تراك السيف الاملح وراس المال‏ودرعيّ من ظروف الحياه وبلاويها

قرائه ممتعه 💓

في صباح اول ايام فصل الشتاء و تحديداً << بالرياض >>
في بيت سلطان ال سعد صحت وهي منزعجه من ضوء الشمس الي بوجها و ازعاج سطام و عزيز حولها فرح بتهديد : سطيم و عزيز ان ما طلعتوا برا وربي لا انتفكم مانمتت الا نص ساعده اعتقونيييي عزيز : قومي يلا جوعاان سطام شوفها ضحكت سطام من طاحت عينه على رشاش المويه اللعبه و غمز ل عزيز و ركض يعبيه مويه وجاء لعند راس فرح و بدا يصارخ وهو يضحك : يلا عاد الست فرح امس ماهي راضيه تحط الاكل الا وانتي موجوده طابخه ذيك القرصان الي يحبها قلبس ، تو فرح بتقوم الا سطام يرشها بالمويه ، فرح : سطااااااااااام ياكلب اذلف دخلنا الشتاء والويه بااارده بمرض يحيواااان ، سطام وهو ميت ضحك على شكلها : اجل اخر عمري انتظر الست فرح على الفطور ، عزيز وهو يضحك : فرح شعرس صار مثل شجره بيت جدي سعد ، انفجروا عزيز و سطام ضحك و ابتسمت فرح على جنب و شافت المخده جنبها خذتها و حذفتها عليهم : انقلعوا وجع يوجعكم شوي و بنزل ، سطام : بعد للثلاثه اذا ماجيتي بسحبس مع قرونس ذي يافرييح ، شمقت له فرح : اذلف اذلف بعدين اسمي فرح ، سطام وهو يستفزها : فريييح يافريييح فريح وينس ، حذفت عليه فرح المخده و صرخت وهي تغيض احد يناديها فريح ، طلع سطام وهو يضحك ويقول بداخله : ياحبي لس يافرحه عمري والله
<< بالجهة الثانيه وتحديداً الدمام >> بيت الجد سعد
بالحوش سعد و هو يتقهوى : الا يانوير ما ذهبتي العوايل وينهم ، نوير : دق علي سلطان الفجر ويقول انهم بيروحون علينا الليله سعد : على خير انشاءالله وكمل يتقهوى ماهي ثواني الا وجاتهم لولوه و حبت راس امها و ابوها : صبحكم الله بالخير ياوجيه السعد ، ابتسم سعد : صبحتس الله بالنور يابنيتي ، الجده نوير : الا اقول وينهي نوير ماهي من عواديها تجي الساعه ١٠ وهي ما صحـ ما امداها تكمل كلامه الا و نوير تحضنها من وراء : افا ي اميمتي تهقين اني من الي ينامون للظهر ، ضحكت الجده نوير وحبتها : لا يابعد روح نوير انتي فاقدتس ياعين ابوي انتي ، ابتسمت نوير ابتسامه عريضه و قعدت جنب جدتها ، الجد سعد وهو يتصنع الحزن : اييه لنا الله الكلام المعسول لها وانا و ابنيتي من اليوم قبالس ولا لنا كلام حلو ! لولوه : شفت يبه اعرس اعرس عليها واخذ لك وحده تدلعك ، لفت الجده نوير تدور عصاها : اعقبي يابنت تحرضين ابوس يعرس علي ، ضحكوا لولوه و سعد ، نوير : ماعليس منها يايمه نوير غيرانييين مني ، الجده نوير وهي تحط يدها على اكتاف نوير : اي بالله غيرانين منس لبى زولس .