قصص رعب

قصة 2

لعبة subway

أنا نادين ، متجوزة و عندي إبني الوحيد يوسف ، كان عنده 6 سنين قبل ما يموت ...
يوسف كان بيحب يمسك التلفون كتير ، أنا مكنتش بمنعه من ده بالعكس أنا كنت بدهوله كل يوم و بسيبه يلعب فيه زي ما هو عاوز . لعبته المفضلة كانت اللعبة الغنية عن التعريف سبواي subway . كان بيقعد يلعبها بالساعات بدون ملل . كنت بشوف إن دي حاجة كويسة على الأقل هيتلها عني و يسبني أعمل شغل البيت براحتي .
في يوم قررنا إننا نسافر القاهرة عشان شغل جوزي .
كنا واقفين قدام محطة القطر مستنيينه يوصل إبني بص لي و قالي "ماما هو أنا ينفع العب سبواي هنا"
قولتله "عاوز يعني التلفون تلعب سبواي ؟"
قالي "لأ العبها حقيقي"
قولتله "إزاي يعني تلعبها حقيقي!"
قالي "هقول لك دلوقتي !"
بص قدامه لقا القطر جاي من بعيد فضل باصص عليه بتركيز ، القطر كان خلاص قرب لكن فجأة لقيت يوسف نزل على القضبان الحديدية بسرعة و لقيته طلع يجري على القطر بكل سرعته ، ملحقتش الحقه لأن كان القطر دعسه بكل سرعته .. أشلاءه كانت مرمية على القضبان الحديدية ...