرك
نوران-: هههههه هاج اخذيها رايحه اسويلها رضاعه واجي
شمرتها عليه وهي كبت بالصريخ اريدها تسكت ماكو اشيلها تسحل بروحها اخذتها وطلعت بالحديقه وهي ع نفس الرنه
ريام-: نووور صخااااام نور وينج تعاااي العباس سطرج كون بتج سطرتني راسي عيطك من خرب عشيرتج
اجت نور تركض
نور-: شبيج شبيج شبيها تبجي اووي مفرفحه شبيج وياها
ريام-: شكتني شك وامها كاعده تسويلها رضاعه شمرتها عليه فكيني منها عتخبل
نور-: شلون راح تتزوجين انتي خرب ببليسج
ريام-: كلشي حطيتو القندرا الزواج هسه فد شي مهم هو حتى خابصينه بي منو كلج اريد اتزوج اني ع سوالف الجهال مسحت الزواج من راسي
نور-: كلشي حطيتي الفشار والغلط بالنص والله لو يدري ابويه اله يعلكج بباب الشارع من لسانج طايحه الحظ
ريام-: دهاج هاج سكتيها وبلا لغوه زايده
شالتها وماسكتت ابد دخلنه للبيت كعدت نور وحطتها ع رجلها
