البارحة لكيت بنيه كاعده تستهزأ بالشيعة يلي يرفضون نشر الاغاني بشهر مُحرم .. كاتبة :-
"الي ميسمعون اغاني بمُحرم نفس البنيه الي تتحجب بس بشهر رمضان"
وكلامها كللش مابيه ربط، معقولة اكو عقل براسهه؟
(ليسَ مِنَ الأَدَبِ إظهارُ الفَرَحِ عِندَ المَحزون)..
الإمام الحسن العسكريّ عليهِ السّلام.
احنا ما نمتنع عن الاغاني بمُحرم لان حرام!
(هي حرام بكل وقت ومكان مو بس برمضان)
بَس لان محرم شهر الحزن والسواد!
احنا نمتنع عن نشر الاغاني و المُناسبات السعيدة واللحظات السعيده وغيره، إِحترامًا لهذا الشهر وقدسيته لااكثر! واحترامًا للناس وحزنها
تخيلوا انتوا هسه بفاتحة ، يجوز تشغلون اغاني بنص الفاتحة لو تضحكون بصوت عالي وتتبسمون ؟ ، لا عيّني ميجوز وقلة أدب واستهزاء بمشاعر اهل الميت ،
لهسبب ماننشر اغاني بهشهر ولا اي مناسبة سعيده النا، لان محرم مثل الفاتحة الكلنا داخلين بيهه ولازم نحترم اصحاب الميت واهله ونحترم انفسنا هم .
تريد تسمع اغاني؟ تضحك؟ تفرح؟ خلص سويهن كلهن بس لوحدك بينك وبين نفسك، ليش تبيّن هلشي لاصدقائك وتخرب علاقتك بيهم؟ شتسوالك؟ .. مو الا تنشرّ ، من تنشر اغاني اولاً مجاهرة بالمعصية وثانياً عدم احترام لمشاعر ناسك الشيّعة ، فيا عيني خليه بينك وبين نفسك ميجوز تجاهر بهلامور بشهر محرم ،
وحتى صديقك الشيّعي ميجوز ترسله اغاني وتتكلم معه عن مناسبات وغيره حفلات ، سهرات ، وغيره .. الا اذا كان هوَ ذات نفسه قابل بهشي فما تنلامون،
وهسه فهمتوا ليش نمتنع عنها بمحرم ؟!
مو لأن نستحرمها بهشهر فقط مثلّ ما عقولكم التافهة تفكر، انما فاتحة ولازم نحترمها!.
- جَيـن ..
