كلما اقول أنني اقتربت اكتشف اني لازلت أقف في نفس النقطه.
احداثي تتقرر وتهزمني واحاول مجارتها وتعايشها ولكني تاهه ولا اعلم انا الذي لا اتقدم أو أنني اتحرك بداخل دائره مغلقه وأصل دائما الي نفس النقطه
نقطه البدايه؛
مصر هو اسمك
نيلك جوه جسمك
هو دمك في العروق
علي الارض شفت رسمك
قبل الدنيا ما تعرف شروق
النار في ارضك
صنعت حضارة
واول بذرة
غرسة ولدك
خلقت وجود
اصلك يوم ما اتخلقتي
اتخلقتي للخلود🇪🇬✨
الشاعر محمد سعفان
~~~~~~~~~~~~~~~~~~~~~~~~~~~~~~~~
"مفتاحك يروي لكي الأسماء ترين به من لم يراه أحد من قبل. العين تراه اشياء مختفيا للبعض
ولكن كل ما هو مختفي سيظهر لكي امتلكي القوه واحصلي على العين"
أنتهي الدكتور محمد من قرأ البرديه ونظر إلي هدى وقال "طب دلوقتي انتي فاهمه هو يعني اي الكلام ده وبتحلي ازاي الألغاز
تحدثت هدى بارهاق"والله يا عمو محمد كانت بتيجي كده وكنت بفضل اركز واوصل الكلام ببعضه
بس حاليا مش فاهمه حاجه
عبد الرحمن عندما رآها على حافه العياط ابتسم وقال"والله يا انسه هدى كل حاجه بأمر الله هتنحل متقلقيش خالص وكلنا سوا واللي عديتي لوحدك هيكون اسهل واحنا مع بعض
ايئده سليم في حديثه "ايوه بجد واحنا تيم جامد اهو ماشاء الله معا اني مش فاهم حاجه بس انتو الخير والبركه برضو
تحدثت چنى بنعاس"طب والله ناس زي الفل وبيقولو كلام زي الفل يلا نروح بقا
_طيب يا جماعه الوقت كده هيتأخر بينا ف احنا هنمشي وان شاء الله نشوف بكرا هنعمل اي
الجميع وافق حديثها وتحركو للخارج خرج معهم منذر "بقولك يا هدى صح اسمك كده انتو معاكو عربيه
التفت له هدى"ايوه يااستاذ منذر اسمي هدى لا هنطلب اوبر ولا حاجه
"اوبر اي بس رزق هات عربيه توصل اخواتي البنات وتروح توصلهم بنفسك مش اي حد
ظلت هدى تنفي وتشكره ولكنه صمم على موقفه
_والله كده كتير يا استاذ منذر مش عايزين نتعب حضرتك
"مفيش تعب خالص بلاش استاذ منذر بقا شيلي التكاليف شكلنا كلنا مطولين مع بعض هاتي رقمك بقا عشان لو وصلتي لحاجه ياريت تعرفيني
"اه طبعا اتفضل سجله أعطته هدى الرقم
ثم اقترحت چنى"ما تعملو جروب واتس اب واللي يوصل لاي حاجه يبعتها في الجروب ولما هدى تعرف مين الشخص الاخير تقولكم معلوماته في الجروب
تحدث محمد "معنديش مشكله خالص
شاركه سليم الرد"أنا ك سليم ادعم موضوع الجروب ده
تحدث منذر من العدم "بس في مشكله رخمه بتوجهني دلوقتي
علامات الاستفهام ملأت وجه الجميع
ثم اكمل"هنسمي الجروب اي لازم يكون اسم كريتيف
نظرت له هدى بتعبير لا يقرأ "انت بتهزر صح ولا اي
ابتسم عبد الرحمن وقال"انا افتكرتك هتقول مشغول عندك شغل ولا حاجه كبيره بس مشكلتك كبيره فعلا تستاهل احنا نقول اقترحتنا كلنا واللي هياخد اصوات كتير هنعتمده
التفت هدى بحده نحو عبد الرحمن "هو انا دماغي ساحت وبسمع غلط ولا انتو ع الله ده انا قلت انت هتطلع العاقل اللي فينا من بعد دكتور محمد
تحدث منذر مسرعه"احنا نسمي العمليه في النمليه
لم يعجب الاسم سليم فقال"اسكت يا منذر اسكت بجد،واكمل حديثه قائلا"لا يا عم احنا نسمي الفيل في المنديل
ردت هدى قائله"هرقع بالصوت والله اسكت خالص
أراد عبد الرحمن المشاركه فقال"لا يا جماعه اي الاسامي دي
نظرت هدى نحو عبد الرحمن وقالت"شايفين العقل قول يا صاحب الحكمه
اكمل عبد الرحمن ضاحكه"نسمي القطه العميه بما اننا منعرفش بنعمل اي ولا في اي
حركت هدى رأسها في يأس وقالت"اسحب كلامي خالص محدش عاقل في القاعده دي غير دكتور محمد
تحدثت چنى تشاركهم"الموضوع برا عني بس ممكن تسمو ليله سقوط الفرعون
تحدثت هدى إلي شقيقتها "چنى انتي لو مسكتيش هرزعك بقالب طوب احمر في وشك.معندكش اسم يا دكتور محمد تشارك
ابتسم محمد وقال "مش عارف والله ماليش في أجواء جروب الواتس والحاجات دي انتي اختاري الاسم
اخذت هدى وقت قصير ثم قالت "اي رائيكم في اسم
اثار جانبيه
تحدث منذر بغرور ممزحه إياها"على فكره الاسم اللي اخترته احلي
ضحك الجميع على مزحته اقتربت السياره وصعدت الفتاتين وتحركو نحو منزلهم في السياره.
"بقولك يا هدى انتي نسيتي اننا كنه رايحين الكليه ولا اصلا مكناش هنروح
_الخيار التاني مكناش هنروح انا عارفه مشروعي وعارفه مين معايا في التيم وخدي الاحمد بقا أن موضوع المشروع بيتكلم عن اثار مصر ومصر القديمه قد اي غنيه وحاجات فراعنه وكده ولعنه وبتاع
ردت چنى ببلاهه"دي جيالك على حجرك المشروع ده
بعد مده وصلو الي منزلهم .
"خشو غيرو لحد مااحضرلكم الغداء
_انا مش هاكل يا ماما شوفي چنى
"ليه مش هتاكلي انتي تعبانه فيكي حاجه
_لا يا ست الكل محتاجه انام بجد بعد اذنكم
تحركت نحو غرفتها وراتمت بجسدها على السرير تفكر في لغز البرديه ماذا تعني امتلكي القوه
هل ستكون بطله خارقه أو ماذا ظلت تفكر وذهبت إلى عالم الاحلام.........
استيقظت هدى وظلت تتحرك في مكانها أمسكت بهاتفها ترا كام الساعه الان رأت أنها نامت لمده لا بأس بها أنه بعد منتصف الليل إذا الجميع نائم
تحركت نحو المطبخ صنعت لنفسها سندوتشات وكوب شاي وعادت الي غرفتها تريد أن تعرف من الشخص وماذا تعني البرديه الاخيره
اخرجت البرديه الذي بها المعلومات وأخرجت المفتاح
قامت بتحريكه فوق البرديه اخرجت مفكرتها وبدأت تكتب الاسم الاخير(مادلين رامز٤٣عام)معيده في كليه اثار
_لا مبلوعه دي في كليه اثار هتنفعهم وأخيره في بنت في التيم بتاعنا
أمسكت هاتفها ودخلت الي جروب الواتس الجديد وارسلت رساله
"اسفه اني ببعت دلوقتي بس أنا عرفت الشخص الاخير هي معيده في كليه اثار بس البرديه كل شويه تخفف اسمها ومش فاهمه ليه"
*استاذ منذر يكتب الان*
"لا عادي ولا يهمك بس بما انك اقدم مننا في الحوار ده هو حصل معاكي قبل كده"
*بيج سليم يسجل مقطع صوتي*
"يعني اي بقا بيخفف يمكن البرديه مش راضيه عن الشخص ده"
ارسلت هدى"مش عارفه والله بس أن شاء احنا ممكن نروحلها بكرا ونشوف في اي"
ارسلت هدى وأغلقت الهاتف ورجعت الي نومها مره اخرى......
في الصباح استيقظت على صوت رنين الهاتف
"المتصل دكتور عبد الرحمن"
"السلام عليكم
_ وعليكم السلام ايوه يا استاذ عبدالرحمن
"حضرتك شفت الرساله بتعتاك دلوقتي ومش فاهم يعني اي بقا
ردت هدى وهي نصف مستيقظه"بص انا معرفش هي كانت مغشلقه خالص احنا نروح لها ولو مردتش معرفش بقا
"تمام ماشي لما حضرتك تقومي يبقا نتكلم كلنا نتفق
فقط الصمت كل ما يقابله "انسه هدى انتي صاحيه
_ايوه أن شاء الله صاحيه ايوه
اغلق معاها المكالمه وكاد أن يترك الهاتف رآه سليم يتصل به
"صباح الخير يا عبد الرحمن انا كلمتك نفكر سوا في كلام البرديه بس حاسس اني غبي شويه
_صباح النور يا سليم هو مش غباء على قد مااحنا لسه مش مستوعبين الموضوع كله ولسه قافل مع انسه هدى كانت نايمه ومفهمتش منها حاجه قلت بقا لما تصحي نبقا نفكر كلنا
"معلش اني بزعجك من أصبح كده
_لا متقولش كده ربنا يعلم يا سليم انا معرفكوش بس حبيتكم بجد والله
"ربنا اللي يعلم والله وانا كمان بقولك اي لو فضيت انهارده ما تيجيلي المركز تقعد معايا شويه هبعتلك العنوان
_موافق جدا هخلص كام حاجه كده واجيلك أن شاء الله
أنتهي سليم من مكالمته مع عبد الرحمن وفكر أن يطلب من منذر المجئ لعنده ليجتمع معاهم ويفكرو
قام بالاتصال به"الو ازيك يا منذر
_تمام الحمد لله انت أخبارك اي
"بخير يا حبيبي والله بقولك اي انا كلمت عبد الرحمن وهو جاي عندي ما تيجي ونقعد نفكر سوا
_معنديش مشاكل ساعه كده واكون عندك
"ماشي هستناك سلام
انهي سليم المكالمه مع منذر وأرسل لهم في الجروب
"مساء الخير يا جماعه هنتجمع على امتي نروح للدكتوره مادلين"ثم ترك هاتفه.
أنت تقرأ
"حراس التاريخ"
Ficțiune istoricăنسمع كثيرا عن العالم الموازي لكن أن ندخل به ونعيش اجوه ونعرف أسراره حدث غريب. يحكي أن أشخاص لم يعرفوا بعض يجتمعون في مكان واحد لهدف واحد ولكنهم لا يعرفون لماذا هما بالتحديد. سيخوضو رحله نحو الماضي لينقذو المستقبل، نوفيلا جديده أن شاء الله تعجبكم ال...
