منقذي سبايا داعش
الناقلة زينب الحوراء
لا تنسون متابعة الحساب + التصويت
حسيت لهنا وحياتي انتهت صرت ادعي الله ياخذ روحي ولا انباع بيد احد واظلم الكلب لو اكول كلاب اقذر وانكس بشريه على وجه الارض غمضت وصرت اتخيل
وووووين جنت.. قبل كم يوم جنه اني وخواتي كاعدات انسولف ونضحك قبل كم يوم جنت ابوس ايد امي واتناكر وياها لان اكل واعوف ملعوني! شنو حالكم هسه؟
يارب انت المنقذ وانت المعين بكل شده اللهي انت رب العزه انت العادل الما تظلم احد خلصنا منهم
.. هاي الي اهلها ينتظروها ترجع وهاي الي راحت للعرس بكامل كشختها وماتدري اذا ترجع لو لا
يم ناس مجهوله ملابسهم واسلحتهم ووجوهم مغبره ومتربه ومابيها نور محمد
من سحبونه هو كال وهو سحل وهو جر من الشعر كمت ادافع بيهم بكمد مابيه قويه واصرخ وهمه لازميني والبنات نفس الحاله اخر شي كتلنا كلنا اني ماتحملت فقدت الوعي
فتحت عيني مغذي بيدي وصوت حجي مامفهوم بس منه
-: رجال تجار واحد اردني والثاني عراقي من اربيل
- والبقية
- اشترو ٣ بالملايين موصليات يخبلن
- عجل وسوق السبايا
- بعده ع الاسبوع الجاي او للبعده ينفتح هسه التجار تنتظر ع نار متفقين وعاقدين صفقات بالملايين ع النسوان يلا اني طالع عالجيهه حلوه هاي متتفوت عدهم
- حسبي الله ونعم الوكيل
- تورطنا هاجر تورطنا
فتحت عيني وحجيت بتعب
ريام-: احلفج بالله شحتسوون بيا
مردت عليه
ريام-: دا احجي وياج غبيه
تنظف بالادوات وحجت
هاجر-: حيبيعوج انتِ وياج اربعه
ريام-: الـمنو؟
هاجر-: تجار وناس معروفين
ريام-: انتو منو؟
هاجر-: الدولة الاسلامية
ريام-: شنو دولة اسلامية
هاجر-: النا اسم ثاني
ريام-: وهو؟
هاجر-: داعش
تقربت مني لابسة نقاب حركت المغذي
هاجر-: حيخلص ويجون عليج
ريام-: ساعديني
هاجر-: ما اكدر
ريام-: ابوس ايدج
