رحله البحث طويله وانت لا تعلم على ماذا تبحث
ولكنك الأمل للبعض
اكمل بحثك سريعاً سينتهي كل شئ ستنهار الحصون وتتقصف الغصون ويموت العصفور وتنفتح القبور؛
لما كانت الدنيا سا كتة
والعالم ما لوش وجود
كنتي فا ردة دراعك يا شا طرة
وبترسمي سكة خلود
من سا عتها وانتي صلبة
ان انكسر عود
يتولد الف عود
اصلك يوم ما اتخلقتي
اتخلقتي للخلود🇪🇬✨
الشاعر محمد سعفان
~~~~~~~~~~~~~~~~~~~~~~~~~~~~~~~~
يوم جديد وشخص جديد للبحث عنه وأقنعه بموضوع يبدو خيالي لابعد الحدود.
استيقظت هدى واتجهت إلى غرفه شقيقتها
_چنى قومي بقا كل ده نوم ياختي
"سيبيني انام والنبي انا في اجازه
تحدثت هدى بتمثيل خلاص براحتك بقا وقامت بسحبها من قدمها ورميها في الأرض
تألمت چنى"اي يا هدى ده يخربيت الرقه منك لله
عايزه اي بتفركي ليه
ابتسمت هدى ببراءة "عايزاكي تساعديني مش انتي اختي تعالي معايا الكليه عشان اعرف موضوع المشروع اي ونشوف حوار الشخص التاني بالله عليكي
تنهدت چنى وقالت "حاضر يا هدى هغير واجي معاكي لما نشوف اخرتها
_يلا هسبقك برا خلصي بسرعه
خرجت هدى واتجهت إلى المطبخ وقامت بتحضير الفطار لهم
"اي ده صاحيه بدري وبتعملي الفطار هدى انتي سخنه ولا تعبانه طيب
_لي يا ماما الشك ده هاكل الاكل ده لوحدي عشان تعرفوا تتريقو عليا كويس بس ممكن اخلي بابا يأكل معايا بس
تحدث راضوان وهو متجه للمطبخ"عيون وقلب بابا من جوه
چنى تقدمت من والدها وقالت بعيون قططيه
"طب و انا فين من كل ده
ابتسم الاب وقال"انتي اخر العنقود بتاعنا وروحي
راضيه كده
"اه كده رضيت يا بابا انا هنزل مع هدى كليتها
سارعت علياء بقولها"متتأخروش عشان تروحو تتطمنو على خالتكم سهي
"يا ماما انا معرفش هخلص امتي ومش هخلي چنى ترجع لوحدها يعني
"خلاص يا علياء خليها يوم تاني تقضو من الاول
حركت الام رأسها موافقه كلام زوجها
ودعت الفتاتين وتوجهوا لخارج المنزل
تحدثت چنى ضامه شقيقتها"اقسم بالله اختي الله يسترك مش عايزه اروح عند خالتك انهارده مش عايزه اروح على طول اصلا
"طب يلا يا ستي طلبتي الاوبر
ردت چنى بتسأل"هو احنا مش رايحين كليتك ليه خليتيني اعمل اللوكيشن على الأزهر
نظرت لها هدى بثقه"اول حاجه موضوع التخرج انا عرفت هعمل اي خلاص والمشروع بدايته من اول الشهر الجاي ليه رايحين الأزهر عشان تاني شخص دكتور هناك
"اي ده يا هدى هما عايزين شيخ ليه
كانت هدى في طريقها للرد على شقيقتها ولكن رنين الهاتف أوقفها
"الو مين ،ايوه يااستاذ سليم ،ايوه عرفت حضرتك اتحرك عند الأزهر انا في الطريق اهو سلام.
اقتربت منهم السياره (الاوبر) واتجهوا الي الأزهر لمقابله ثاني شخص
عند وصولهم كان سليم يتكئ بجسده على سيارته منتظرها
تحدثت هدى بصوت منخفض لشقيقتها"بقولك ياچنى اللي هناك ده استاذ سليم ابوس ركبك بلاش فضايح
"عيب عليكي هشرفك بجد لا تقلقي
_رببا يستر. استاذ سليم معلش لو اتأخرت عليك
تحدث سليم بابتسامه"لا خالص انا لسه واصل ازيك عامله اي
ردت له الابتسامه وقالت"بخير الحمد لله استاذ سليم دي چنى اختي
"اهلا بحضرتك يا انسه چنى هو هنخش ولا هنقابله ازاي
_حضرتك ممكن تخش تسأل عليه وتجيبه نقعد في اي مكان نشرحله
وافقها سليم فيما قالته " هو اسمه اي طيب واه والنبي بلاش استاذ سليم كل شويه انا بكرهه الكلمه دي
_اسمه عبد الرحمن سعيد ابو طالب
تركهم سليم وقام بالدخول واختفي بعض الوقت وخرج ومعاه شاب يبدو صغير يبدو طالب
تحدث سليم عندما اقترب منهم "الانسه هدى هتشرح لحضرتك عايزينك في اي بس محتاجين نقعد في مكان هادي
ابتسم عبد الرحمن ببشاشه وقال"اه طبعا تحت امركم
تحركو متوجهين الي مكان (كافيه)للجلوس في قريب منهم و هادي
تقربت هدى لاذن شقيقتها وقالت"اي الهدوء والرقي ده.
ردت چنى عليها بهمس"it's my type بجد بقا
وصلو الي المكان (الكافيه)
جلسو باماكنهم تحدث سليم مناديه للنادل"ها تشربو اي
طلب عبد الرحمن بصوت هادئ"ينسون أن أمكن
وطلبت چنى لنفسها"وانا عايزه كابتشينو
تحدث سليم والتفت للنادل.استغربت چنى لانه لم يسأل شقيقتها وكانت ستتحدث لكنها سمعته يقول
"بص اكتب يا يسيدي ينسون وكابتشينو وقهوة محوجه فاتحه وعصير فرواله
ابتسمت چنى ونظرت إلى شقيقتها بخبث"اي ده الولا طلبلك من غير ما تتكلمي
لم تكن مركزه معاها في حديثها نظرت لها بعدم فهم
وعندما استوعبت ضحكت وقال"بيعاملني بطيبه وإحساس
ولهنا انفجرت الفتاتين بالضحك
نظر لهم سليم بمعني ليس وقته يوجد مهمه
هدأت هدى وصوبت تركيزها نحو( عبد الرحمن)
بص يااستاذ عبد الرحمن الموضوع وما في أن .
قامت بقص كل ما حدث معاها بالتفاصيل وأنها مجبوره مثلها مثلهم
تنهد عبد الرحمن بهدوء وقال"انا مش مكدب حضرتك والله بس انا لازمتي اي ولا حضرتك ولا استاذ سليم مثلا
تحدث سليم بنفاذ صبر"ياعم ماانا سألتها برضو بس في واحد فرعوني جه واقنعني بصراحه وقولت انا مش خسران حاجه وأنضم معاهم في الحاجه اللي لسه منعرفهاش.
تنهد عبد الرحمن ثم قال"خلاص تمام أنا موافق على كلام حضرتك أننا المفروض هنقابل الوزير أوسر ده عشان نبدا المهمه المجهوله دي صح
_ايوه يا استاذ عبد الرحمن هو ده اللي اعرفه والله
"خلاص يبق على بركه الله وربنا يقدم اللي في الخير لينا
ابتسمت هدى براحه ها هي تقترب من جمع أضلاع الزهره "بصو بما أن كلنا تمام ف انا جبت معايا البرديات والمفتاح ونشوف اهو ننجز حاجه حاجه
تحدث سليم متحمساً"بجد طيب وريني بتعملي اي عشان تشوفي الكلام
اخرجت هدى البرديات من حقيبتها وقربت المفتاح ونظر من خلاله عبد الرحمن"اي ده انا شايف الكلام يا انسه هدى
اقترب سليم من المفتاح وقال"وانا عايز اشوف
ثم اقترب وراه باقي المعلومات "اي ده وانا كمان شايف
استغربت هدى وطلبت من چنى أن تنظر من خلال المفتاح مثلهم
"مفيش حاجه مكتوبه انتو بتشتغلوني ولا اي
تحدثت هدى بعدما فهمت "اها شكل كده احنا بس اللي نقدر نشوف من خلال المفتاح ودي حاجه تحفه
أنت تقرأ
"حراس التاريخ"
Исторические романыنسمع كثيرا عن العالم الموازي لكن أن ندخل به ونعيش اجوه ونعرف أسراره حدث غريب. يحكي أن أشخاص لم يعرفوا بعض يجتمعون في مكان واحد لهدف واحد ولكنهم لا يعرفون لماذا هما بالتحديد. سيخوضو رحله نحو الماضي لينقذو المستقبل، نوفيلا جديده أن شاء الله تعجبكم ال...
