احببتُ كارهة الرجال

*هذه القصه للكاتبه / رانيا محمود عز الدين*

تبداء قصتنا ببنت في العشرينات قاعده على الأرض بتبكي بأنهيار وبتقول :
مارد متسبنيش ارجوك متسبنيش متسافرش وتبعد عني انا بحبك ارجوك دا هيكون عقاب كبير ليا ارجوك هعملك الأنت عايزه بس متسبنيش طب قولي بس انا اخطأت في اي عملت اي عشان تفكر تبعد عني ؟
"مارد" ضحك ضحكه عاليه كلها شر واستهزاء وقال :
حبيبتي انت صدقتي بجد اني بحبك ولا اي؟ ههههههههههه انا بس كنت بتسلى شويه معاكي واتخطبنا بهدف اني اخد فلوس منك وخطتي اتنفذت لكن للاسف مقدرتش اخذ المبلغ ال في دماغي بس يلا.. اشوف واحده غيرك تتعوض يعني مش مهم، وبِصراحه انا ولا عارف اقرب منك ولا امسك ايدك وكل ما افكر اعمل كدا تقولي حرام حرام لما نتجوز طب وعلى أي؟ انا اسيبك احسن ، يلا سلام يا قطه ورايا طياره ههههههه
"سيدرا" كانت بتسمع كلامه كل دا وهيا مصدومه ومش مصدقه هو ال مشي قدامها دا حبيبها ولا دا واحد تاني واخد وشه؟
قالت لنفسها بتوهان :
ــ انا اكيد في حلم مش كدا؟ لا انا اكيد في كابوس
قفلت وفتحت عينيها كتير ودعكتهم لكن للاسف هيا دي الحقيقه هيا مش في حلم ولا كابوس دا واقع مؤلم
سيدرا مسكت قلبها ال تكسر الف قطعه بعد ما سمعت وشافت وحست كل الحصل من اكتر حد بتحبه دا حبها الاول واكثر شخص وثقت فيه دايماً كان بيطلب منها فلوس وتديله بدون تفكير لانها كانت فاكره انها كدا بتساعده معقوله كل دا يطلع منه؟
عَجزت سيدرا عن الكلام ومكنش في حد بيتكلم غير الدموع البتتساقط من عيونها بقهره
عدت ساعات كتيره من البكاء واخيرا توقفت ومسحت دموعها بعنف وقامت من الأرض لكن هيا قامت واحده تانيه اتبدلت ملامح وجهها من وجه مرح طيب سعيد إلى وجه مكسور ضعيف غاضب يريد الانتقام فقط
~~~~~~~~~~~~~~
صحيت سيدرا من حلمها بل كابوسها البتحلم به كل يوم
من يوم الحادثه دي من سنتين على صوت المنبه المزعج جدا والعالي قفلت المنبه بعصبية وقامت من سريرها
سيدرا :
هو انا هفضل احلم بالحقير دا كتير! هنسى اليوم دا امتى بقى؟ متهتميش وقومي شوفي شغلك اصلا كلهم صنف حقير
وبالفعل قامت سيدرا من سريرها ، دخلت اخدت شاور
وبعد شويه طلعت من الحمام وقفت قدام الدولاب عشان تختار لبسها وبعد تفكير قررت تلبس بدله عَمليه رسميه باللون الاسود لونها المفضل اللون الغامض البيخفي مشاعر مستخبيه
سَرحت شعرها ولمته ذيل حصان مرفوع وجت تحط ميكب قاطعها صوت خبط على الباب
أذنت سيدرا بالدخول
دخل أخوها الكبير " أسر " الأكبر منها بسنتين
أسر :
صباح الخير يا احلى اخت
سيدرا بجفاف :
صباح النور
أسر :
انتي ليه جافه كدا خدي وادي معايا في الكلام
سيدرا :
هو ال اخد وادي معاك في الكلام هو انت قلت حاجه غير صباح الخير ما طبيعي ارد واقول صباح النور يعني خلاص متزعلش صباح النور يا قلبي يا روحي يا عقلي يا كُلي حلو كدا
أسر مقدرش يمسك ضحكته على طريقتها لما تكون متعصبه
أسر :
ههههههههههه خلاص خلاص انا الغلطان هتروحي بردو الشركه من غير ما تفطري معانا
سيدرا :
اه يا خويا هفطر في الشركه
أسر :
اه يا خويا؟ ماشي يختي
سيدرا :
اطلع يلا من اوضتي عايزه اكمل الميكب
أسر :
يلا؟؟ حد يقول لأخوه الكبير يلا شكلك عايزه تتربي
سيدرا :
أسر حبيبي ممكن تطلع برا الاوضه عشان اكمل حط ميكب عشان هتأخر على شركتي
أسر :
ايوا كدا ناس مش بيجوا غير بالعين الحمره
طلع أسر من الأوضه
سيدرا ضحكت عليه وقالت :
اخويا دا هيشلني في مره
خلصت الميكب بتاعها واخيرا رشت البرفان بتاعها المميز
وتبقى كدا جاهزه طلعت سيدرا من غرفتها ونزلت تحت لقيت اهلها لسه بيفطروا
الام :
اي يا سوسو مش هتفطري معانا بردو
سيدرا :
معلش يا ماما مره تانيه انا دلوقتي متأخره يلا سلام
طلعت سيدرا من الفيلا ولاقيت السواق بتاعها مستنيها ركبت العربيه وتحركت ناحيه شركتها وبعد شويه وصلت سيدرا قدام شركتها الأمن :
صباح الخير يا فندم
سيدرا :
صباح النور
دخلت سيدرا و كل الموظفين الكانوا بنات بس قاموا احتراما ليها لأنها المديره وصاحبه الشركه كلها ، اتحركت ناحية الاسانسير ركبتوا وطلعها للدور السابع وبعد شويه دخلت مكتبها وقعدت على كرسيها
سمعت الباب بيخبط أذنت سيدرا بالدخول وكانت السكرتيره :
صباح الخير يا فندم
سيدرا :
صباح النور يا غاده
غاده (السكرتيره) :
دي اوراق الشغل الجديد يا فندم
اخدت سيدرا الورق منها وفحصته
غاده :
بعد نجاح تصميم الڤيلا الحضرتك صممتيها للراجل وعيلته المهندسين طلبوا تصميم تاني لكن المرادي تصميم مستشفى وطالبين حضروك في الأرض الهيتبني عليها المستشفى عشان تحسبيها صح
سيدرا :
كلام جميل وهما طالبين حضوري امتى؟
غاده :
بعد حوالي ساعه ونص ساعتين كدا
سيدرا :
تمام قوليلهم وانتي طالعه يجبولي الفطار عشان مفطرتش
غاده :
تمام يا فندم
بعد شويه كانت غاده جبتلها الفطار وأثناء ما هي بتاكل سمعت صوت زعيق جاي من تحت
نادت على غاده وقالت :
غاده غاده !!
غاده دخلت عليها وقالت :
ايوا يا هانم؟
سيدرا :
ايه صوت الزعيق دا
غاده :
اصللل ......
سيدرا قامت وقالت بزعيق :
اصلل اي قولي خلصيني
غاده :
في موظفتين بيتخانقوا مع بعض تحت
سيدرا :
نعم؟ بيتخانقوا
سيدرا طلعت بسرعه من المكتب ووراها غاده ركبوا الاسانسير، وبعد شويه اتفتح باب الاسانسير على دور الخاص بالموظفين طلعت منه سيدرا هيا وغاده وبصت قدامها لاقت الموظفين كلهم متجمعين حوالين الاتنين البيتخانقوا ، غاده كانت لسه هتتكلم أنهم يوقفوا خناق لكن وقفتها سيدرا بأديها انها متعملش حاجه لأن سيدرا كانت عايزه تفهم اي سبب الخناقه فسمعت واحده من البتتخانق بتقول :
بقى انتي يا صفرا تسرقي مني حبيبي يا خطافه الرجاله
البنت التانيه ردت عليها وقالت :
لا يحبيبتي انا مش خطفتوا منك دا هو ال مش عايزك
البنت التانيه ردت وقالت :
مش عايزني طب والله لوريكي
جت تتضربها شافت سيدرا واقفه بعصبيه من وراهم بتابع الحوار
وسعت الطريق بسرعه بخوف منها ، لما البنت البتتخانق معاها شافتها عملت كدا بصت وراها لاقت سيدرا بتبصلها بشر
وقفت موطيه رأسها
سيدرا قالت بعصبيه :
بقى انتو الاتنين بتتخانقوا على راجل يا حيوانه منك ليها
وبعدها نادت على غاده وقالت :
غاده !
غاده :
ايوا يا هانم :
البنتين دول مرفوضين
البنتين في نفس واحد :
لا يا سيدرا هانم متعمليش كدا ارجوكي
سيدرا نادت على الحرس وقالت:
ارموهم برا
البنتين كانوا بيعيطوا عشان مش تطردهم
لكن سيدرا مهتمتش ليهم ومشيت بكبرياء وهيا بتقول :
اهي دي آخره البيتخانقوا عشان راجل !
طلعت سيدرا مكتبها
وبعد ساعتين غاده دخلت على سيدرا المكتب وفكرتها بمعاد الشغل الجديد سيدرا اتجهزت ونزلت من الشركه وركبت العربيه بتاعتها هيا وغاده متوجهين لموقع البناء ووراهم عربيه الحرس غاده لسيدرا :
مش حاسه بتأنيب ضمير عشان أنك رفضتي الموظفتين دول ؟
سيدرا :
لا طبعا لان هما يستاهلوا مش شويه ذكور يتخانقوا عليهم واي مضايقه ليه لتكوني زيهم
غاده بسرعه :
لا لا ابدا
سيدرا :
امم بحسب اه صح اسمها اي المهندسه الهتكلم معاها
غاده بتوتر :
هيا مش مهندسه
سيدرا :
نعم اومال شغاله ايه
غاده :
بصراحه هو .... مهندس مش مهندسه
سيدرا بعصبيه :
نعم ؟؟؟؟ اي البتقوليه دا يا بني ادمه انتي مش عارفه اني مش بشتغل مع رجاله !!
غاده :
انا....
سيدرا :
بلا انا بلا هو انا مش هروح ووجهت كلامها للسواق وقالت :
محمد رجعنا الشركه فورا
غاده للسواق :
لا يا عم محمد كمل
سيدرا :
انتي ازاي تتجرأي وتتدي أوامر من نفسك كدا !!
غاده :
يا استاذه سيدرا الشغل دا مهم جدا وبابكي قالي لو في شغل مهم اوي كدا حتى لو مع رجاله لازم نشتغل فيه ومنهتمش بقى إذا كان راجل أو ست وبعدين متقلقيش المهندس دا محترم غير باقي الرجاله
لسه سيدرا هترد قاطعها السواق بيقول :
وصلنا يا فندم
سيدرا بصت لغاده نظره رعبتها غاده بعد النظره دي نزلت بسرعه من العربيه وتوجهت لباب العربيه من الناحية التانيه عشان تفتح لسيدرا وبالفعل نزلت سيدرا من العربيه لبست النضاره الشمس بتاعتها ومشيت بخطوات بطيئة بغرور وبصت لعربيه الحرس، نزل منها الحارس الشخصي بتاعها بسرعه ووقف جنبها وكان هينزل باقي الحرس ، لكن شاورت بأديها أنهم يفضلوا في العربيه واخدت الحارس الشخصي بس ، بصت سيدرا حواليها لاقت نفسها في صحراء مستغربتش لانها بتشتغل في الصحراء كتير لما تيجي تشوف الأرض الهتعمل عليها التصميم
غاده :
تعالي ورايا يا فندم
سيدرا بصتلها بعصبيه ومتوعدلها لما يرجعوا الشركه ، مشيت وراها لحد ما وصلوا عند المهندسين
سيدرا همست لغاده وقالت :
فين المهندس الهتكلم معاه في تفاصيل المستشفى؟
شاورت غاده عليه بابتسامه
سيدرا بصت ناحيه المكان البتشاور عليه غاده
لقت شب وسيم جدا عينه عسلي فاتح وابيضاني وشعره اسود وطول بعرض
سيدرا عينيها لمعت وبصت من فوق لتحت وقالت :
أنتي متأكده أن هو دا
غاده بمكر :
اه بس ايه حتت قمرايه مش كدا؟
سيدرا حاولت تعمل نفسها مش مهتمه وقالت بعصبيه مصطنعة :
غاده هزعلك لو اتكلمتي على شب تاني ها وانتي عارفاني
غاده ابتسمت ابتسامه جانبيه وقالت بصوت واطي :
اه احم ما انا عارفاكي
وبعدها توجهت إلى الشب دا ووراها سيدرا
غاده :
ازي حضرتك يا بش مهندس مالِك
مالِك :
الحمدلله يا استاذه غاده
غاده عَرفت مالك على سيدرا وقالت :
دي سيدرا هانم المصممه
سيدرا قلعت النضاره ومدت ايديها عشان تسلم عليه
مالِك بص عليها لاقاها جميله اوي شعرها بني ناعم وبشرتها بيضاء وعنيها بني سرح فيها ومد ايده ببطئ وسلم عليها
سيدرا بحمحمه :
احم هنتكلم على الشغل فين يا بش مهندس ؟
مالِك :
اه اتفضلي معايا على مكتبي
وبالفعل توجه مالِك إلى مكتبه ووراه سيدرا وغاده والحارس
سيدرا أمرت الحارس يقف على باب المكتب وبعدها دخلت مع غاده
مالِك :
اتفضلوا اقعدوا
وبالفعل قعدوا كلهم وسيدرا مكنتش طايقه نفسها وعماله تنفخ لانها دلوقتي هتشتغل مع راجل وهيا بتكرهم كلهم ومش بتحب تشتغل معاهم كل شغلها مع الستات بس
مالِك بص لسيدرا وقال :
حضرتك مضايقه من حاجه؟
سيدرا كانت لسه هترد بعصبيه وتقول يلا نبدأ في الشغل وخلصني لكن لما بصت في عيونه للحظه توقفت عن الكلام وعن غير المتوقع ردت بهدوء :
لا ابداً الجو حر بس
مالِك شغل التكيف وقال :
تمام كدا يا سيدرا هانم؟
سيدرا :
اه ... تمام
غاده بصت برفع حاجب على الهدوء الغريب دا من سيدار مع راجل وقالت بينها وبين نفسها :
مالها دي واي الهدوء الرهيب بتاعها دا ؟
لكنها ابتسمت أن كل حاجه ماشيه تمام
مالِك :
تمام نبدأ نتكلم في الشغل
وبالفعل بدأوا كلهم يتكلموا في الشغل وفي تفاصيل بناء المستشفى
سيدرا كانت بتتكلم بثقه ومهاره لانها عندها خبره في المجال دا ، دا غير أن معروف من هيا سيدرا هاشم الجرحي هيا أشهر مصممه في القاهره
وكان مالِك مبهور بالشطاره بتاعتها وعنيه كانت فيه لمعه
وبعد شويه خِلص الاجتماع قامت سيدرا وقاموا كلهم وراها
سيدرا لمالِك بطريقه مصطنعه :
اتشرفت بحضرتك يا بش مهندس مالِك احنا كدا اتكلمنا في تفاصيل الشغل كلها والتصميم هيوصلك في اسرع وقت أن شاء الله
ولبست نضارتها تاني وسلمت عليه وبعدها طلعت من المكتب متوجهه الي العربيه من جديد
وهيا بتوقف لنفسها :
اول واخر مره اني اشتغل مع ذكر يع حاجه تقرف وانا هوريكي يا غاده اصبري عليا
ونروح عند غاده
غاده لمالِك :
دا الكرت بتاع سيدرا هانم عشان لو في اي حاجه تخص الشغل محتاج تتكلم معاها فيها
مالِك :
تمام اتشرفت بحضارتكم
غاده هزت راسها وطلعت هيا كمان من المكتب وتوجهت للعربيه
مالِك لنفسه :
ما شاء الله ذكيه جدا سيدار دي و ..... حلوه
ونرجع تاني عند سيدرا
لما ركبت غاده العربيه أمرت السواق انو يتحرك
وبالفعل اتحركت العربيه ووراها عربيه الحرس راجعين للشركه من جديد
غاده كانت خايفه من سيدرا عشان خَليتها تشتغل مع راجل من غير ما تقولها وحطتتها قدام الأمر الواقع
لكن لما بصت عليها لاقيتها هاديه وعاديه جدا وباصه قدامها وسرحانه استغربت بس قالت في سرها :
الحمدلله انها مش هتعملي حاجه
وبعد نص ساعه وصلوا الشركه الحارس فتح الباب لسيدرا نزلت منه وطلعت على مكتبها ووراها غاده
غاده :
عايزه مني اي حاجه ؟
سيدرا :
لا
غاده جت تمشي وقفها صوت سيدرا بتقول :
انا مش هنسى الانتي عملتي دا ها وهوريكي اصبري عليا
غاده :
ربنا يستر
سيدرا بدأت تشتغل على التصميم
وعدى ساعات كتيره وهيا بتصمم المستشفى
بصت في الساعه لقت أن وقت الشغل خلص فلمت حاجتها عشان تروح بيتها وطلعت من المكتب
قابلت غاده في طريقها
غاده :
هتمشي يا سيدرا هانم؟
سيدرا :
اه وقت الشغل خلص
غاده :
تمام
نزلت سيدرا بالاسانسير ركبت عربيتها وتوجهت الي الڤيلا
وبعد شويه سيدرا دخلت الڤيلا لاقت باباها ومامتها واخوها أسر متجمعين وقاعدين سوا
سيدرا :
هلو يا اهل الدار
الام :
وعليكم السلام ورحمه الله وبركاته
سيدرا راحت قعدت جنبهم وقالت :
قاعدين بتعملوا اي يا خلابيص
أسر :
مستنينك تيجي عشان نتعشى
الاب :
يلا روحي غيري واغسلي ايدك عشان تيجي تتعشي
سيدرا :
تمام
طلعت سيدرا اوضتها اخدت شاور ولبست بيجامتها ونزلت لاقت السفره جاهزه وكلهم قاعدين قعدت معاهم وبدأوا يتعشوا
الاب لسيدرا :
ها قوليلي اي اخبار الشغل؟ سمعت أن في تصميم جديد مستشفى باين
سيدرا :
اه فعلا طلبوا مني اعملهم تصميم المستشفى
الاب :
بس غريبه يعني قبلتي تشتغلي مع راجل
سيدرا :
باين أن غاده نقلتلك الاخبار بسرعه. عامة انا مكنتش اعرف انو راجل غاده هانم حتتطني أمام الأمر الواقع بس حسابها عسير معايا
الاب :
اي حسابها عسير دي ليه هيا عملت ايه كل دا عشان مش قالتلك انو راجل واصلا دا يفرق معاكي في اي؟ يبنتي بطلي بقى مش كل الرجاله زي بعض انسي مارد بقى وال عملوا صوابع ايدك مش زي بعضها يا سيدرا
سيدرا :
متجبش سيرة الحقير دا قدامي لو سمحت تمام ، و لا يا بابا كل الرجاله خاينين !
الاب :
معنى كدا اني خاين
سيدرا قامت من السفره بعصبيه :
انا شبعت
الام :
ليه بس خليتها تقوم من الاكل يا "هاشم" انا هقوم اشوفها
هاشم :
خليكي عندك سبيها لوحدها دلوقتي
ونروح عند سيدرا دخلت اوضتها قعدت على السرير بحزن وهيا بتفتكر ذكرياتها مع مارد
ونروح فلاش باك
في كافيه في إحدى الكافيهات بالتجمع سيدرا كانت قاعده مع مارد وبيتكلموا
مارد :
كلها شهر وتبقي مراتي ياقلبي ونكتب الكتاب
سيدرا :
أن شاء الله يا حبيبي انا مستنيه اليوم دا جدا بس وانا جنبك مش بحس بالوقت
مارد :
انا شكلي هتهور واخطفك واخلي الفرح بكره شهر كتير اوي عليا
سيدرا :
خطيبي مجنون يا ناس
نرجع من الفلاش باك
سيدرا :
حقير مخادع بكرهه بكرهه
وأثناء وهيا بتشتمه على خيانته وكدبه
افتكرت مالِك البش مهندس مالِك افتكرت قد اي هو شب وسيم وحلو
مزاجها اتغير ونسيت انها كانت بتعيط من شويه
سيدرا :
أما اقوم اكمل التصميم عشان اقابل القمر دا تاني
كانت هتقوم لكن جالها لحظه إدارك عن القاتله
سيدرا :
هو انا قلت القمر ؟ اكيد بيتهيألي اه بيتهيألي
وبالفعل قامت سيدرا عشان تخلص التصميم سهرت عليه لحد الفجر وبعدها نامت من التعب
وعدى اليوم بدون أحداث تذكر تانيه
~~~~~~~~~~~~~~~~
وفي صباح يوم جديد صحيت سيدرا بتعب عشان منمنتش كويس بسبب انها سهرت تصمم في المستشفى بس الحمدلله انها خَلصت التصميم
قامت اخدت دش ساقع تفوق بيه بعدها لبست وفردت شعرها وحطت عطرها الخاص ونزلت من اوضتها
كالعاده اهلها قالولها افطري معانا لكنها كل يوم بتبقى متأخره وبترفض جت تمشي افتكرت تقولهم حاجه :
انا احتمال اتأخر النهارده عشان بعد الشغل هروح عند صحبتي "بتول" بقالي يومين ولا بكلمها ولا بروحلها وهيا زمانها هتزعل مني تمام عشان تبقوا عارفين
الام :
تمام يا بنتي انتي فعلا بقالك مده مش بتروحي لها
سيدرا :
اه يلا سلام
طلعت سيدرا من باب الڤيلا لاقيت السواق مستنيها بالعربيه زي كل يوم
ركبت وبعد شويه وصلت على الشركه دخلتها وطلعت في الاسانسير
وبعد شويه في المكتب سيدرا كانت بتكلم غاده وبتقول :
رقم البش مهندس مالِك معاكي ؟
غاده :
اه معايا بس حضرتك عايزه الرقم ليه؟
سيدرا :
عشان خلصت التصميم وعايزه أكلمه يجي الشركه يشوفه
غاده :
ما شاء الله لحقتي تخلصي التصميم في يومين بس ! بس دا طبيعي انا قدامي سيدرا هانم اشهر مصممه في مصر
سيدرا :
شكرا للمجامله اديني رقمه بقى
غاده :
اهو الرقم
وبالفعل غاده ادتها الرقم
سيدرا :
تقدري تمشي انتي دلوقتي
غاده :
تمام يا فندم انا برا لو محتاجه حاجه
سيدرا هزت رأسها
وغاده طلعت من المكتب
مسكت سيدرا موبايلها وبدأت تسجل الرقم ورنت عليه
ونروح في مكان تاني عند مالِك كان قاعد مع خالتوا وبنت خالتوا بيتكلموا لكن أثناء ما بيتكلم سمع صوت موبياله بيرن مالِك :
من بعد اذنكم هروح اشوف موبايلي
خالتوا :
روح ياحبيبي خد راحتك عادي
أبتسم مالك ومسك موبايله لاقى رقم غريب بيرن دخل البلاكونه عشان يرد :
الو؟
سيدرا :
بش مهندس مالِك معايا؟
مالِك :
ايوا يا فندم انا مالِك مين حضرتك الصوت مش غريب عليا
سيدرا :
انا سيدرا المصممه سيدرا هاشم الجرحي مش فاكرني ولا اي
مالِك اتوتر وقال :
لا طبعا فاكرك خير فيه مشكله في التصميم أو اي سؤال؟
سيدرا :
لا خالص كنت عايزه حضرتك تنور الشركه وتيجي مكتبي عشان تشوف التصميم وتقولي إذا كان محتاج تعديلات
مالِك :
اشوف التصميم؟؟ هو حضرتك خلصتيه
سيدرا :
ايوا يا بش مهندس خلصتوا و مستنيه حضرتك في مكتبي كمان نص ساعه يلا سلام
مالِك :
سلام...
مالك قفل معاها وكلم نفسه وقال :
اي دا هيا لحقت تخلصه دا احنا كنا بنتكلم من يومين بس
اما اروح وأشوف اي الحكاية
دخلت بنت خالته "بتول" عليه وقالت بمشاكسه :
كنت بتكلم مين يا اروبه؟
مالِك :
مكالمه شغل يا لمضه وهتر انزل دلوقتي تبع الشغل تبقي قولي لخالتوا
بتول :
تمام يا ملوك بس هتيجي تاني؟
مالِك :
احتمال بس هبقى ارن عليكي واقولك لو هاجي تاني
بتول :
تمام تروح وتيجي بالسلامه
وبالفعل مالك نزل واتجه الى الشركه
نسيبه في الطريق ونروح عند سيدرا في المكتب كانت بتبص على شويه اوراق وقاطعها صوت رنه الموبايل وكانت موظفه الاستقبال بتخبرها أن البش مهندس مالِك وصل
سيدرا :
اطلعي معاه ووصليه لحد مكتبي فوراً
موظفه الاستقبال :
تمام يا هانم
موظفه الاستقبال قفلت مع سيدرا و بصت لمالِك وقالت :
اتفضل معايا يا أستاذ وصلت موظفه الاستقبال مالِك قدام مكتب سيدرا غاده اخدتوا منها وقالت :
ازيك يا بش مهندس مالِك اتفضل معايا
خبطت غاده على الباب وسمعت سيدرا بتأذن بالدخول
مالِك دخل وغاده طلعت وقفلت الباب وراها
سيدرا بصت في عينه وقالت :
اهلا يا بش مهندس مالِك نورت الشركه
مالِك :
بنورك بس ياريت من غير بش مهندس خليها مالِك بس
سيدرا :
تمام يا مالِك
لما سمع اسمه منها سرح فيها شويه وقال بدون وعي :
انا اسمي طلع حلو اوي كدا
سيدرا :
افندم؟
مالِك :
احم لا متخديش في بالك تحبي نتكلم في التصميم ولا ؟
سيدرا :
احب
طلَعت سيدرا التصميم وحطته على المكتب وبدأت تشرحله كل حاجه عن التصميم
مالِك كان بيمسعها باهتمام وجه يشاور بأيده على جزء معين في التصميم و في نفس الوقت دا سيدرا كانت بتشاور على نفس الجزء اديهم لمست بعض سيدرا جسمها قشعر ومالِك قلبه كان بيدق بعنف سحبت سيدرا اديها بسرعه وقالت بتوتر :
احم بس كدا احنا اتكلمنا على كل تفاصيل التصميم فيه اي مشكله معينه تحب تتكلم فيها
مالِك :
لا كل حاجه تمام والفلوس هتوصلك بكره في نفس المعاد دا أن شاء الله وانا مش مبهور ابدا انك قدرتي تخلصي تصميم مستشفى كبيره زي دي في يومين بس لان اكتشفت انك موهوبه جدا
سيدرا فرحت من كلامه جدا من رغم أن الكلام دا بتسمعه من ناس كتير لكن متعرفش ليه فرحت لما هو ال قال كدا
ردت بأبتسامه وقالت :
شكرا ليك يا مالِك على زوقكك
مالِك ابتسم لها وقال :
امشي انا بقى
سيدرا وقفته وقالت :
لا تمشي فين مش هتمشي غير لما تشرب حاجه
مالِك :
مش هقدر يا سيدرا خليها في وقت تاني
سيدرا :
والله ما انت ماشي غير لما تشرب حاجه وانا حلفت
ها تشرب اي بقى
مالِك :
قهوه بقى وامري لله
سيدرا سمعت كلامه ورنت على غاده وقالت :
غاده اتنين قهوه واحده ساده وواحده
ووجه كلامها لمالِك وقالت :
بتشرب القهوه ايه
مالِك :
مظبوطه
سيدرا لغاده :
وواحده مظبوطه يوصلوا مكتبي في اسرع وقت تمام ؟
غاده :
تحت امرك يا سيدرا هانم
وبعد شويه وصلت القهوه وبدأوا يشربوها كان الصمت سيد المكان لحد ما قاطع مالِك الصمت دا وقال :
بتحبي الكتب والقراءه وكدا ولا ملكيش فيها؟
سيدرا :
لا بقراء عادي
مالِك :
قولتيلي بتحبي بقى الرومانسي ولا الاكشن ولا اي انا عن نفسي احب القصص الرومانسيه
سيدرا :
لا انا مليش فيها انا ليا في الاكشن والحزين
مالِك :
يا ساتر ليه كدا حد بيحب الحزين بردو
سيدرا :
اهو بحس انها احلى من الحكايات السعيده
لاني بشوف الحكايات السعيده كلها كدب لأن الحياه اصعب من كدا بكتير
مالِك :
اه طبعا الحياه مش دائما ورديه لكن احنا ال بنلونها بأدينا وممكن أننا نتخطى كل الحاجات ال مخليانا احزان ونحولها لحاجه سعيده الحياه مش هتقف على حد ولا هتقف على اي حاجه تانيه
مالِك :
عندي اخر سؤال
سيدرا :
هاااا
مالِك :
بتفكري في الجواز؟
سيدرا :
لا انا بكرهه ال رجا...
مرديتش تقول انها بتكرهه الرجاله عشانه
ف ردت عليا وقالت :
لا مفكرتش قبل كدا ومش عايزه
مالِك :
طب ما تفكري
سيدرا بهزار :
ولااا متعصبنيش
مالِك :
احم ماشي تتعصبي اي بس هتطر امشي انا بقى يا سيدرا اتشرفت بمعرفتك جدا واتمني اشوفك تاني
سيدرا :
وانا كمان بتمنى اشوفك تاني
مدت سيدرا ايديها عشان تسلم عليه مسكها بقوه وودعها
مشي مالِك وطلع من الشركه ورن على بتول وقال :
الو ايوا يا بتول مش هقدر اجي عندكم خليها مره تانيه
محتاج اروح ارتاح
بتول :
ماشي يا ملوك بس متغبش كتير ها عشان عرفاك ممكن تغيب بالاسابيع
مالِك :
ماشي يا خلبوصه هحاول
قفل مالِك مع بتول ورن على سواقه الشخصي عشان يروح بيته
وبعد شويه العربيه وصلت ركبها مالِك وتوجه الي بيته
وعند سيدرا نادت على غاده وقالت :
انا هَروح في اي شغل اخصله قبل ما امشي؟
غاده :
لا يفندم مافيش
سيدرا :
تمام
نزلت سيدرا وطلعت من الشركه ركبت عربيتها وفي العربيه رنت على بتول وقالت :
ازيك يا بتول عامله اي ليكي واحشه
بتول :
متاكده أن ليا واحشه ما واضح حضرتك ولا بتسألي ولا بتلفون ولا بزياره
سيدرا :
والله اليومين دول كان في تصميم جديد وكنت بشتغل فيه بجهد عشان اخلصه في اسرع وقت ومكنتش فاضيه ابدا وكنت ناويه اروحلك النهارده بعد الشغل بس للأسف الوقت اتأخر زي ما انتي شايفه وانا بصراحه تعبت جدا بس متزعليش هجيلك قريب جدا ولا تزعلي يا بيضه
بتول :
ماشي ما انا عارفه ولا هعرف اخد معاكي ولا حق ولا باطل بس عامة ياستي مستنياكي
سيدرا :
ماشي ياقلبي يلا سلام
قفلت سيدرا المكالمه وبعد شويه كانت وصلت قدام الڤيلا
الحرس فتحوا البوابات ودخلت سيدرا بالعربيه وقفت العربيه قدام الباب نزلت سيدرا منها ورنت الجرس الشغاله فتحتلها الباب دخلت سيدرا وطلعت على اوضتها غيرت هدومها واخدت شاور
وبعد شويه طلعت من الحمام وقعدت على السرير اتنفست براحه وقالت :
ياه اخيرا هنام شويه بقى دا البيت نعمه والله
غمضت سيدرا عنيها عشان تنام
وفجأة وسط الظلام جه قدامها صوره مالِك شكله كان جميل اوي كان مبتسم وماسك اديها بحب
اتفزعت سيدرا وفتحت عينيها بسرعه بصت على الساعه لاقيتها 6 الصبح واتضح أن كل دا كله كان حلم
قامت من السرير ودخلت البلاكونه ابتسمت ابتسامه عريضه وقالت :
الله ؟ انا بفكر في ليه وبحلم بيه كمان لا دا كتير اوي بس .... هو بصراحه حلو ودا منكروش
وبعدين بصت في ساعتها ولقت اني الساعه بقت 7
سيدرا :
ياه دا معاد الشغل كمان شويه اما ادخل اخد شاور واتجهز
وبالفعل راحت سيدرا تجهز وكانت بتغني لشيرين وبتقول :
"الرايه البيضه برفعها وأوامر حبه بتباعها ماكر عارف نقطت ضعفي"
سيدرا :
الله ! انا مالي يا خوان ؟