إعتقال الميراث " مغُمـور "

Part 18 || الحَاضر والمِاضي

#اعتقال_الميراث _"مغمور"
-زينب الشمري

Instagram: zainab.shamar
Telegram:shaker6

-لا تنسون التصويت والتعليق بين الفقرات ضروري ومتابعة حسابي الواتباد لطفا💕

                               •••••

دخلت المطبخ ،فتحت عيوني شربت مي
طلعت من المطبخ جاي اصعد الدرچ ،حسيت بواحد وراي خطف صار وراي ،ردت أدور جسمي
بس انسحلت وأيد عملاقة سدت حلكي مانعتني عن الصراخ ..

انفاسة تلفح بأذاني ،همس بصوت راهي
-عساف: رچلج لا تزاكطين مثل المطاية

هدء جسمي بعد ما جان يرجف من الخوف كل ضني واحد راح يخطفني لان بس لزمة الخاطف هيج
درت وجهي ضربتة حيل ع صدرة خازرتة

- كل عقلك تسوي هيج؟ جان متت بيدك من الخوف

- تؤ تؤ ميراث الزمو تموت من الخوف؟

- اخخخ كلبي وخر ضجت منك بعد ماحجي وياك للابد

- زعلان انه ترا

- واني هم زعلانة

- ونبقة هيج واحد زعلان ع ثاني

- روح لشيرين ام فستان قصير خل ترضيك

- اخخ ع كلبي المتعوب

- كلشي مابيك عرج ما يطكك

- مضلوووم اني مضلوووم

صعدت تمددت بفراشي الرهبة بعدها بية جان نجلطت لو ما حاجي غطيت وجهي حتى ما يجيني
شوي وحسيت الفراش نزل يعني كعد ع جرباية ،إيد من جوا صارت تمشي ع بطني عرفتها ايدة
دفعتها بنترة