السلام عليكم ورحمة الله وبركاته
اليوم بكتب اول قصه والقصه من الخيال روايه
.
.
.
.
العائله عائلة (البطل راكان) عيونه لونهم اسود شعره اسود وناعم طويل عريض حلو يعني
وعائلة (البطله نجلاء)بوصف لكم جمالها عيونها لونهم عسلي فاتح وشعرها لين نص ظهرها جسمها حلو
لها غمازات
عائلة (البطل راكان ) ابو فيصل
اسمه عبدالله ابو متشدد جدا جدا لدرجه تكرهون تقعدون معه عنده ثلاث عيال وبنت عمره (٥٠)يحب زوجته ام فيصل مره اسمها نوره
قلبها ابيض وتحب زوجه وعياله ولا ترضى عليهم شي وتخاف عليهم ومحبوبه مرره عمرها (٤٩)فيصل الولد الكبير لعبدالله فيصل مستنسخ من ابوه ولا يحب طاري العرس عمره (٣١)والي اصغر منه سلطان محبوب تموتون من الضحك لو تجلسون معه واكثر واحد يحلي الجلسه وكل اهله يحبونه رغم انه عنيد شوي و لايرضى الغلط ويوقف الغلط ويحب الديره عمره(٢٨) والي اصغر منهم (البطل راكان)واكثر واحد طيب وسوالفه ماتطفشون منها وهو الي مايحب الديره واذا سمع اهله قالو يلاه لديره يدور عذر عشان يقعد وبلاخير بروح يعرفونه اهله انه مايحبها عمره (٢٣) اخر العنقود دلوعتهم ساره كلهم يحبونها ويدلعونها ويويل الي يقول لها شي واهي تفهم اخوانه وتحب الديره مرره عمره (١٨)
عائلة (البطله نجلاء )ابوها ابو بندر اسمه سعود محبوب وكريم وطيب عكس اخوه ابو فيصل والكل يحب يجلس معه وقصصه ماتخلص وكل العيال يحبونه والبنات عنده ثلاث بنات وثنين عيال عمره(٥٦)
زوجته عائشه وش اقول لكم عنهااا اهخخ عسل عسل عسل بمعنى الكلمه تموت بديره ولا ودها يطلعون منها تحب لما يجتمعون هي وام فيصل وتنتضر الاجازات والاعياد عشان يجون تهبل مررره عمرها(٥٤)
بندر اكبر عيال سعود عمره (٣٣)هو حلوه سوالفه ولاكن شوي غثيث يعني يملح السوالف ولاكن العيال يموتون بسوالفه واذا شافوه قام يملح يموتون ضحك ويقولن خلاص اذا السالفه خلصت اسكت لاتملح وهو مايزعل بلعكس يموت فيهم عيال عمه
الي اصغر منه منيره اخته تهبل مثل امها وجميله تبارك الرحمن نفس امها والكثير يتقدمون لها بس ماترضى تقول بقعد بساعد امي وابوي وامها تسكت لانها هي بكيفها عمرها (٢٩)
والي اصغر منها عبد الرحمن مسالم جدا مايحتك باحد وثقيل وكلمته ماحد يثنيها وكلامه موزون والكل يحترمه ولاكن شوي شوي عصبي عمره (٢٨)
والي اصغر منه ريم بنت فلاويه تحب تغامر تحب كل شيي عصبيه شوي ولاكن سوالفها حلوه عمرها (٢٤)
وعاد اخر العنقود (البطله نجلاء)تموت بديره وتحب الصباح وتحب تسهر الصباح تروح تشوف الغنم حقات ابوها وتعطيهم اكل وتحط لهم موياء وتحب تتمشى وعند الغنم عمرها (١٩)
فيه يوم الخميس كان ابوبندر عازم اهل الديره اليله عشاء وهو يحب يعزم الجماعه كان عازم الجماعه وكان عنده عشاء وكانو البنات يجهزون للعشاء اليله وابو بندر وعبد الرحمن وبندر يدورون ذبايح مايبي ياخذ من الي عنده بيشتري واكانو رايحين عاد وقته كانو حول العصر والبنات يفرشون ويرتبون الفرش بلحوش
