القلب واحد و المحبه لواحد

part14🌊

سهم : بس ذا الطلب من عيوني بعدها اوديك مكان فطور يحبه قلبك
وسن : لا م قصدي كذا بس ي خي شكلي سحبت نقاب م هو نقابي
سهم : اجيبك لك الي تبغيه عشر و عباتس في الحوض خليتها و انتِ البسي الفروه
خذت الفروه من وسطهم و حطتها على كتوفها ،،، حط يده على الفروه يغطيها من قدام و اردف : كذا احسن
ضحكت وسن : سهوممم
سهم : لبيه ي عيون سهوم
وسن : ابغى توت من اول م جيت هنا م احد راضي يجيب لي
سهم : بس هذا الي تبغينه اجيب لك مزرعه توت لو تبغين
وسن : ي قلبيييي احـــ سكتت من استوعبت الكلمه و سكتت
سهم : وش كنتي بتقولين
وسن : هاه لا لا ولا شي
سهم : قوليها تكفين
وسن : سهم متى نرجع لجامعه اشتقت لها ؟؟
سهم : قريب و بيروحون اهلك و اخطفك كل م اشتقت لي
وسن : م هو ع كيفك
سهم : الا على كيفي !
وسن : رح رح بس
بدا يحرك سهم كانت السماء ترعد ،، بدات ترعد و وسن تقرب من عند سهم من غير م تدري الين قربت من حضنه و فجاه السماء تبرق و ترعد نقزت في حضنه تدف وجهها في نحر سهم كانت تدعي بهمس و يسمع دعواتها سهم ،،، حط يده سهم ع خصرها يعدل جلستها و جلسته و حضنها و شد عليها ،،فجاه سهم حس انه ثقل جسم وسن حركها و طاحت في يدينه كانت فاقده الوعي
سهم :وسون
وسن بلا رد
حركها سهم و كانت يده ترجف بسبب خوفه عليها
خذا مويه و بدا يرش على وجه وسن ،،بدات تفتح عيونها ببطى الي كانت مفتوحه بشكل واضح
سهم :وسون تسمعيني ؟
وسن:راح البرق و الرعد
سهم :ايي انتِ كيفتس ذلحين ؟؟
وسن :الحمدالله
بعد فتره وقف سهم عند محل عبايات ،،، نزل شرا لها النقاب الي تبغاه و طلع السياره
سهم:وسون ؟
وسن :لبيه سهومي
سهم الي مسك فكها :وش قلتي
وسن الي حطت يدينها على خدوده :سهومي ولا سوسو
سهم :اخخ بحرق الارض كامله ،،،،،قرب وجهه لخدها عند غمازاتها يبوسها ابتعد عنها
وسن :سهم نرجع
سهم :من عيوني ،،،بس لازم افطرك
قعدت وسن تناظر الطريقه ،،،شغل سهم لسلطان البريكي " على الموعد "
مد يده سهم يمسك يدها
ناظرت يده الممدوده مسكت يده
بدا يغني مع سلطان البريكي
( على الموعد اللي بينا جيت لك ملهوف
اسابق عقارب ساعتك قبل موعــــــــنا
و انا داري ان قلبك على شوفتي مشغوف
لو يجور الوقت فينا و ينعبـــــــــــــــــنا )
ضحكت وسن و هي تسمع صوته
التفت عليها من سمع ضحكتها ناظر شكل عيونها العسليه الجميله
لفت وجهها تشوفه يناظرها حطت عينها العسليه بعينه السوادء ناظرت شكل رموشه الكثيفه الجذابه ناظرت شكل الثوب الاسود عليه الي عطاه هيبه غير هيبته
~

بعد فتره وصلو لمطعم
سهم :وسونتي وش تبغين ؟
وسن :الي تحبه عطني اياه
سهم :اجيب كبده ي عليها طعم يجنن
وسن :تمام
سهم :العصير وش تبغينه
وسن :ديو
سهم :تمام نزل و راح طلب له و لها و دخل السياره و حط الاكل بينهم
وسن :نرجع
سهم :تمام
وصلو للقمراء و نزلو و فتح سهم غرفته الي كانت قريبه من المشب ،،،دخلت وسن و قعدت تناظر المكان و براقع الصقور المتنثره
سهم :معليك منها كنت ابغى واحد فصلته و طاحت ذي بسبب سعد
وسن :تحب الصقور
سهم :فيه احد م يحبها !؟
وسن :اخواتي
سهم : تعالي اجلسي
قربت وسن و جلست ،،،،قعدو ياكلون و وسن تسولف عن رعد "خيلها "
وسن :عاد خاطري بصقر او شاهين
سهم:ولا يغلى عليك اجيب لك شاهين
خلصو اكل قامت وسن تغسل يدها و معاها سهم
قربت وسن بتطلع
مسكها سهم
سهم :على وين
وسن :برجع الفله !؟
سهم :لا م فيه اقعدي معي نرقد سوا !
وسن :لا لا سهم طولنا و حنا برا القمراء ،، ابغى اقعد معاهم بيروحون بعد بكرا !!
سهم :تمام اخر الليل بجيبك ،،،قرب و باس راسها و ابتعد عنها
طلعت وسن على طلوع سعد رجعت ورا و دخلت غرفه سهم
سهم:وش فيك ؟؟
وسن :مدري بس فيه عيــ
قاطعها سهم :شافوك !!؟
وسن :لا لا بس اطلع شوف هم موجودين ولا لا
سهم :على خشمي
طلع سهم و بعد العيال و طلعت وسن و راحت عند الفله حقت البنات
~
دخلت وسن و شافت جنى و البتول
وسن : السلام عليكم
جنى : ماشاء الله وين رحتي !
وسن : لا اله الا الله الناس ترد السلام
جنى : و عليكم السلام وين رحتي
وسن : تعرفين اخوك الي صار زوجي امس رحت معه !
جنى : ماشاءالله على طول كذا تروحين علمينا !
البتول : قعدنا نصرف امي ميلون مرا تعبانه وسن و راحت المستشفى !
وسن : صادقين ! وين امي ف فلتها ؟
البتول : وين بتروح
وسن : طيب طيب سلام
طلعت تروح لفلته اهلها
دخل و شافت عبدالعزيز الي لابس بدلته العسكريه
وسن : بتروح ؟
عبدالعزيز: اييي بروح مع سعود و فهد بيلحقنا
وسن : بتشتغل ب حايل ؟
عبدالعزيز : اييي ع قولتهم حايل القلب
وسن قربت و حضنته بادلها الحضن ابتعدت وسن عن حضنه و اردفت بصوت مايل للبُكاء : انتبه لنفسك
عبدالعزيز : بتبكين ؟ و رجع حضنها
سمعت وسن صوت سعود العالي و البوري
ابتعدت وسن : استودعتك الله ودعتهم كلهم
عبدالعزيز : انتِ اخر وحده و شوفي شوشو واضح انه زعلانه ،،، و ابغاك تجهزين مع غلاي خطبتنا قريبه
وسن : طيب
طلع عبدالعزيز و ركب
سعود : سنه !
عبدالعزيز : اودعهم !
سعود الي تذكر وداعه لساره
(فلاش باك )
دخل سعود و بيده بدلته بعد و ودع عياله برا و عطاهم هدايا
دخل و بيده كيسه اقترب منها و حضنها من الخلف
سعود : بتوحشني ي قلبي
لفت ساره عليه : ليه بتروح معه !؟
سعود : انا الي ساعدته ي عيوني و لازم اجي ! ادعي اني اقدر اجي اخذكم لحايل بعد يومين
ساره : يعني لازم تروح !؟
سعود : لازم ي عيوني، لو المسافه سهله كان وديته و خلصت اموري و جيتكم
ساره : خلاص ،توصل بالسلامه
سعود : الله يسلمك ، تبغين شي ؟
ساره : مشتهيه رمان ، و احتاج الصيدليه
سعود : من عيوني ، البسي عباتك و تعالي
،، لبست عباتها و نزلت و راحو لصيدليه نزلت ساره
تشتري كم غرض ، اشترت تحليل حمل احتياط ، حاسبت و طلعت ،
سعود : نروح نشتري رمان لعمري
ساره ضحكت و هي تسمع لسواليفه عن الدوام
سعود نزل ، يشتري رمان لساره ، رجع بعد م حاسب ، ركب و حطه ف حضنها
ساره : شكله يجنن
سعود ضحك عليها
بعد مده وصلو
( انتهى )
~
عبدالعزيز : ولد وين رحت !
~
تسريع احداث
رجعو ال سعد لابها
رجعو ال سعود لحايل
رجعت وسن و سهم و سعد لشقتهم الي كانت قريبه من بعض جدا
~
شقه وسن نزلت و شافت سياره شوق
ركضت لدرج تطلع فتحت الباب
وسن : اناااا جيتتت
شوق : وحشتينيييي
وسن حضنتها ، بادلتها الحضن شوق ، ابتعدت وسن عنها و اردفت بزعل : ي الخاينه رحتي ولا حضرتي ملكتي !
شوق : بكيت عند خالتي شوق ،عشان تلغي الرحله او تأجلها ،ابغى اشوفك رفضت لان م اول طياره تروح تركت ثنتين ! ، بس اعوضك ف زواجك
وسن : اذا كذا بسامحك ، م تتخيلي سهيم طلعت شقته بعد قطع الشارع
شوق : عشتي بعد سهيم !
وسن : بالغلط بس زوجي ، و رفعت الدبله توريها
شوق : بالله ،وريني صوركم ؟
وسن : تعالي ، جلست جنبها شوق و فتحت الايباد وسن ، طلعت صوره ، كانت وافقه وسن ماد يدها الي فيها الدبله ، و الثانيه حاطتها على صدر سهم و تضحك ،كان سهم محاوط خصرها بيدينه و يناظر ضحكتها و غمازاتها ،
شوق : شوفي نظراته يحبك ؟
وسن : مدري بس قد اعترفت
شوق : الواضح انه يحبك كثيررر ، انتِ تحبينه
وسن بخجل ، و خدينها حمرا : احبه
شوق صارخت و حضنت وسن ،، ابتعدت شوق عن وسن و اردفت : متى تعترفين ؟
وسن فتحت عيونها بقوه و ضربتها : ي وسخه !
شوق : وش فيش ،بس سوال !
وسن : اصص
~
وصلو حايل
كان عبدالعزيز ف بيت فهد على بال م يجون اهله ، طلع من بيتهم ف شقه لحاله ع بال م يدور له شقه خاصه رفع جواله من اتصل عليه فهد
فهد : السلام ،عزيز فيه عزيمه اليوم عند ابوي ،حياك
عبدالعزيز : ان شاء الله
~
الليل تجمعو الجيمع ف بيت فهد
نزل عبدالعزيز من السياره يدق الباب ، يفتح له فهد يرحب فيه ، دخل يسلم على الموجودين
كان كل شي يسولف مع شخص ، و عبدالعزيز يسولف مع سعود و فهد عن العسكريه ،
ابو فهد : حياكم الله على عشاكم
دخلو يتعشون الكُل
~
عند البنات الي كانو ف الحوش الخلفي قاعدين
غلا : بنات فستاني ابغى اصوره ! امشو معي !
الجميع : م لنا خلق و دخلو م عاد غلا
قعدت تطل غلا عشان محد يشوفها ، مشت بهدوء بس لكعبها صوت وفقت قدام مرايا قريبه من حمامات الرجال
~
طلع عبدالعزيز يغسل يده ، لاكن سمع صوت انوثي ، تعوذ من الشيطان يكمل يغسل يده ، طلع و هو ينفض يده يلف راسه ، شاف انثى بكامل زينتها بفستان اسود و بشعر ويفي ناظر وجهها الي لفت عليه عرفها من ملامحها انها " غلا " ناظر فيها يتاملها
غلا : صدد !!!
صد عبدالعزيز ، يسمع صوت عيال ، قرب من غلا يحضنها يمشيها لورى بسبب غيرته ، انصدمت غلا حطت يدها على صدره احاول تبعده عنّها ، شد عليها من حس انها تبّعده ،وصلو للحوش الخلفي ، ابتعدت غلا عن حضن عبدالعزيز
عبدالعزيز بعصبيّه : ليه تروحين هناك!
غلا بعصبيه زيّه : انت منهو عشان تأمرني !!!
ابتسم عبدالعزيز : زوجك !
غلا قربت من عنده : هاه م سمعت ! زوجي ! يبوي طيررر
لفت تبغى تدخل جوه سمعت صوت عبدالعزيز : قربيا الملكه ي غلاي ،،، رجع لعند الرجال
~
ف " الرياض "
طلعت وسن بعد م دق عليها سهم
وسن و هي تراسل سهم
وسن" وينك ؟ "
سهم " جاي بس مسافه طريق "
وسن" تمام ي عيوني "
سهم " فديتها "
بعد مده وصل سهم ، ركبت وسن و اردفت : السلام عليكم
سهم : وعليكم السلام ، لف يطلع البوكيه ورد بالوان ووردي فاتح و وردي فمع مايل على الاحمر ،         يتوسطه " سلسال SWAROVSKI"
مكتوب على الكرت ( احلى من العقد لبّاسة )،
"من حبيبك سهم "
وسن :يجننن سهوممم
سهم : يزهاك ي روح سهوم
قعدت وسن تتأمل شكل البوكيه
مسك يدها سهم يحطها عند قلبه ، وقف سهم على جنب
و لف وجهه لها و اردف : ما عاد بي صبر ، وسن احبتس
مسك نقابها يرفعه عن وجهها ، يقبلها بعمق ، يرتوي من ثغرها الي يشببه سهم بتوت ، يندفع زياده في تقبيله ، ماكان يتوقع يوقع في حب الجنوبيه ، ما توقع يحب انثى غير امه و اخواته ، يندفع زياده من حس انها تبعد ، مسك راسها من الخلف يقربها لها ، ابتعد عنها يحط خشمه على خشمها
سهم : وسونتي
وسن بخجل : لبيه
سهم : لباك ، تحبين ؟
وسن هزه راسها" اي " و الخجل و الاحراج طاغي عليها
سهم : قوليها
وسن هزه راسها بالنفي بتكرار
سهم : هدي هدي رقبتك ي عيوني
لف سهم يكمل يسوق و يده ع يد وسن الي ع رجلها
~
بعد مرور اسبوع بدات الدوام لجامعات
نزلت وسن من سيارتها لفت تدور سياره شوق لاكن قاطعها اتصال من شوق
وسن : شوقي وينك ؟
شوق : بتأخر سيارتي تعطلت و ارسلت لخالي يجيني !
وسن : ليه م علمتيني ! كان جيت ساعدتك
شوق : عوافي يلا لاتنسين تسجيل لي
وسن : من عيوني
انتهى الاتصال ، لفت وسن راسها تمشي ، شافها سهم من بعدين يوفق جنبها بمسافه بحيّث م تشوفه وسن ، لفت وسن تشوف سهم : وش فيك ؟
سهم : م شفت معك احد قلت اجي معك عادي ؟
وسن هزه راسها ب" اي " ، قربت سهم منها يسحب يدها يمسكها ، لفت وسن من دخلو المبنى تشوف نظرات البنات لها و لسهم ،
وسن بهمس : سهيم!
سهم : عيونه ؟
وسن : خلاص
دخلو المصعد لف سهم ع وسن الي كانت تشدّد علي يده
وسن الي كان بداخلها ناررر
سهم : وسونتي
وسن : هلا
سهم : فيس شي وين لبيه ؟
وسن : لبيه
سهم لف جسمها له و مسك خصرها بيده و اردف ب اصرار : وش فيس
وسن : سهم م فيه شي بس يمكن صدعت من الشمس
سهم : لا م هذا السبب !
وسن : سهيم خلاص عادي بس صداع
م حب سهم يضغطها و سكت يحاول يفكر وش فيها ، وصلو يدخلون مع بعض يدهم مع بعض ، ناظرت وسن نظرات ميار لها ، جلست وسن جنب سهم الي شد على يدها من حاولت تفك يده ، دخل الدكتور يشرح لهم ، بعد فتره طلع ،
قربت ميار من وسن بعد م طلع سهم ،تسحبها من يدها
وسن : سلاماتت !
ميار : راح اخليك تندمين انك خذيتي الي كان يبغاني
وسن ضحكت وسن باستفزاز ، : ي حبيبتي قد خذاني ، وش يبغى فيك باقي !؟
ميار الي انقهرت و راحت من دخول سهم
جلس سهم : وش كانت تبغى منك ؟
وسن : وحده مختله و مجنونه !
سهم : تمام قومي معي نفر ف الجامعه
قامت وسن تمسك يده بحيث تقهر ميار
ميار لصديقتها وعد : والله لاخذه منها الحراميه ذي
وعد : راح تندم صدقيني بطلع لها كل شي سي عنده
~
وسن شافت شوق فكت يده سهم اروح لشوق تحضنها
شوق : سجلتي لي ؟
وسن: كل شيي ، بقولك شي بس بروح لسهم بقوله شي و اجيك
شوق : تمام
رجعت وسن لسهم : سهوممم
ناظرها سهم : ناويه ع نفسك انتِ ؟
وسن :وجع بس بقعد مع شوق ، انت دبر نفسك
سهم : بس من عيوني
وسن : باييي
راحت وسن لشوق، راح سهم لسعد الي جاء متأخر
سعد : ماشاءالله تمشي معاها !
سهم : زوجتي و روحي انت وش عليك !!!
سعد : روحك بعد ! سلامات هذا الي مستحيل يحب !
سهم : انا مستغرب من نفسي كيف حبيتها بس سكتت من كان بيوصفها
سعد : قل قصيده عنها؟
سهم : تعقب !
سعد : وش فيك يعني قل شي بسيط !
سهم : اصص بس فاضي انا !
سعد : خلاص خلاص
~
" حايل القلب "
بيت سعود
دخلت ساره لغرفه ، ناظرت سعود الي كان يثبت الرتبه حقته
ساره : سعود ؟
سعود: عيونه و روحه ، امري ؟
ساره قربت من عنده، و حطت سونار الحمل قدامه ، لف سعود له بصدمه و اردف : صادقه ؟
ساره : والله
~
انتهى 🤍
~
طبعا كثرررر موضوع البارتات انا م انزل هنا الا لما انزل هناك فوق 6 بارتات و انا احسب شويتين ولا م ودي اقطعكم 🌷🌷،،، صار فيه نظام جديد مع بدايه الاسبوع القادم يوم الاحد و الثلاثاء و الجمعه انزل ف الانستا و انتم لكم يوم واحد ف الاسبوع او يومين 🌊🌊
~
الانستا ilxe_7_7