النَيرَاجُ

Part 4

كعدت الصبح ب 5:00 علمود أراجع كمت للحمام غسلت وجهي وتوضيت وصليت الفجر وكعدت اقرا قران وخاصه سوره البقره لان مباركه  خلصت سوره البقره كلها وكعدت ادعي وسبحت
وكمت اقرا احياء لان وصلت اخر فصل صراحه اني كلش زينه بالاحياء وكل درجاتي ما تقل عن 90 وما أتذكر إذا جبت اقل

ب 7:30 كملت احياء لان اني حافظته بس مراجعه وهسه اخذ شويه ريست وارجع اكمل باقي المواد فكمت اتريگ سويت ريوگ
واذا تسألون عن اسيلا فهيه ادبي وهيه تقريباً خلصت مراجعه البارحة اما اني بعدلي اخر فصلين بالفيزياء اكملهن ورياضيات موضوع واحد بقالي

خلصت ريوگ وكمت غسلت المواعين ورتبتهن وكعدت شويه على التلفون حتى اشوف خاف ينشرون قرار او حذف بس ماكو اي شي
فكمت رحت لغرفة ماما طبيت على كيفي لان ماما نايمة وجنت اريد تلفونها علمود اشوف خاف راسل اويس أخذت التلفون وصعدت للغرفة فتحت التلفون اعرف الرمز لان مره شفت ماما فتحته كدامي كعدت طبيت على رقمه لكيته ممراسل ولا داگ فكلت جوز نايم

بس ماكو لا ساعه ولا ساعتين اخر شي ذبيت تلفون ماما ولزمت تلفون مالتي ضليت اكلب بيه لعسى اويس يراسل لكن ماكو مرت ثلاث ساعات وهو لا حس ولا خبر فاني ضجت لان هو كالي انو يدك عليه وبقيت انتظر بس ماكو قررت ما أحجي ويه كلش اكره هذا التصرف من احد يكلگ شي بس ما يسويه فرجعت اكمل قرايتي

يم اويس :
جنت بالطريق رايحين اني وأهلي لبيت جدي لي هم بغير محافظه بس قريبه علينه جنت داسوق وبصفي بابا وماما واخواني كاعدين لورا فتقريبا لمده ساعه ونص وصلنه لبيت جدي طبكت السياره بالكراج جبير بيه كُل سيارات عمامي ونزلنه فدكينه الباب ففتحه ابن عمي مُلاذ تقريباً اكبر مني بسنه سلمنه عليه ودخلنا فسلمنه على جدتي وجدي وعمامي وعماتي فأهلي كعدوا واني رحت ويه مُلاذ وشهم همه اصدقائي من الطفولة وشهم بكدي واحنا متربين سوه

طلعنا لمكانه المفضل وهو حديقه جنه دائما نلعب بيها من احنا وصغار ولهسه نحبها عباره عن مكان كعده وبيه أشجار بس جانت اكو شجره دائما نكتب بيها أسماءنا واعمارنا ونكتب شعر عليها ولهسه موجودات الكتابات فرحنا نكتب تاريخ دائما من نجي نكتب تاريخ

مُلاذ : شوفوا خلي نكتب أسامي بنات مُعجبين بيهن

شهم : يله اول واحد اويس

اويس : ليش اني خلي مُلاذ هو اكبر واحد

مُلاذ : لا والله انت اكتب ثاني شي ماله دخل بالعمر

شهم : يمعودين لا تتعاركون عمي اني اكتب شسالفه

فكتب شهم اسم ( جُمان )

مُلاذ : اوه طلعت جنه عائله ال حارث

اويس : ولگ هاي مو بت حيدر

شهم : يأبه هسه شدخلكم واحد منكم يكتب

فكتب مُلاذ اسم ( روجدا )