#اعتقال_الميراث _"مغمور"
-زينب الشمري
Instagram: zainab.shamar
Telegram:shaker6
-لا تنسون التصويت والتعليق بين الفقرات ضروري ومتابعة حسابي الواتباد لطفا💕
••••••
- جبران: لا تخليني اكشفلها الاقنع واحجيلها زوچج الموقر عساف نجيد جان إلة إيد
بقتل امچ حبيبة كلبچ ابتهاج ...
رجفت ايدي برهبة ،وكع الموبايل من ايدي لزمت راسي آهز بـ بكلمة لا لا مستحيل يسويها
نفسي يصعد وينزل حسيت جسمي كلة تشنچ لفترة ،كمت من مكاني رايحة بمكاني دموعي ع خدودي
نمت بصف يزن حاضنته حيل لصدري بس دموعي تنزل بغزارة
ما توقعتها منة ولا واحد بالمية
شوي وحسيتة تمدد وراي ،يهمس بكلمات بصف أذني
- ها ونيستي نايمة؟
غمضت عيوني بقوة ما اريد التفت إلة ولا أبين اله أني سمعت شي ،شوي وانتضم نفسة نام
لحد ما طلع الصبح اني مفتحة عيوني ما غمضت دقيقة مجرد صافنة بالفراغ
كمت من مكاني روح بلا جسد ،دخلت للحمام سبحت ،وكفت كدام مراية الحمام اباوع على شكلي التعبان
ابتسمت بانكسار الجنتي تلتجئين اله بوقت حزنچ وجنتي تسولفين الة عن قهرچ وشلون كتلو امچ كدام عينچ
طلع هوا بنفسة مشارك بقتلها
طشيت مي بوجهي أضرب بيدي على خدودي احجي وية نفسي
كافي اصحي اصحي كافي
شوفي وين وصلتي نفسج بغبائج انتبهي وين اخذچ ليا عالم وانتِ رايحة ويا بكل اطمئنان المتشارك بجريمة قتل
أمج تنامين بحضنة وتبوسينة وتضحكين ويا ،نزلت راسي دموعي تجري ،شلون ومعاملتة النا؟
ليش هيج سوا؟ شنو غايتة يريد ينتقم مني؟بس على شنو!
أنت تقرأ
إعتقال الميراث " مغُمـور "
Actionلكــل عُشق بـداية و هَــنا تتوسط ملُتقى عشق الغربــاء -ذالك الشَخصُ الغريب البعـيد يحتجــزني بين اسَــوار القصــر المرُيب يمتلك كُل شيء فيحولة الـ الوانـة الغامقة سِلاحـهِ العتيق الـذي لا يـُفارقَ خصرة. - لحظة هناك شئ لا يفارق جسدة أيضا -قِـلادة...
