مُنقذي سبايا داعش
لا تنسونا التصويت + متابعة الحساب ♥
وردة الشيخ محمد
انتباه!
الحلقه بيها كلمات بذيئه و18+
ـــــــــــــــ
بوجهنه قفل السيارة صرخ واحنه بداخلها وحده من النسوان جبيره بالعمر ضلت تعيط وتصرخ
-: الحكوناااااا الحكونااااا ساعدونااا
بدون تردد سحب اقسام وحط طلقه بنص راسها
والمره دمها تطشر عالكشن وع الجمال ونص راسها متفلش بنية كدامي اسمعها تردد بصوت ناصي
-: ساعدوني... ساعدوني
دنكت من ورة گرصتها
ريام.. احجي شبيج اهدي اهدي هسه يجي الجيش ويساعدنه لا تخافين اقري آيات القرآن هسه يساعدونه اندعي فدوة
جان اسمها رجاء
رجاء-: هاي هاي.. هاي دماغها مطشر على ملابسي ع ملابسييييييي هاي عينها
شهكت وبجت، صاح بينا ويغلط ويفشر علينا وعلى شرفنا
جان كلامه سوري بس يحجي عود فصيح مكسر
الرجال.. انتيي لا تبكين لا اعمل فيكي مثل هذه العجوز مرتدين حثالات
ضحك الي بصفه وكال -:
جميلااااات جدددااااا
اني مدنكه واباوع من بين الكشنات باوعله بنظرة ما انساها طول عمري ورجع باوعلنة بنظرة قذرة تشتهي وتستلذ بالنساء
جان وجهه اسود وبي بهاق وريحته تخنك من الجيفه تكطع من الخيسة والقرف ومن وجهه سدو السيارات والجامات خاف وحدة تحاول تشرد لو تطفر لان جامات الكوستر جبيرة
فمجموعة بقت وواحد منهم رفع الجهاز واتصل
الرجال.. ابو الفقاع هذا داعية الاسلامي أبو عثمان ابو الفقاع.. أعطني..
السلام عليكم ورحمة الله وبركاته نعم نعم انهن هنا حسنا ننتظر دعمكم ليس لدينا وقت قبل ان يأتي الجيش الرافضي والمرتد القذر لا هنا ايضا السنه اصحاب للروافض ههه اي نعم كلا للطائفية يلعن امهم
نعم هذا يدل على انهم مرتدين لا الموصل فيها مرتدين والروافض والمسيح هههههههه مشكل يالوز
... حسناً
سد الخط الي فهمته جانو المرتدين السنه والروافض الشيعة والكفار المسيح واليزيديين
صفنت اريد احفظ شكلة كلشي يصير وكلت هي روح وحدة افكر واخطط وجسمي يرجف وينتفض
وافكر شلون اشرد شي بنص تفكيري باوعت وجان يرمي 4 طلقات ع الولد الي يم السايق فجر بطنه جان الحقير كل ضرباته لا وحده ولا اثنين بحيث الطلقه طلقتين يقتله بمكانه والسيارة كلها هدأت بس وحده تسحب نفس لو تبجي تنكتل
