"حراس التاريخ"

حراس التاريخ _6_من اين أبدأ

اكتب بيدي بدايه الشئ الا نهائي يوجد امامي عده طرق ولكني لا اعلم اين منهم البدايه الصحيحه
ايجب عليا المخاطره والسير في كل الطرق لاعرف من منهم الصحيح ،

قال عمرو بن العاص رضي الله عنه: " ولاية مصر جامعة تعدل الخلافة" فجعل كل بلاد الإسلام في كفة، ومصر في كفة أخرى.🇪🇬✨
~~~~~~~~~~~~~~~~~~~~~~~~~~~~~~~~
"سيكون معاكي خمس اشخاص للمساعده
هدى _معلش بس الناس دي عارفه الحوار ولا انا هشرحلهم ولا اخدك معايا ويضحكو علينا سوا
كاد أن يوقفها لكنها أكملت قائله"استني بس متتكلمش انا المفروض نازله القاهره انهارده اجيبلك الناس دي فين وانا أن شاء الله هجيلك هنا كل شويه ولا اي انا زهقت الغي رحلتي
أوسر"ايها الثرثاره ارجوكي اصمتي لأكمل حديثي
الأشخاص يعيشون في وسط العاصمه
تحدثت هدى ببلاهه"واو عايشين في العاصمه الاداريه
أوسر بعدم فهم"لا اعلم اهي اداريه او تجاريه لكنهم من العاصمه
هدى"اي ده لامواخذه قصدك القاهره هي العاصمه يعني وكده
"ايضا لا أعلم معاكي البرديات بها تفاصيل كل شخص وعنوانه كل برديه لها رقم ابحثي عنهم بالتدريج
هدى"طب انا لو عايزه اتواصل معاك اعمل اي يعني
تحدث أوسر "فقط تذهبي الي اي مكان فرعوني به شئ يخص عالمي
تحدثت هدى بخضه"انت من عالم موازي انت جن كنت حاسه
تحدث أوسر مستغرب طريقتها"انا لست جن انا ساحر معالج إثم اكمل الاهم  ان تكون معكي البرديه الاخيره دائما
هدى"من اول الحوار ده وانا ماشيه بيهم ولا اكنهم بطاقتي الشخصيه
أوسر"ما هي بطاقتك الشخصية اهي نوع من أنواع السحر
تحدثت هدى مازحه"اه نوع سحر اسود اول لما بتشوف نفسك في البطاقه بتموت من الخضه على طول
قام أوسر بالرد بغرور"انا ساحر ذكي سأقوم بشئ يمحي هذا السحر لا تخافي
تحدثت هدى بسخريه"لا محدش بيعرف يشيل السحر ده الا ساحر من السجل المدني
أوسر "ما هو السجل المدني
هدى"لا ده حوار كبير المهم انت قلتلي أن البرديات فيهم المعلومات لامواخذه في البجاحه بس البرديات فاضيه
أوسر "اذا انتي لا تعلمي فيما يستخدم المفتاح
تحدثت هدى بهدوء"حتي المفتاح لي استخدامات ماشاء الله يعني
تحدث أوسر مناديه الحارسين ليقوم بتعريفهم الي هدي
"هذان الرجلان يكونو الحارسين الملكيين لدي في بعض الأحيان ممكن أن يظهروا لكي في اي وقت ليساعدوكي الحارس الاول اسمه تاوسرت والحارس الثاني اسمه جابي
تحدثت هدى مبتسمه"طب كويس لقيت حد يساعدني
انتهاء أوسر من تعريفهم ثم اكمل اعطيني المفتاح
أعطته هدى المفتاح شاهدته يقوم بترتيل شئ لحظه وكانت بيده برديه
اتصدمت من الموقف أنها اول مره تراه شئ بخصوص السحر
"البرديه فارغه تشبه الذي معك لكن عندما تحملي المفتاح وتقومي بتقريبه من البرديه وتنظري من خلاله تري ما لم يراه أحد غيرك
تحدثت هدى متذكره"عشان كده البرديه اللي كانت مع المفتاح بتقولي قد تري ما لم يراه أحد من قبل قلتلي بقا لا جمدان والله
لم يفهم أوسر كلماتها تحدث منهي النقاش"أنه وقت رحيلي عند ذهابك للعاصمه يبدأ مشوار بحثك عن باقي الاضلاع
تحدثت هدى بغباء"أضلاع اي هما مش بني ادمين ولا اي
أوسر قد نفذ صبره من غبائها "انهم خمس اشخاص ولأن زهره اللوتس مقدسه لنا شبهتهم بها فقط
الان سارحل
تحدثت هدى مودعه"سلام للباشا وهو ماشي
رحل أوسر وحارسيه رجل هدى قادتها إلي الخارج كانت چنى ابتاعت الاكل لهم تفاجئت من شكل هدى ومن ضحكها وكلامها مع نفسها
چنى"هدي مالك في اي
تحدثت هدى ببلاهه"يجدع انا قولت انك مشيتي والله
استغربت چنى منها أنها لم تأخذ وقت كثير في الشراء
"مكنتش نص ساعه يختي تعمل فيكي كده
هدى بصدمه"ثانيه واحده قلتلي قد اي نص ساعه اي ده فات اكتر من يجي ساعتين ونص كمان
چنى نظرت لها بشك"انتي بتشتغليني ولا اي يا هدي
هدى"والله يا چنى بقالك كتير اوي كمان
أرادت چنى تأكيد أنها لم تتأخر"انا لما خرجت رحاب صحبتي اتصلت قعدنا نتكلم لحد ما الرجل عمل الاكل وجيت نص ساعه بالظبط
هدى قامت بالضحك كثيرا "شكلي دخلت مثلث برمودا فاتك يا بت يا چنى مشهد جامد واحد فرعوني جالي ب اتنين حراسه
تحدثت چنى وهي تفتح عبوه الماية الغازيه لتشرب"كان في عرض ولا بيصورو حاجه تخص الفراعنه
هدى"كان نفسي اقولك كده بس هو ساحر فرعوني حقيق.لم تكمل جملته بسبب الماء الذي ملئ وجهه
أكملت هدى حديثها"فرعون حقيقي انا كنت عطشانه  بس مكنتش عايزه اشرب بالطريقه دي يا قلب اختك
چنى بعدما استيقظت من صدمتها"حقيقي بجد بني ادم يعني وكده ولا بيكدب عليكي هو قالك اي طيب شاف البرديات قالك اي الحاجات دي طب هو ممكن
اسكتتها هدى بيدها"مصوره اساله وفتحت في وشي اهدي يا ستي بقا انا نفسي انام اسبوع وأقوم فايقه
اطلبي اوبر ولا حاجه خلينا نروح هموت وانام
يدوبك انام ساعتين قبل ما نرجع.
عادو الفتيات الي الفندق كانت والدتهم في انتظرهم
علياء"اتخضيت عليكو يا بنات
هدى"اي يا لولو متقلقيش بناتك ميتخفش عليهم
أكملت چنى قائله"ده احنا نخوف بلد بحالها
ابتسمت علياء بحنيه تجاه بناتها"احكولي عملتو اي بقا
نظرت چنى الي هدى بمعني تحدثي انتي ثم قالت "هقوم اخد شاور بعد اذنكم
تحدثت هدى"تعالي يا ماما احكيلك
ظلت هدى تحكي تفاصيل من الايام السابقه الي والدتها
أخذهم الوقت وأصبحت الساعه العاشره مساء
_ياه الوقت خدنا واحنا بنتكلم هقوم أصحي ابوكي وانتي صحي اختك واتأكدي من حاجتكم
تحركت هدى نحو شقيقتها وايقظتها
"يلا يا چوچو اصحي وكملي نوم في القطر حتي
استيقظت چنى وقامت بتغير ملابسها
خرجت هدى الي والديها"احنا جهزنا اهو
راضوان "طيب يلا عشان أنا طلبت العربيه تحت الفندق اهي تحركت العائله الي السياره المتوجه الي محطه القطار .
بدأت رحلتهم ذهبت هدى في نوم عميق طول الرحله
"اي يا هدى ولا اكنك منمتيش من ايام العدوان الثلاثي
ابتسمت هدى لأبيها "والله يا بابا كنت فاصله خالص هو كده ناقص كتير
"لا اقل من ساعه أن شاء الله ونوصل المحطه
انتهت رحلتهم بوصلهم الي المنزل لكن رحله هدى  ستبدأ.
"حمدالله على سلامتكم ياحبايبي
"الله يسلمك يا بابا الواحد وحشو بيته اوي
نظرت هدى إلي شقيقتها وقالت"صحيح من خرج من داره يتقل مقداره
ضحكت الفتاتين بهستريه
نظرت لهم علياء بعدم فهم"اي يولاد المجنونه الشمس قصرت عليكو
ردت چنى على والدتها"تصدقي فعلا يا ماما الواحد يخش يكمل نوم يقوم بكرا فايق بقا تصبحو على خير أو مساء الخير على حسب هتنامو ولا لا
ابتسم راضوان ثم قال"خشي نامي يا چنى ده دماغك ساحت بجد
"ايوه يا بابا صح هروح انام
ذهب الجميع للنوم دخلت هدى غرفتها وأخرجت البرديات والمفتاح لتعرف من منهم الاوله
قربت المفتاح من البرديه ولكن لا يوجد رقم فقط شرطيتين ظلت تبحث عن ارقام في برديه آخره
اكتشفت أن الشرطه تعني واحد والشرطتين تعني اثنين إذا هذا هو الترقيم
"لما نشوف مين اول واحد استعنا على الشقاء بالله تعالي ياعم المفتاح نشوف مين اول حد في الليله دي قامت بتمشيه المفتاح من فوق البرديه ومعاها مفكرتها تكتب الاسم الاول(سليم البوهي32عام)عميد في كلية تربيه رياضيه وصاحب مركز رياضي بالمهندسين
تحدثت هدى بتفكير"هيعملو اي بالراجل ده هيعلمهم تمرين الصباح ولا اي
أنهت كتابت جميع المعلومات وذهبت إلى عالم الاحلام.
استيقظت هدى مبكره اتجهت للمطبخ رأت والدتها تقوم بتحضير الفطار لأبيها"صباح الخير يا ماما
"صباح الخير ياقلب ماما صاحيه بدري ليه كده
_شفتي يا ماما انشغلت مع رحله چنى ونسيت مشروع التخرج بتاعي هنزل الكليه اشوف اسمي اتحط في انهي مجموعه وهنبدا امتي.
"يا خبر طب الحمد لله اننا رجعنا عشان تلحقي ربنا معاكي
_يارب يا ماما هخش اغير وانزل عايزه حاجه
"عايزه سلامتك يا حبيبتي بداخل غرفه هدى انتهت من تغير ملابسها وأخذت مفكرتها المكتوب بها المعلومات وتحركت لوجتهه المهندسين .
تقدمت من المركز اخذت تنهيده طويله ودخلت اقتربت من مكتب الاستقبال"صباح الخير لو سمحت استاذ سليم البوهي موجود
رد الشاب بتهذيب"هو على وصول حضرتك جايه الجيم ولا العلاج الطبيعي
_لا انا عايزه استاذ سليم في حاجه خصوصيه
"حضرتك ممكن ترتاحي عقبال ما يوصل تحبي تشربي حاجه
_لا شكرا بس هو هيتأخر
"لا هو مبيتأخرش متقلقيش
ابتسمت هدى وجلست في مكان مخصص للانتظار بعد ما يقارب ساعه دخل ثلاث اشخاص المركز وكانو مسرعين
اقتربت هدى من الشاب متسأله_هو استاذ سليم بين اللي دخلو دول
"ايوه يا انسه كابتن سليم اللي لابس تيشيرت ابيض هناك اهو
وقام بالاشارة نحو رجل منهم
نظرت هدى لمن أشار كان رجل بجسم نحيل لا يصلح  أن يكون مدرب في چيم أو متدرب حتي
"حضرتك هنبلغه وادخلك على طول أن شاء الله
جلست هدى مره اخرى منتظره قد فات ساعه واثنين وكادت أن تفوت الثالثه قد نفذ فيهم صبرها تحركت في غضب نحو الشاب وقامت بتعليا صوتها"هو استاذ سليم  بتاعكو ده هيقابلني امتي انا مش فضيالو الناس وراها مشاغل وحضرته جاي متأخر ومش محترم الناس اللي مستنيا
"اي الصوت ده يا آدم في اي
التفت هدى للصوت ورأت بنيه جسديه طويله وعضلات تناسب الشكل ولكنك للوهله الاوله ستصدم
"يا استاذ سليم  هي دي الانسه اللي  كانت مستنياك
توسعت عين هدى من الصدمه كانت تظن ما أشار نحوه هو سليم لكنها تفاجأت
_استناه بس استاذ سليم ازاي مش انت قلتلي الراجل اللي لابس تيشرت ابيض
"ايوه يا انسه مهو استاذ سليم لابس تيشرت ابيض اهو
تحدث سليم بنفاذ صبر"هو حضرتك عايزه اي
نظرت له هدى وابتلعت ريقها وتحدثت بصوت يكاد يسمع"حضرتك استاذ سليم انا هدى راضوان انا اسفه اني عليت صوتي والله
"حصل خير يا انسه بس ياريت تكوني عايزاني في حاجه مهمه بعد كل ده
ردت هدى بهدوء قائله"طيب الموضوع كبير وعايز هدوء وعايزه اتكلم معاك على انفراد
"طيب اتفضلي نتكلم في المكتب ادم اطلب اتنين قهوه
قهوتك اي يا انسه
_تخدثت هدى وهي تقوم بشبك يدها ببعضهم عايزه عصير فراوله
قهوه محوجه ليا وعصير فرواله للانسه اتفضلي
تحرك نحو مكتبه وهدى تمشي خلفه متوتره من رده فعله
"ها يا انسه هدى اي الموضوع اللي خلاكي تلمي عليا المكان
اخذت نفس عميق ثم قالت"أتمني أن حضرتك متقطعنيش حتي لو قلت حاجات متتصدقش ممكن
رد سليم بتردد"تمام اتفضلي قولي
_الموضوع بدأ لما روحت اسوان بسبب رحله في كليه اختي كنت بحس بحاجات غريبه لحد ما روحت معبد الكرنك وكان في زي لعبه للتسليه انك بتدور على ورقه وبيكون فيها كلمه او مثل فابنخدها على أساس رساله موجهه لينا انا لقيت ورقه غريبه غير كل الطلاب ورقه بني وقديمه ساعتها كان مكتوب كلمه غريبه وجه راجل عجوز قالي أن دي برديه فرعونيه اصليه وان دي مش صدفه وان دي حاجه مقصوده
عديت اليوم ده لكن تاني يوم برضو لقيت برديه
كنت كل ما اروح مكان الاقي برديه وكلمه
لحد ما لقيت برديه وفيها مفتاح شبه مفتاح الحياه بس على اصغر شويه قد الكف مثلا
بعدها في مكان تاني كان في خمس برديات بس فاضيين
واخر برديه عرفت أفسر الكلام أن المفروض اللي بيكتب الكلام ده هيكون في معبد الكرنك
كان حوار كبير عشان كنت سافرت الاقصر
أطريت اني اكدب على بابا وماما عشان نرجع اسوان
ولما روحت معبد الكرنك هناك قابلت واحد بس لابس فرعوني وبيتكلم لغه عربيه فصحي كده ومعاه اتنين حراس لي
هو قالي أن لازم الاقي خمس اشخاص عشان يساعدوني في اللي هنعمله وانا عرفت مكانك بسبب المفتاح مشيت المفتاح على البرديه وشفت معلوماتك
بس كده
انتهت هدى سرد مع حدث معاها وأخذت تظبط أنفاسها بعدما انقطعت بسبب مواصله الحديث
_استاذ سليم حضرتك ساكت ليه
تحدث سليم بسخريه"المفروض الفيلم الهندي ده أصدقه انتي خدتي وقت كتير على التافهه دي
يلا يا انسه مش عايزين عاطله
هدى كانت تعلم أنه لن يصدقها هي تعذره لانه حديث لا يصدق
_والله يااستاذ سليم ده اللي حصل معايا يعني أنا هعرف حضرتك ازاي وانا والله اول مره اشوفك اصلا
فقد سليم هدوءا"بقولك اي يا ست الله يرضي عليكي اتكلي على الله مش ناقصه وجع قلب انتي مبلبعه اي على أصبح اي الدماغ دي
_احترم نفسك اي مبلبعه دي انا غلطانه اني لسه واقفه وبشرح ليك اصلا وانت عقليتك متخلفه
كاد أن يرد عليها ولكن باب المكتب قد فتح بطريقه عنيفه ودخل راجل و خلفه شاب الاستقبال"يااستاذ عيب كده مينفعش تخش كده انت يا عم
تحدث سليم للرجل بعصبيه"انت داخل زريبه يا جدع انت هو يوم باين من أوله
نظرت هدى نحو الرجل و ابتسمت بنصر عندما رأت أنه جابي حارس أوسر اذا هما فعلا سيسعدوها.
"اتيت لك في سلام وبي سلام السلام لالهي آمون
كاد أن يرد عليه ولكنه استوعب ما سمعه"وعليكم الس اي ده اي ده انت بتقول اي انت بتتكلم كده ليه انتو مين
تحدثت هدى بثقه"ده جابي حارس الوزير أوسر الساحر حفيد الوزير ايمحوتب اشهر ساحر في عصر الأسرة التالته
كان شاب الاستقبال ينظر في حيره لهم ومن كلامهم
"اطلع برا يا آدم انا مش هنا انهارده خرج شاب الاستقبال التفت لهم سليم وقال"براحه بقا فهموني ده بجد بقا طب وانا مالي داخلي اي يعني
تحدث جابي"لا اعلم ولكن الملك من اعطي الوزير أوسر البرديات التي تحمل اسمك انت وباقي الأشخاص يجب أن تكتملو ليقول لكم الوزير مهمتكم
انت الان ستساعد الحارسه في البحث عن الباقيين
انتبهت هدى عندما قال الحارسه هل يقصدها هي بالحارسه
_لامواخذه ياعم جابي هي مين الحارسه دي
"انتي الحارسه والمختاره
نظرت له هدى بتعبير غير مقروءه"اسمي هدى بلا حارسه بلا مختاره
حرك جابي رأسه بمعني أنه فهم "إذا أنت يجب عليك مساعده هوده
"يختي الطم ولا اجيب لطاما بالكهرباء ياعم اسمي هدى اقولك متقولش اسمي شأور عليا وخلاص
سليم نظر لها ببرود "هو ده يختي اللي فارق معاكي مش الفيلم العبيط ده
ابتسمت هدى وقالت"لا ماانا كسبت مناعه وبقا عندي تناحه عقبالك ربنا يكرم كل مشتاق
"يجب عليا الرحيل الان لا تنسي عندما تجتمع زهره اللوتس تأتي الي الوزير في الحال أترككم في صحبه امون.نظر سليم نحو الباب الذي خرج منه جابي ونظر إلي هدى وقال" تعايشتي ازاي مع ده أنا دماغي بترقع بالصوت جوه
نطقت هدى بضحك"والله زي ما بقولك الاول كنت خايفه وكده بس لا تمام اوي
"اه صح اوساسر بتعكم ده بتحضري ازاي
_تقصد أوسر يعني هو مش جن عشان أحضره الفكره هو قالي يكون معايا البرديه الاخيره واروح اي مكان يكون في اي حاجه تخص الفراعنه يعني ممكن اروح الاهرامات ولا كده
"طيب هنبدا نشوف باقي الناس دي امتي
بص يااستاذ سليم أن شاء الله لما اروح هشوف مكان الشخص التاني فين لو قريب مننا هبلغ حضرتك ونروحله وربنا يعينا
تحدث سليم بهدوء" طيب ممكن رقم حضرتك عشان اعرف اتواصل معاكي
"اه طبعا هات تليفون حضرتك اسجله
قامت هدى بتسجيل رقمها بهاتف سليم واستأذنت وعادات إدراجها الي المنزل بعد نجاح اول خطوه
استقبلتها چنى عند دخولها مباشره"عملتي اي
"اي يا چنى انا ناقصه يا بنتي خاضه
تقربت منها چنى تحتضنها"معلشي مكنش قصدي اخضك بس عايزه اعرف عملتي اي
_چنى يا حبيبتي ممكن توطي صوتك عشان ماما 
"اي ده هو انا مقولتلكيش ماما راحت عند خالتو سهي عشان تعبانه شويه
_اي ده تعبانه مالها طب مروحتيش معاها ليه يا بنتي
"هدى يا حبيبتي خالتك سهي لو صابعها اتعور بترب زهره زرقه على دماغنا واحنا فينا اللي مكفينا والله
ابتسمت هدى على طريقه شقيقتها فهي عندها حق
_تعالي اغير هدومي واحكيلك
تقدمت هدى من غرفتها و خلفها شقيقتها
أكملت كلامها "قابلت الراجل اللي اسمه سليم واقتنع بس بعد اي بقا
تحدثت چنى بخبث"اهم حاجه شكلو حلو ولا اي
نظرت هدى لها بنظرات مستحقره"هو انا راحه اتقدمله يا چنى عمتأ عارفه البيچ رامي
هزت چنى رأسها بمعني نعم
"هو بقا بيچ سليم بس على اصغر سيكا كده طول وعرض وعضلات اللهم بارك الله يخربيتك يا چنى اي اللي انا بقولو ده
ضحكت چنى على رده فعل شقيقتها"تعالي نشوف بقا مين اللي بعده يا شابه
تقمصت هدى وقالت"يلا يا سكينه يااختي ده احنا هنريحوهم اي العبط ده بجد عبثيات
اخرجت هدى البرديات لتراه من التالي و سحبت مفكرتها وبدأت تكتب اسم الشخص الثاني(عبد الرحمن سعيد ابو طالب30عام) دكتور في الازهر الشريف 
_هيعملو بيهم اي شيخ وكابتن چيم ده احنا في المهلبيه

يتابع
~~~~~~~~~~~~~~~~~~~~~~~~~~~~~~~~

#حراس_التاريخ
#الكاتبه_المجهوله